ആംഗ്ലോ-സാക്സൺ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഏ ഡി അഞ്ചാം നൂറ്റാണ്ടിൽ ജെർമനിയിൽ നിന്ന് ബ്രിട്ടന്റെ തെക്കും കിഴക്കും പ്രദേശങ്ങൾ ആക്രമിച്ചു കീഴടക്കി അവിടെ കുടിയേറിയ ജെർമാനിക് ഗോത്ര വർഗക്കാരാണ് ആംഗ്ലോ-സാക്സൺ. ആറാം നൂറ്റാണ്ട് മുതൽ നോർമൻ അധിനിവേശത്തിന്റെ കാലം (1066 AD) വരെ ബ്രിട്ടനിൽ ആംഗ്ലോ സാക്സൺ ഭരണത്തിന്റെ കാലഘട്ടമായിരുന്നു. ഇവർ സംസാരിച്ചിരുന്ന ഭാഷയെയും ആംഗ്ലോ-സാക്സൺ എന്ന് പറയാറുണ്ട്. ആംഗ്ലോ-സാക്സൺ ഭാഷയെ പഴയ ഇംഗ്ലീഷ് എന്നും വിളിക്കാറുണ്ട്. നോർമൻ ഭാഷയുടെയും ആംഗ്ലോ-സാക്സന്റെയും ഒരു സങ്കരമാണ് ഇന്നത്തെ ആധുനിക ഇംഗ്ലീഷ്. നോർമൻ ഭരണകർത്താക്കൾ ബ്രിട്ടനിൽ നിന്നും ആംഗ്ലോ-സാക്സൺ ഭാഷ തുടച്ചു മാറ്റാൻ പരമാവധി ശ്രമിച്ചെങ്കിലും ആധുനിക ഇംഗ്ലീഷിൽ ഒരുപാട് ആംഗ്ലോ-സാക്സൺ വാക്കുകൾ കടന്നു കയറി. ഇംഗ്ലീഷിൽ ഉള്ള മിക്കവാറും തെറി പ്രയോഗങ്ങൾ ആംഗ്ലോ-സാക്സൺ ഭാഷയിൽ നിന്ന് വന്നവയാണ്. [1] [2] ആംഗ്ലോ-സാക്സൺ മൂന്ന് ജെർമൻ ഗോത്ര വർഗങ്ങളിൽ നിന്ന് ഉൽഭവിച്ചതാണെന്ന് എട്ടാം നൂറ്റാണ്ടിൽ ജീവിച്ചിരുന്ന ബെനഡിക്റ്റിൻ വൈദികനായ ബീഡ് രേഖപ്പെടുത്തി. ജെർമനിയിലെ ആങ്ലിയയിൽ നിന്നു വന്ന ആംഗിളുകൾ, താഴെ സാക്സണിയിൽ നിന്നുള്ള സാക്സണ്മാർ, ജൂട്ട്ലാൻഡിൽ (ഇപ്പോഴത്തെ ഡെന്മാർക്) നിന്നുള്ള ജൂട്ടുകൾ എന്നിവയാണ് ആ മൂന്ന് ജെർമാനിക് ഗോത്ര വർഗങ്ങൾ.

624 AD യിലെ ഒരു ആംഗ്ലോ-സാക്സൺ പടയാളിയുടെ ശിരോകവചം
Anglo-Saxons, 500-1000 CE

അവലംബം[തിരുത്തുക]

  1. Frank M. Stenton, The Oxford history of England: Anglo-Saxon England
  2. Richard M. Hogg, ed. The Cambridge History of the English Language: Vol 1: the Beginnings to 1066 (1992)
"http://ml.wikipedia.org/w/index.php?title=ആംഗ്ലോ-സാക്സൺ&oldid=1949742" എന്ന താളിൽനിന്നു ശേഖരിച്ചത്