"ഓറിയന്റൽ ഓർത്തഡോക്സ് സഭകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം
(ചെ.) യന്ത്രം പുതുക്കുന്നു: pt:Igrejas não calcedonianas |
(ചെ.)No edit summary |
||
വരി 1: | വരി 1: | ||
{{Prettyurl|Oriental Orthodoxy}} |
{{Prettyurl|Oriental Orthodoxy}} |
||
{{പൗരസ്ത്യ ക്രിസ്തുമതം}} |
{{പൗരസ്ത്യ ക്രിസ്തുമതം}} |
||
{{ക്രിസ്തുമതം|expand-eastern=yes}} |
|||
[[യേശു|യേശുക്രിസ്തുവിനു]] ദൈവികവും മാനുഷികവുമായ രണ്ടു് പ്രകൃതങ്ങളുണ്ടെന്നു് സ്ഥാപിച്ച ക്രി. വ. 451-ലെ [[കല്ക്കിദോൻ സുന്നഹദോസ്|കല്ക്കിദോൻ സുന്നഹദോസിനെ]] എതിർത്തു് പഴയ വിശ്വാസത്തിൽ തുടർന്ന വിഭാഗമാണു് പ്രാചീന ഒർത്തഡോക്സ് സഭ അഥവാ ഒറിയന്റൽ ഒർത്തഡോക്സ് സഭ എന്നറിയപ്പെടുന്നതു്. അംഗസംഖ്യ: ഏഴരക്കോടി. |
[[യേശു|യേശുക്രിസ്തുവിനു]] ദൈവികവും മാനുഷികവുമായ രണ്ടു് പ്രകൃതങ്ങളുണ്ടെന്നു് സ്ഥാപിച്ച ക്രി. വ. 451-ലെ [[കല്ക്കിദോൻ സുന്നഹദോസ്|കല്ക്കിദോൻ സുന്നഹദോസിനെ]] എതിർത്തു് പഴയ വിശ്വാസത്തിൽ തുടർന്ന വിഭാഗമാണു് പ്രാചീന ഒർത്തഡോക്സ് സഭ അഥവാ ഒറിയന്റൽ ഒർത്തഡോക്സ് സഭ എന്നറിയപ്പെടുന്നതു്. അംഗസംഖ്യ: ഏഴരക്കോടി. |
||
== ചരിത്രം == |
== ചരിത്രം == |
19:17, 20 ഓഗസ്റ്റ് 2010-നു നിലവിലുണ്ടായിരുന്ന രൂപം
യേശുക്രിസ്തുവിനു ദൈവികവും മാനുഷികവുമായ രണ്ടു് പ്രകൃതങ്ങളുണ്ടെന്നു് സ്ഥാപിച്ച ക്രി. വ. 451-ലെ കല്ക്കിദോൻ സുന്നഹദോസിനെ എതിർത്തു് പഴയ വിശ്വാസത്തിൽ തുടർന്ന വിഭാഗമാണു് പ്രാചീന ഒർത്തഡോക്സ് സഭ അഥവാ ഒറിയന്റൽ ഒർത്തഡോക്സ് സഭ എന്നറിയപ്പെടുന്നതു്. അംഗസംഖ്യ: ഏഴരക്കോടി.
ചരിത്രം
ക്രിസ്തീയ സഭയിൽ ഇന്നും നിലനിൽക്കുന്ന ഏറ്റവും പുരാതനമായ പിളർപ്പാണു് ക്രി പി 451-ലെ കല്ക്കിദോൻ സുന്നഹദോസിനെ തുടര്ന്നുണ്ടായ നെടുകെയുള്ള ശീശ്മ(പിളർപ്പു്). റോമാ സാമ്രാജ്യത്തിലെ നാലു് പാത്രിയർക്കാസനങ്ങളിൽ അലക്സാന്ത്രിയൻ പാപ്പാസനവും അന്ത്യോക്യൻ പാത്രിയർക്കാസനവുമാണു് കല്ക്കിദോന്യവിരുദ്ധ നിലപാടെടുത്തതു്.റോമാ പാപ്പാസനവും കുസ്തന്തീനോപൊലിസ്(കോൺസ്റ്റാന്റിനോപ്പിൾ) പാത്രിയർക്കാസനവും കല്ക്കിദോന്യസഭകളായി മാറുകയും ചെയ്തു.
