പാലിൻ കമ്മീഷൻ

പലസ്തീൻ വിഷയത്തിൽ നടന്ന ആദ്യത്തെ ബ്രിട്ടീഷ് അന്വേഷണ സമിതിയാണ് പാലിൻ കമ്മീഷൻ അല്ലെങ്കിൽ പാലിൻ കമ്മീഷൻ ഓഫ് എൻക്വയറി അല്ലെങ്കിൽ പാലിൻ കോർട്ട് ഓഫ് എൻക്വയറി.

1920 ഏപ്രിൽ ആദ്യത്തിൽ നടന്ന ജറുസലേം കലാപത്തിന്റെ കാരണങ്ങൾ പരിശോധിക്കാനായി ബ്രിട്ടീഷ് അധികാരികൾ 1920 മെയ് മാസത്തിൽ ഈ പ്രദേശത്തേക്ക് സമിതിയെ അയച്ചു. വിവിധ പാർട്ടികളും ഭരണസംവിധാനവും തമ്മിൽ വർദ്ധിച്ചുവരുന്ന അസ്വാരസ്യങ്ങളെക്കുറിച്ച് സമിതി പഠനം നടത്തി.

സമിതി

മേജർ ജെനറൽ സർ ഫിലിപ് പാലിൻ അധ്യക്ഷനായിരുന്ന സമിതിയിൽ ബ്രിഗേഡിയർ ജെനറൽ ഇ.എച്ച്. വൈൽഡ്ബ്ലഡ്, ലെഫ്റ്റനന്റ് കേണൽ സി. വാഗൻ എഡ്വേർഡ്സ് എന്നിവർ അംഗങ്ങളായിരുന്നു.

50 ദിവസങ്ങളെടുത്തുകൊണ്ട് വിവിധ ഭാഷക്കാരായ 152 സാക്ഷികളെ സമിതി വിസ്തരിച്ചു.

1920 ജൂലൈ 1-ന് പൂർത്തിയായ സമിതി റിപ്പോർട്ട് ആഗസ്റ്റ് മാസത്തിൽ സമർപ്പിക്കപ്പെട്ടെങ്കിലും പ്രസിദ്ധീകരിക്കപ്പെട്ടിരുന്നില്ല.