"ആണവറിയാക്റ്റർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(ചെ.) r2.5.1) (യന്ത്രം ചേർക്കുന്നു: mr:अणुभट्टी
(ചെ.) r2.7.1) (യന്ത്രം ചേർക്കുന്നു: ur:تعدیلہ معدل
വരി 88: വരി 88:
[[tr:Nükleer reaktör]]
[[tr:Nükleer reaktör]]
[[uk:Ядерний реактор]]
[[uk:Ядерний реактор]]
[[ur:تعدیلہ معدل]]
[[vi:Lò phản ứng hạt nhân]]
[[vi:Lò phản ứng hạt nhân]]
[[zh:核反应堆]]
[[zh:核反应堆]]

04:17, 24 മാർച്ച് 2011-നു നിലവിലുണ്ടായിരുന്ന രൂപം

നിയന്ത്രിതമായ രീതിയിൽ അണുവിഘടനം നടത്തി ഊർജ്ജോല്പാദനം നടത്തുന്ന ഉപകരണമാണ് ആണവറിയാക്റ്റർ.

റിയാക്റ്റർ എന്നത് ഒരു സംഭരണിയാണ്; ഇതിനുള്ളിൽ ആണവ ഇന്ധനം അണുവിഘടനത്തിന് വിധേയമായി താപോർജ്ജം ഉൽപ്പാദിപ്പിക്കപ്പെടുന്നു. വിഘടനത്തിന് വിധേയമാകുന്ന അണുക്കൾ ന്യൂട്രോണുകളെ പുറന്തള്ളുന്നു. ഈ ന്യൂട്രോണുകൾ മറ്റു അണുകേന്ദ്രങ്ങളിൽ പതിച്ച് അവയേയും വിഘടിപ്പിച്ച് ചെയിൻ റിയാക്ഷൻ സംജാതമാകുന്നു.

ചെയിൻ റിയാക്ഷനും, ഉല്പാദിപ്പിക്കപ്പെടുന്ന താപവും സ്ഥിരമായ നിരക്കിൽ നടക്കുന്നതിന് റിയാക്റ്ററിന്റെ കാമ്പിൽ നിയന്ത്രണദണ്ഡുകളും, ഉത്സർജ്ജിക്കപ്പെടുന്ന ന്യൂട്രോണുകളുടെ വേഗത നിയന്ത്രിച്ച് അണുവിഘടനം കാര്യക്ഷമമാക്കുന്നതിന് മോഡറേറ്ററും ഉണ്ടായിരിക്കും.

റിയാക്റ്ററിൽ ഉല്പാദിപ്പിക്കപ്പെടുന്ന താപം അവിടെ നിന്നും നീക്കി ജലം തിളപ്പിക്കുന്നതിനായി റിയാക്റ്റർ കാമ്പിൽ ശീതീകാരി ചംക്രമണം ചെയ്തു കൊണ്ടിരിക്കും. ഇത് വാതകരൂപത്തിലുള്ളതോ ദ്രാവകരൂപത്തിലുള്ളതോ ആവാം. റിയാക്റ്റർ കാമ്പിൽ നിന്നും താപം സ്വീകരിച്ചൊഴുകുന്ന ശീതീകാരി, താപകൈമാറ്റ അറയിലേക്ക് ഈ താപം കൈമാറ്റം ചെയ്യുന്നു. അവിടെ ജലം തിളപ്പിച്ച് നീരാവിയാക്കി മാറ്റുന്നു. വൈദ്യുത ജനിത്രവുമായി ബന്ധിപ്പിച്ചിരിക്കുന്ന ഒരു ടർബൈൻ ഈ നീരാവി ഉപയോഗിച്ച് കറക്കി വൈദ്യുതി ഉല്പാദിപ്പിക്കുന്നു.

ന്യൂക്ലിയർ റിയാക്റ്ററുകൾ ആണവവികിരണങ്ങൾ അതിനു പുറത്തേക്കും പുറപ്പെടുവിക്കുന്നുണ്ട്. റേഡിയോ ഐസോട്ടോപ്പുകൾ നിർമ്മിക്കുന്നതിന് ഈ വികിരണങ്ങൾ ഉപയോഗപ്പെടുത്താൻ സാധിക്കും. ആണവവികിരണങ്ങൾ ജീവജാലങ്ങൾക്ക് ഹാനികരമായതിനാൽ വികിരണങ്ങൾ പുറത്തേക്കു വരുന്നതിനെ തടയുന്നതിന് റിയാക്റ്ററുകളെ സംരക്ഷണകവചങ്ങൾ കൊണ്ട് പൊതിഞ്ഞിരിക്കും.

കാമ്പ്

സ്വിറ്റ്സർലന്റിലെ ഇ.പി.എഫ്.എൽ.-ൽ ഗവേഷണാവശ്യങ്ങൾക്കായി ഉപയോഗിക്കുന്ന ഒരു ചെറിയ ആണവറിയാക്റ്ററിന്റെ കാമ്പ്

ആണവറിയാക്റ്ററിൽ അണുവിഘടനം നടക്കുന്ന കേന്ദ്രഭാഗമാണ്‌ കാമ്പ് (Core) എന്നറിയപ്പെടുന്നത്. ആണവ ഇന്ധനം, ശീതീകാരി, നിയന്ത്രണദണ്ഡുകൾ, മോഡറേറ്റർ എന്നിവയാണ് കാമ്പിൽ അടങ്ങിയിരിക്കുന്ന ഘടകങ്ങൾ.