റോമാ സാമ്രാജ്യത്തിനു് പുറത്തു് അക്കാലത്തുണ്ടായിരുന്ന സഭകളായ ആർമീനിയ സഭയും പൗരസ്ത്യ സഭയിലെ ഒരുവിഭാഗവും കല്ക്കിദോന്യവിരുദ്ധപക്ഷത്തു് നിലയുറപ്പിച്ചു.കല്ക്കിദോന്യവിരുദ്ധപക്ഷത്തു് ചേരാതിരുന്ന പൗരസ്ത്യ സഭയിലെ വലിയൊരുവിഭാഗം 489-543 കാലത്തു് നെസ്തോറിയവുമായി.
നിഖ്യയിലെ സുന്നഹദോസും കുസ്തന്തീനോപൊലിസിലെ സുന്നഹദോസും എഫേസൂസിലെ സുന്നഹദോസും മാത്രമേ ഈവിഭാഗം ആകമാന സുന്നഹദോസുകളായി സ്വീകരിയ്ക്കുന്നുള്ളൂ.
സഭാകടുംബം
ക്രി.വ അഞ്ചാം നൂറ്റാണ്ടിന്റെ പകുതിയ്ക്കുമുമ്പുള്ള ദൈവവിജ്ഞാനീയവും സഭാവിജ്ഞാനീയവും മുറുകെപ്പിടിയ്ക്കുന്ന സഭാകടുംബമാണു് പ്രാചീന ഓർത്തഡോക്സ് സഭ. ഓറിയന്റൽ ഓർത്തഡോക്സ് ദൈവശാസ്ത്ര വക്താവും പ്രമുഖ ചിന്തകനുമായ ഡോ.പൗലോസ് മാർ ഗ്രിഗോറിയോസ് (1922 - 1996) ഈ സഭയെ പരിചയപ്പെടുത്തുന്നതിങ്ങനെയാണു്:- ക്രിസ്തുവിന്റെ സഭ ഒന്നേയുള്ളൂ. അതു് ക്രിസ്തുവിന്റെ ശരീരമാണു്. അപ്പോസ്തോലൻമാരാൽ സ്ഥാപിതമാണു്. അങ്ങനെ പൂർണമായ അപ്പോസ്തോലികപാരമ്പര്യമുള്ള സത്യസഭയായി ഓർത്തഡോക്സ് സഭ അതിനെത്തന്നെ കരുതുന്നു. റോമൻ കത്തോലിക്കാ സഭയ്ക്കു് ഈ കാര്യത്തിലുള്ള അവകാശവാദങ്ങളെ ഓർത്തഡോക്സ് സഭ പൂർണമായി അംഗീകരിയ്ക്കുന്നില്ല . [1].
കേരളത്തിലെ ക്രിസ്തീയ സഭകളായ ഇന്ത്യൻ ഓർത്തഡോക്സ് സഭ ഉൾപ്പെടുന്ന ഓർത്തഡോക്സ് പൗരസ്ത്യ സഭയും അന്ത്യോക്യാ സുറിയാനി ഓർത്തഡോക്സ് സഭയും കോപ്റ്റിൿ സഭ, അർമീനിയൻ ഓർത്തഡോക്സ് സഭയുടെ എച്മിയാഡ്സിൻ സിംഹാസനം, അർമീനിയൻ ഓർത്തഡോക്സ് സഭയുടെ കിലിക്യാ സിംഹാസനം എത്യോപ്യൻ ഓർത്തഡോക്സ് സഭ, എറിത്രിയൻ ഓർത്തഡോക്സ് സഭ എന്നിവയും ചേർന്ന 7 സ്വയംശീർഷകസഭകൾ അടങ്ങിയതാണു് ഇപ്പോൾ ഓറിയന്റൽ ഓർത്തഡോക്സ് സഭാകടുംബം. ഇവയെ കൂടാതെ ക്രി.വ 451-നു് മുമ്പുള്ള റോമൻ കത്തോലിക്കാ സഭയെയും ബൈസാന്ത്യസഭയെയും ഓർത്തഡോക്സ് സഭ അതിന്റെ ഭാഗമായാണു് പരിഗണിയ്ക്കുന്നതു് .
