ഡോണ സമ്മർ

ഇംഗ്ലീഷ് വിലാസം

http://ml.wikipedia.org/wiki/Donna_Summer

ഡോണ സമ്മർ
ഡോണ സമ്മർ 2009ൽ
ജീവിതരേഖ
ജനനനാമം	LaDonna Rudy Rozaidi
അറിയപ്പെടുന്നത് ഈ പേരിലും	Donna Gaines The Queen of Disco
ജനനം	1948 ഡിസംബർ 31(1948-12-31) Boston, Massachusetts, U.S.
സ്വദേശം	Dorchester, Boston, Massachusetts
മരണം	2012 മേയ് 17(2012-05-17) (പ്രായം 63) Englewood, Florida, U.S.
സംഗീതശൈലി	Pop, disco, dance-pop, rock
തൊഴിലുകൾ	Singer-songwriter
ഉപകരണം	Vocals, piano
സജീവമായ കാലയളവ്	1969–2012
റെക്കോഡ് ലേബൽ	Oasis Records Casablanca (1975–1980) Geffen (1980–1988) Atlantic (1988–1991) Mercury (1994–1996) Warner-Elektra-Atlantic (Outside of U.S. 1980–1991) Epic (1999–2001) Burgundy (2006–2012)
Associated acts	Giorgio Moroder, Brooklyn Dreams

ഡിസ്‌കോ റാണി എന്ന പേരിൽ പ്രശസ്തയായ അമേരിക്കൻ ഗായികയായിരുന്നു ഡോണ സമ്മർ (31 ഡിസംബർ 1948 – 17 മേയ് 2012). അഞ്ചുതവണ ഗ്രാമി അവാർഡ് നേടിയ ഡോണയുടെ മൂന്ന് ആൽബം തുടർച്ചയായി യുഎസ് ബിൽബോർഡ് ചാർട്ടിൽ ഒന്നാം സ്ഥാനം അലങ്കരിച്ചിട്ടുണ്ട്.

ജീവിതരേഖ

മസാച്യുസെറ്റ്‌സിൽ 1948-ൽ ജനിച്ച ഡോണ പത്താം വയസ്സിൽ പള്ളിഗായകസംഘത്തിൽ പാടിക്കൊണ്ടാണ് സംഗീതലോകത്തെത്തിയത്. ലാഡോണ അഡ്രിയാൻ ഗെയ്ൻസ് എന്നാണ് ഡോണയുടെ യഥാർഥ പേര്. 1974-ൽ ആദ്യ സോളോ ആൽബം പുറത്തിറക്കി. '75-ൽ ലവ് ടു ലവ് യു ബേബി ഇറങ്ങിയതോടെ അവരുടെ പ്രശസ്തി കുതിച്ചുയർന്നു.1973-ൽ നടൻ ഹെൽമത് സോമറെ വിവാഹം ചെയ്തു. '75-ൽ അവസാനിച്ച ഈ ബന്ധത്തിൽ മിമി സോമർ എന്ന മകളുണ്ട്. '80-ൽ സംഗീതജ്ഞൻ ബ്രൂസ് സുഡാനോയെ വിവാഹം കഴിച്ചു. ബ്രൂക്‌ലിൻ, അമാൻഡ എന്നിവർ ഈ ബന്ധത്തിലെ മക്കളാണ്.

ആൽബങ്ങൾ

ഐ ഫീൽ ലവ്, സ്റ്റേറ്റ് ഓഫ് ഇൻഡിപെൻഡൻസ്, ബാഡ് ഗേൾസ്, ഷി വർക്‌സ് ഹാർഡ് ഫോർ ദ മണി തുടങ്ങിയ ആൽബങ്ങൾ അവരെ സംഗീതലോകത്തെ എണ്ണം പറഞ്ഞ ഗായകരിലൊരാളാക്കി.2010-ൽ ഇറക്കിയ ടു പാരിസ് വിത്ത് ലവ് ആണ് അവസാനത്തെ സംഗീത ആൽബം.

താങ്ക് ഗോഡ് ഇറ്റിസ് ഫ്രൈഡേ എന്ന ഡിസ്‌കോ സിനിമയിലും ഫാമിലി മാറ്റേഴ്‌സ് എന്ന ടി.വി. പരമ്പരയിലും അഭിനയിച്ചിട്ടുണ്ട്.

പുരസ്കാരങ്ങൾ

ചടുലനൃത്ത സംഗീതത്തിന് പുതിയ മാനങ്ങൾ നൽകിയ ഡോണയ്ക്ക് അഞ്ച് ഗ്രാമി അവാർഡുകളും ആറ് അമേരിക്കൻ മ്യൂസിക് അവാർഡുകളുമുൾപ്പെടെ ഒട്ടേറെ പുരസ്‌കാരങ്ങൾ ലഭിച്ചിട്ടുണ്ട്. ഐ ഫീൽ ലവ് എന്ന ഗാനത്തെ എക്കാലത്തെയും മികച്ച 500 ഗാനങ്ങളുടെ പട്ടികയിലാണ് ദ റോളിങ് സ്റ്റോൺ മാസിക പെടുത്തിയിരിക്കുന്നത്.

പുറം കണ്ണികൾ

• ഔദ്യോഗിക വെബ്സൈറ്റ്