സമീറാ മക്മൽബഫ്

ഇംഗ്ലീഷ് വിലാസം

https://ml.wikipedia.org/wiki/Samira_Makhmalbaf

സമീറാ മക്മൽബഫ്
ജനനം	(1980-02-15) ഫെബ്രുവരി 15, 1980 ടെഹ്റാൻ, ഇറാൻ
തൊഴിൽ	ചലച്ചിത്ര സംവിധായിക, നിർമ്മാതാവ്, തിരക്കഥാകൃത്ത്
സജീവ കാലം	1998–present
മാതാപിതാക്ക(ൾ)	മൊഹ്സിൻ മക്മൽബഫ് മർസീഹ്‌ മക്മൽബഫ്‌i

നിരവധി അന്തർദ്ശീയ പുരസ്കാരങ്ങൾ നേടിയ ഇറാൻ ചലച്ചിത്ര നിർമ്മാതാവും തിരക്കഥാകൃത്തും സംവിധായികയുമാണ് സമീറാ മക്മൽബഫ് (ജനനം : 15 ഫെബ്രുവരി 1980). ഇറാനിൽ പോകുന്നതിന് ഭരണകൂടം വിലക്കേർപ്പെടുത്തിയതിനെത്തുടർന്ന് ലണ്ടനിലാണ് ഇപ്പോൾ താമസം.

ജീവിതരേഖ

പ്രസിദ്ധ ഇറാൻ സംവിധായകൻ മൊഹ്സിൻ മക്മൽബഫിന്റെയും മർസീഹ്‌ മക്മൽബഫിന്റെയും മകളായി ഇറാനിൽ ജനിച്ചു. പതിന്നാലാം വയസിൽ സാമ്പ്രദായിക പഠനം അവസാനിപ്പിച്ച സമീറ, മക്ബൽബഫ് ഫിലിം ഹൗസിൽ സിനിമ പഠനം നടത്തി. രണ്ട് വീഡിയോ ചിത്രങ്ങൾക്കു ശേഷം 17-ാം വയസിൽ ചലച്ചിത്ര സംവിധാന രംഗത്തേക്ക് തിരിഞ്ഞു. ആപ്പിൾ ആണ് ആദ്യ സിനിമ. 2000 ൽ 22 -മത് മോസ്കോ അന്തർദേശീയ ചലച്ചിത്രോത്സവ ജൂറിയായി പ്രവർത്തിച്ചു.

ചലച്ചിത്രങ്ങൾ

ചലച്ചിത്രം

വർഷം	പേര്	സംഭാവന	കുറിപ്പുകൾ
1998	ദ ആപ്പിൾ (ചലച്ചിത്രം)''	സംവിധായിക/ കഥ
2000	ബ്ലാക്ക്ബോർഡ്സ്	സംവിധായിക/ കഥ	കാൻ ചലച്ചിത്രോത്സവത്തിൽ ജൂറു പുരസ്കാരം(2000)
2002	11'09"01 സെപ്റ്റംബർ 11	സംവിധായിക/ കഥ	(ഗോഡ്, കൺസ്ട്രക്ഷൻ ആൻഡ് ഡിസ്ട്രക്ഷൻ എന്ന ഭാഗം)
2003	അറ്റ് ഫൈവി ഇൻ ദ ആഫ്റ്റർനൂൺ	സംവിധായിക/ കഥ / ഛായാഗ്രഹണം
2008	ടൂ - ലെഗ്ഡ് ഹോർസ്	സംവിധായിക/ നിർമ്മാതാവ്

പുരസ്കാരങ്ങൾ

• "സൂതർലാൻഡ് ട്രോഫി"“, ലണ്ടൻ ചലച്ചിത്രോത്സവം 1998, [[യു.കെ].
• “അന്തർദേശീയ നിരൂപക പുരസ്കാരം”, ലൊക്കാർണോ ചലച്ചിത്രോത്സവം1998, സ്വിറ്റ്സർലാന്റ്.
• “ജൂറിയുടെ പ്രത്യേക പുരസ്കാരം”, തെസലോണിക്ക ചലച്ചിത്രോത്സവം 1998, ഗ്രീസ്.
• “ജൂറിയുടെ പ്രത്യേക പുരസ്കാരം”,സാവോപോളോ ചലച്ചിത്രോത്സവം1998, ബ്രസീൽ.
• “ജൂറിയുടെ പ്രത്യേക പുരസ്കാരം”, ഇൻഡിപ്പെൻഡന്റ് ഫിലിം ഫെസ്റ്റിവൽ 1999, അർജന്റീന.
• മത്സര വിഭാഗത്തിൽ “ജൂറിയുടെ പ്രത്യേക പുരസ്കാരം” 2000 ലെ കാൻസ് ചലച്ചിത്രോത്സവം ഫ്രാൻസ്.
• “ഫെഡറികോ ഫെല്ലിനി മെഡൽ”, യുനെസ്കോ, പാരീസ്, 2000.
• “ത്രൂഫോ പ്രൈസ്”, ഗിഫോണി ചലച്ചിത്രോത്സവം in Iഇറ്റലി 2000.
• “ജൂറിയുടെ പ്രത്യേക പുരസ്കാരം”, യുനെസ്കോ, പാരീസ്, 2000.
• “ഗ്രാന്റ് ജൂറി പുരസ്കാരം”, അമേരിക്കൻ ഫിലിം ഇൻസ്റ്റിറ്റ്യൂട്ട്, അമേരിക്ക, 2000
• മത്സര വിഭാഗത്തിൽ “ജൂറിയുടെ പ്രത്യേക പുരസ്കാരം” 2000 ലെ കാൻസ് ചലച്ചിത്രോത്സവം ഫ്രാൻസ് France, 2003.
• എക്യുമെനികൽ ജൂറി പ്രൈസ്, കാൻസ് 2003, ഫ്രാൻസ്.
• സുവർണ്ണ മയൂരം, മത്സര വിഭാഗം, 34 ആമത് അന്തർദേശീയ ചലച്ചിത്രോത്സവം ഇന്ത്യ, 2003

വിവാദങ്ങൾ

സമീറ മക്മൽബഫിനെ ഇറാനിൽ കാലു കുത്തിയാൽ ബലാത്സംഗം ചെയ്യുമെന്ന് സൈന്യം മുന്നറിയിപ്പ് നൽകിയതായി പിതാവ് മക്മൽബഫ് ആരോപിച്ചിരുന്നു. ഇറാനിലെ പരാമാധികാരിയെ വിമർശിച്ചതിന്റെ പേരിലാണ് ഈ ഭീഷണി. ഇറാനിലെ ഗ്രീൻ മൂവ്മെന്റിനെ പിന്തുണച്ച് സമീറ പ്രസംഗിച്ചതാണ് ഇറാൻ ഭരണകൂടത്തിന്റെ വിദ്വേഷത്തിന് ഇരയാക്കിയത്. ഇറാനിൽ പോകുന്നതിന് സമീറയ്ക്ക് വിലക്കുണ്ട്.

പുറം കണ്ണികൾ

• http://www.makhmalbaf.com - Official homepage of the Makhmalbaf family of film-makers
• ഇന്റർനെറ്റ് മൂവി ഡാറ്റാബേസിൽ നിന്ന് Samira Makhmalbaf