റോമൻ കത്തോലിക്കാ സഭയും ബൈസാന്ത്യസഭകളുമായുള്ള 1500 ആണ്ടത്തെ ഭിന്നതതീർക്കുവാൻ ഇരുപതാം നൂറ്റാണ്ടിന്റെ ഉത്തരാർത്ഥം മുതൽ ഓറിയന്റൽ ഓർത്തഡോക്സ് സ്വയംശീർഷകസഭകൾ സഭാന്തരസംവാദം നടത്തുന്നുണ്ടെങ്കിലും സഹോദരീസഭകൾ എന്ന നിലയിലേയ്ക്കു് ഈസഭകൾ പരസ്പരം എത്തിക്കഴിഞ്ഞിട്ടില്ല. റോമാ സഭയംഗീകരിയ്ക്കുന്നതുപോലെ ഭാഗികമായ കൂട്ടായ്മ (കമ്യൂണിയൻ) എന്ന സിദ്ധാന്തം പ്രാചീന ഓർത്തഡോക്സ് സഭ സ്വീകരിച്ചിട്ടില്ലാത്തതിനാൽ മറ്റു് സഭകളുമായി കൂട്ടായ്മയല്ല, സൗഹൃദമേ ആയിട്ടുള്ളൂ.
പൊതുവായ ദൃശ്യതലവൻ എന്ന ആശയം ഓർത്തഡോക്സ് സഭ അംഗീകരിയ്ക്കുന്നില്ല. എല്ലാ അംഗസഭകളും ഒരുമിച്ചു് സത്യവിശ്വാസത്തിലും സ്നേഹത്തിലും സഭയുടെ ഏകതലവനായ യേശുക്രിസ്തുവിൽ ഒന്നായിത്തീരുന്നതിലാണു് ആകമാന സഭയുടെ ഐക്യം എന്നവർ നിർവചിയ്ക്കുന്നു.
ക്രി.വ 325-ലെ നിഖ്യാ സുന്നഹദോസും ക്രി.വ 381-ലെ കുസ്തന്തീനോപൊലിസ് സുന്നഹദോസും ക്രി.വ 431-ലെ എഫേസൂസ് സുന്നഹദോസും ആകമാന സുന്നഹദോസുകളായി ഓറിയന്റൽ ഓർത്തഡോക്സ് സഭ സ്വീകരിയ്ക്കുന്നു. ആകമാന സുന്നഹദോസുകളെന്ന പേരിൽ പിന്നീടു് ഓരോ വിഭാഗങ്ങളും കൂടിയ സുന്നഹദോസുകളെ വിഭാഗപരമായ സുന്നഹദോസുകളായി മാത്രമേ സഭ കാണുന്നുള്ളൂ.
അംഗസഭകൾ
1965-ൽ ആഡീസ് അബാബയിൽ നടന്ന ഓറിയന്റൽ ഓർത്തഡോക്സ് പാത്രിയർക്കാ സുന്നഹദോസ് പ്രകാരം ഓറിയന്റൽ ഓർത്തഡോക്സ് സഭയിലെ അംഗസഭകൾ അഞ്ചെണ്ണമാണു്. അവ ഓർത്തഡോക്സ് പൗരസ്ത്യ സഭ, അന്ത്യോക്യാ സുറിയാനി ഓർത്തഡോക്സ് സഭ കോപ്റ്റിൿ സഭ, അർമീനിയൻ ഓർത്തഡോക്സ് സഭ, എത്യോപ്യൻ ഓർത്തഡോക്സ് സഭ എന്നിവയാണു്. അർമീനിയൻ ഓർത്തഡോക്സ് സഭയുടെ എച്മിയാഡ്സിൻ സിംഹാസനത്തെയും, അർമീനിയൻ ഓർത്തഡോക്സ് സഭയുടെ കിലിക്യാ സിംഹാസനത്തെയും ഒന്നായി അർമീനിയൻ ഓർത്തഡോക്സ് സഭ എന്നു് കണക്കാക്കി. 1994-ൽ എത്യോപ്യൻ ഓർത്തഡോക്സ് സഭയിൽനിന്നു് പിരിഞ്ഞ എറിത്രിയൻ ഓർത്തഡോക്സ് സഭ സ്വയംശീർഷകസഭയായിമാറിയെങ്കിലും കോപ്റ്റിൿ സഭയുടെ ഭാഗമായാണു് നിൽക്കുന്നതു്.
