മലയാളം: ഒരു രോമപാദ ചിത്രശലഭമാണ് പാൽവള്ളി ശലഭം. ഒറ്റ നോട്ടത്തില്‍ അരളിശലഭമാണെന്നു (Euploea core) തോന്നും. രണ്ടും ഒരേ കുടുംബത്തില്‍പ്പെട്ടവയാണ്. ചിറകു വിടര്‍ത്തിയിരിക്കുമ്പോള്‍ ഉള്‍ച്ചിറകില്‍ കാണപ്പെടുന്ന വരകളുടെ എണ്ണത്തില്‍ ഇവ തമ്മില്‍ വ്യത്യാസമുണ്ട്. അരളി ശലഭത്തിന് ഒരെണ്ണമാണെങ്കില്‍ പാൽവള്ളി ശലഭത്തിനിത് രണ്ടെണ്ണം വീതമാണ്. ചിറകു പൂട്ടിയിരിക്കുമ്പോള്‍ പിന്‍ ചിറകില്‍ നടുക്ക് അടുത്തടുത്തായി മൂന്ന് വെള്ള കുത്തുകള്‍ ഉണ്ട്. കല്ലിത്തി, അത്തി, ചക്കരക്കൊല്ലി, പാൽവള്ളി തുടങ്ങിയ ചെടിയും മരങ്ങളും ആണ് ഇതിന്റെ ലാർവാ ഭക്ഷ്യ സസ്യം.