കാസ്മോസ്

ഈജിപ്തുകാരനായ പുരോഹിതനും സഞ്ചാരിയുമായിരുന്നു കാസ്മോസ്. ഇൻഡിക്കോപ്പിസ്തുസ് (ഇന്ത്യയിലേക്ക് കപ്പൽ കയറിയവൻ) എന്ന അപര നാമത്തിലാണ്‌ അദ്ദേഹം അറിയപ്പെടുന്നത്. ഒരു വ്യാപാരിയായി ജീവിതം ആരംഭിച്ച അദ്ദേഹം പേർഷ്യൻ ഉൾക്കടൽ മുതൽ ശ്രീലങ്ക വരെയുള്ള പ്രദേശങ്ങൾ മുഴുവനും സഞ്ചരിച്ചു. കേരളത്തിലെ ക്രിസ്തുമത പ്രചാരത്തെക്കുറിച്ച് അസന്ദിഗ്ദമായ തെളിവുകൾ നൽകിയിട്ടുള്ളയാളാണ്‌ കാസ്മോസ്. കേരളത്തിന്‌ അദ്ദേഹം മലൈ എന്ന പേരാണ്‌ നൽകിയിരിക്കുന്നത്.