1965-ലെ ആഡീസ് അബാബ സുന്നഹദോസ് തീരുമാനപ്രകാരം ആഡീസ് അബാബ ആസ്ഥാനമാക്കി നിലവിൽവന്നതും അംഗ സഭകളോരോന്നിന്റെയും ഈരണ്ടു് പ്രതിനിധികളടങ്ങിയതുമായ ഓറിയന്റൽ ഓർത്തഡോക്സ് സ്ഥിരം സമിതി എത്യോപ്യയിൽ 1974-ലുണ്ടായ സൈനിക അട്ടിമറിയെത്തുടർന്നു് നിലച്ചുപോയി. പിന്നീടു്, 2005 ജനുവരിയിൽ 7 സ്വയംശീർഷകസഭകളോരോന്നിന്റെയും ഈരണ്ടു് പ്രതിനിധികൾ വീതം അടങ്ങിയ ഓറിയന്റൽ ഓർത്തഡോക്സ് കൺസൾട്ടേറ്റീവ് കമ്മറ്റി നിലവിൽ വന്നു. ആഭ്യന്തര കലഹമുണ്ടെങ്കിലും ആണ്ടിൽ ഒരുപ്രാവശ്യമെങ്കിലും കൂടുന്ന 14 അംഗ കണ്സൾട്ടേറ്റീവ് കമ്മിറ്റി അങ്ങനെ 2005 ജനുവരി മുതൽ പ്രവൃത്തിയ്ക്കുന്നുണ്ടു്.[2]
അംഗസഭകളുടെ പരമാചാര്യൻമാരായ പാത്രിയർക്കീസുമാരാണു് പരമ പാത്രിയർക്കീസുമാർ. ഓറീയന്റൽ ഓർത്തഡോക്സ് സഭകൾക്കു് പൊതു സഭാതലവനില്ല.പക്ഷേ,അവരിൽ ഒന്നാം സ്ഥാനം അലക്സാന്ത്രിയൻ മാർപാപ്പയ്ക്കും രണ്ടാം സ്ഥാനം അന്ത്യോക്യൻ പാത്രിയർക്കീസിനും പരമ്പരാഗതമായിട്ടുണ്ടു്. [3].
സ്വയംശീർഷകസഭകളും അവയുടെ ഉപസഭകളും
റോമാ സഭയെയും ബൈസാന്ത്യ സഭകളെയും അപേക്ഷിച്ചു് അംഗസംഖ്യ കുറവാണെങ്കിലും വ്യത്യസ്തങ്ങളായ ഭാഷ, നരവംശം, സംസ്കാരം, ദേശീയത എന്നിവയെ ഉൾക്കൊള്ളുന്ന സഭാകടുംബമാണു് ഓറിയന്റൽ ഓർത്തഡോക്സ് സഭ. വ്യത്യസ്ത ചരിത്രസാഹചര്യത്തിലും ലിറ്റർജിക്കൽ പാരമ്പര്യത്തിലുമായി വികസിച്ചതാണു് ഇതിലെ സ്വയം ശീർഷകസഭകൾ.
പരസ്പരം അംഗീകരിയ്ക്കുന്നുണ്ടെങ്കിലും അവ പരസ്പരം അവയുടെയെല്ലാം ഉപസഭകളെക്കൂടി അംഗീകരിയ്ക്കുന്നില്ല. അംഗസഭകളിലെ ആഭ്യന്തര മൽസരത്തിന്റെയും അംഗസഭകൾ തമ്മിലുള്ള മൽസരത്തിന്റെയും ഫലമായുണ്ടായ വിഘടിതവിഭാഗങ്ങളാണു് ഉപസഭകളിൽ പലതും. ബ്രിട്ടീഷ് ഓർത്തഡോക്സ് സഭ അടുത്തയിടെയാണു് മാതൃസഭയായ ഈഗുപ്തായ ഓർത്തഡോക്സ് സഭയുമായി പൂർണ ഐക്യത്തിലായതു് . എത്തിയോപ്പിയൻ ഓർത്തഡോക്സ് സഭയുടെ വിഘടിതവിഭാഗമായിരുന്ന എറിത്രിയൻ ഓർത്തഡോക്സ് സഭ തുടക്കത്തിൽ ഈഗുപ്തായ ഓർത്തഡോക്സ് സഭയുടെ ഭാഗമായാണു് നിലനിന്നതു്. അർമീനിയൻ ഓർത്തഡോക്സ് സഭയുടെ ഉപസഭകളുടെ കാര്യത്തിൽ ആർക്കും തർക്കമില്ല.
