ഹാരിയറ്റ് ബീച്ചർ സ്റ്റോ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഹാരിയറ്റ് ബീച്ചർ സ്റ്റോ

ഒരു അമേരിക്കൻ എഴുത്തുകാരിയും വിമോചകപ്രവർത്തകയുമായിരുന്നു ഹാരിയറ്റ് എലിസബത്ത് ബീച്ചർ സ്റ്റോ ( English: Harriet Beecher Stowe). ഇവരുടെ അങ്കിൾ ടോംസ് കാബിൻ എന്ന നോവലിൽ അടിമത്തത്തിന്റെ ക്രൂരതയെക്കുറിച്ച് വിശദമായി പ്രതിപാദിച്ചിരിക്കുന്നു. അടിമത്തത്തിനെതിരെയുള്ള പ്രവർത്തനങ്ങൾക്ക് പ്രേരകശക്തിയായും ലോകത്തുനിന്നും അടിമത്തം നിർമ്മാർജ്ജനം ചെയ്യുന്നതിനും ഈ നോവൽ സഹായകമായി.

പോരാട്ടങ്ങളിലൂടെയും നിയമനിർമ്മാണത്തിനുള്ള മുറവിളികളിലൂടെയും മറ്റു പല സാമൂഹ്യപ്രവർത്തകർക്കും സാധിക്കാത്ത കാര്യം ബീച്ചർ സ്റ്റോവിന് ഈ ഒരൊറ്റ നോവലിലൂടെ നേടിയെടുക്കാൻ സാധിച്ചു. അങ്കിൽ ടോംസ് കാബിൻ ഉയർത്തിയ ചിന്തകൾ അമേരിക്കയിൽ വടക്കും തെക്കുമുള്ള അഭിപ്രായങ്ങളെ ഏകീകരിക്കാനും അങ്ങനെ ഒരു ആഭ്യന്തരയുദ്ധം പൊട്ടിപ്പുറപ്പെടുന്നതിനും കാരണമായതായി വിലയിരുത്തപ്പെടുന്നു.


ജീവിതരേഖ[തിരുത്തുക]

കണക്റ്റിക്കട്ടിലെ ലിച്ച്ഫീൽഡിൽ 1811 ജൂൺ 14-നാണ് ഹാരിയറ്റ് ബീച്ചർ ജനിച്ചത്. 1832-ൽ സിൻസിനാറ്റിയിലേക്ക് താമസം മാറ്റി. 1836-ൽ കാല്വിൻ ഇ. സ്റ്റോവിനെ വിവാഹം കഴിച്ചു. 1850-ൽ ന്യൂ ഇംഗ്ലണ്ടിലേക്ക് മാറി.

സാഹിത്യജീവിതം[തിരുത്തുക]

1851-നും 52നുമിടക്ക് വാഷിങ്ടൺ ഡി.സി.യിൽ നിന്നും പുറത്തിറങ്ങുന്നതും അടിമത്തത്തിനെതിരെ നിലകൊള്ളുന്നതുമായ നാഷണൽ എറാ എന്ന വർത്തമാനപ്പത്രത്തിൽ തുടർക്കഥകൾ എഴുതി. 1852 ഈ കഥകൾ ഒന്നിച്ചു പുസ്തകരൂപത്തിൽ പ്രസിദ്ധീകരിച്ചു. അടിമത്തത്തെ കടന്നാക്രമിച്ച ഈ കഥാസമാഹാരമാണ് അങ്കിൾ ടോംസ് കാബിൻ.

ഇതിനുപുറമേ മറ്റു കൃതികളും എഴുതിയിട്ടുണ്ടെങ്കിലും അവക്കൊന്നും അങ്കിൾ ടോംസ് കാബിൻ ഉണ്ടാക്കിയ ചലനങ്ങളെ വെല്ലാൻ സാധിച്ചില്ല.

അന്ത്യം[തിരുത്തുക]

1896 ജൂലൈ 1-ന് കണക്റ്റിക്കട്ടിലെ ഹാർട്ഫോർഡിൽ വച്ച് സ്റ്റോ മരണമടഞ്ഞു.

അവലംബം[തിരുത്തുക]

  • ദ് ഹിന്ദു യങ് വേൾഡ് - 2007 ഒക്ടോബർ 26 - ദില്ലി എഡിഷൻ - താൾ 2 - ദ് ഗ്രേറ്റ് വൺസ് എന്ന പംക്തിയിൽ ഹാരിയറ്റ് ബീച്ചർ സ്റ്റോ എന്ന തലക്കെട്ടിൽ വി.കെ. സുബ്രമണ്യൻ എഴുതിയ ലേഖനം.
"http://ml.wikipedia.org/w/index.php?title=ഹാരിയറ്റ്_ബീച്ചർ_സ്റ്റോ&oldid=1697147" എന്ന താളിൽനിന്നു ശേഖരിച്ചത്