മോഡറേറ്റർ

ആണവറിയാക്റ്ററിനകത്ത് അണുവിഘടനം അനുസ്യൂതം നടക്കുന്നതിന് സഹായിക്കുന്ന പദാർത്ഥങ്ങളാണിവ.

അണുവിഘടനം നടക്കുമ്പോഴുണ്ടാകുന്ന ന്യൂട്രോണുകളാണ് മറ്റു അണുക്കളെ പിളർത്തി ചെയിൻ റിയാക്ഷൻ നിലനിർത്തുന്നത്. വേഗത കുറഞ്ഞ ന്യൂട്രോണുകൾക്ക് വേഗതയേറിയ ന്യൂട്രോണുകളേക്കാൾ എളുപ്പം അണുകേന്ദ്രം പിളർക്കുന്നതിന് സാധിക്കും. വേഗതയേറിയ ന്യൂട്രോണുകൾ അണുകേന്ദ്രത്തിൽ തട്ടി തിരിച്ചുവരാനുള്ള സാധ്യതയേറെയാണ് എന്നതാണ് ഇതിനു കാരണം.

അണുവിഘടനം നടക്കുമ്പോൾ അതിവേഗത്തിലുള്ള ന്യൂട്രോണുകളാണ് ഉണ്ടാകുന്നത്. ഇക്കാരണം കൊണ്ട് മിക്ക റിയാക്റ്ററുകളിലും ന്യൂട്രോണുകളുടെ വേഗത കുറച്ച് ചെയിൻ റിയാക്ഷൻ നിലനിർത്തുന്നതിന് മോഡറേറ്റർ ആവശ്യമാണ്. സാധാരണ ജലം, ഘനജലം, ഗ്രാഫൈറ്റ് മുതലായ വസ്തുക്കളാണ് മോഡറേറ്ററായി ഉപയോഗിക്കുന്നത് ഇത് റിയാക്റ്ററിന്റെ കാമ്പിലായിരിക്കും ഉണ്ടായിരിക്കുക.

നിയന്ത്രണദണ്ഡുകൾ

ആണവറിയാക്റ്ററിന്റെ പ്രവർത്തനം നിയന്ത്രിക്കാനായി ഉപയോഗിക്കുന്ന ലോഹദണ്ഡുകളാണിവ.

നിയന്ത്രണദണ്ഡുകൾ റിയാക്റ്ററിന്റെ കാമ്പിലേക്കിറക്കിയും പുറത്തേക്ക് വലിച്ചുമാണ് റിയാക്റ്ററിനകത്തെ ചെയിൻ റിയാക്ഷനെ നിയന്ത്രിക്കുന്നത്. ദണ്ഡ് അകത്തേക്കിറങ്ങുമ്പോൾ ചെയിൻ റിയാക്ഷൻ മന്ദഗതിയിലാകുകയും പുറത്തേക്ക് വലിക്കുമ്പോൾ റിയാക്ഷന്റെ തോത് കൂടുകയും ചെയ്യുന്നു.

നിയന്ത്രണദണ്ഡുകളീൽ ന്യൂട്രോണുകളെ ആഗിരണം ചെയ്യാൻ കഴിവുള്ള ബോറോൺ, കാഡ്മിയം തുടങ്ങിയ മൂലകങ്ങൾ അടങ്ങിയിരിക്കും. ദണ്ഡ് റീയാക്റ്ററിലേക്കിറക്കുമ്പോൾ ചെയിൻ റിയാക്ഷന് കാരണമാകുന്ന ന്യൂട്രോണുകളെ ഇവ ആഗിരണം ചെയ്യുന്നതിനാൽ റിയാക്ഷൻ കുറയുന്നു. അവശ്യഘട്ടങ്ങളിൽ ചെയിൻ റിയാക്ഷനെ പരിപൂർണ്ണമായി നിർത്തി റിയാക്റ്ററിന്റെ പ്രവർത്തനം നിർത്തുന്നതിനും നിയന്ത്രണദണ്ഡുകൾ ഉപയോഗിച്ച് സാധിക്കും.

അപകടസാധ്യത

റിയാക്റ്ററിനകത്ത് നടക്കുന്ന ചെയിൻ റിയാക്ഷൻ അനിയന്ത്രിതമാകുകയോ, ശീതീകരണസംവിധാനം പ്രവർത്തനരഹിതമാകുകയോ ചെയ്താൽ കാമ്പിലെ താപനില വളരെയധികം വർദ്ധിക്കുകയും കാമ്പും അതിന്റെ കവചങ്ങളും പൊട്ടിത്തെറിക്കുകയും ഭീമമായ ഒരു ദുരന്തത്തിൽ കലാശിക്കുകയും ചെയ്യും. ഇത്തരം പ്രശ്നങ്ങൾ പല ആണവനിലയങ്ങളിലും സംഭവിച്ചിട്ടുണ്ട്. ചെർണോബിൽ ദുരന്തം ഇതിനൊരുദാഹരണമാണ്.

അവലംബം

  • ഡോർലിങ് കിൻഡർസ്ലെയ് - കൺസൈസ് എൻസൈക്ലോപീഡിയ സയൻസ് - ലേഖകൻ: നീൽ ആർഡ്‌ലി

കൂടുതൽ അറിവിന്‌

"https://ml.wikipedia.org/w/index.php?title=ആണവറിയാക്റ്റർ&oldid=937946" എന്ന താളിൽനിന്ന് ശേഖരിച്ചത്