എന്നാൽ അന്ത്യോക്യാ സുറിയാനി ഓർത്തഡോക്സ് സഭയുടെ ഉപസഭയായിനില്ക്കുന്ന യാക്കോബായ സുറിയാനി ക്രിസ്ത്യാനി സഭയെ തങ്ങളുടെ വിഘടിതവിഭാഗമാണെന്നു് കണ്ടു് ഓർത്തഡോക്സ് പൗരസ്ത്യ സഭ അതിനെ അംഗീകരിയ്ക്കുന്നില്ല. ഓർത്തഡോക്സ് പൗരസ്ത്യ സഭയുടെ ഉപസഭയായി നില്ക്കുന്ന യൂറോപ്യൻ സുറിയാനി ഓർത്തഡോക്സ് സഭ തങ്ങളുടെ വിമത വിഭാഗമായതുകൊണ്ടു് അന്ത്യോക്യാ സുറിയാനി ഓർത്തഡോക്സ് സഭയുടെ അതിനെയും അംഗീകരിയ്ക്കുന്നില്ല.ഇൻഡിയൻ ഓർത്തോഡോക്സ് സഭ 2008ൽ സിറിയൻ ഓർത്തോഡോക്സ് സഭയിൽ നിന്നും പുറത്താക്കപെട്ട ഒരു പുരോഹിതനെ മെത്രാൻ ആയി വാഴിക്കുകയുണ്ടായി. ഇതു മറ്റ് സഭകളുടെ എതിർപ്പിനു ഇടയായിട്ടുണ്ട്
പക്ഷെ, വിഘടിതവിഭാഗങ്ങൾക്കു് മറ്റൊരു അംഗസഭയുടെ ഉപസഭയായി നിന്നു് ഓറിയന്റൽ ഓർത്തഡോക്സ് സഭയിൽ തന്നെ അസ്തിത്വം കണ്ടെത്താൻ കഴിയുന്നതുകൊണ്ടാണു് അവയും ഓറിയന്റൽ ഓർത്തഡോക്സ് സഭയുടെ ഭാഗമായിരിയ്ക്കുന്നതു് എന്നതു് മറ്റൊരു വസ്തുത.
- കോപ്റ്റിക് ഓർത്തഡോക്സ് സഭ
- സുറിയാനി ഓർത്തഡോക്സ് സഭ
- ആർമീനിയൻ ആപ്പൊസ്തോലിക സഭ
- കിലിക്യൻ അർമീനിയൻ ഓർത്തഡോക്സ് സഭ
- എത്തിയോപ്പിയൻ ഓർത്തഡോക്സ് സഭ
- ഓർത്തഡോക്സ് പൌരസ്ത്യ സഭ (ഇന്ത്യൻ ഓർത്തഡോക്സ് സഭ)
- എറിത്രിയൻ ഓർത്തഡോക്സ് സഭ
സഭാന്തര ചർച്ചകൾ
അസീറിയൻ പൗരസ്ത്യ സഭകളെ ഒറിയൻറ്റൽ ഓർത്തഡോക്സ് സഭയാണു് എന്ന തെറ്റിദ്ധാരണ ഉണ്ടെൻകിലും അവ ഈ വിഭാഗത്തില്പെടുന്നില്ല.
ഇരുപതാം നൂറ്റാണ്ടിന്റെ രണ്ടാം പകുതിയോടെ ഒറിയന്റൽ ഒർത്തഡോക്സ് സഭയും കല്ക്കിദോന്യസഭകളായ ബൈസാന്ത്യ ഓർത്തഡോക്സ് സഭയും റോമൻ കത്തോലിക്ക സഭയും ആയി പ്രത്യാശാവഹങ്ങളായ ചർച്ചകൾ നടക്കുക ഉണ്ടായി. ചർച്ചകൾ ഇരുവിഭാഗത്തിനും അനുയോജ്യമാണെന്നാണ് പൊതുവേയുള്ള വിലയിരുത്തൽ.
അവലംബം
- ↑ പൗരസ്ത്യ ക്രൈസ്തവദർശനം;ദിവ്യബോധനം പബ്ലിക്കേഷൻസ്, സോഫിയാ സെന്റർ,കോട്ടയം ; 1996,ഓഗസ്റ്റ് ;പുറം: 08
- ↑ മദ്ധ്യപൗരസ്ത്യദേശങ്ങളിലെ ഓറിയന്റൽ ഓർത്തഡോക്സ് സഭാതലവൻമാരുടെ പൊതുപ്രഖ്യാപനം അഞ്ചാം താൾ കാണുക
- ↑ പൗരസ്ത്യ ക്രൈസ്തവദർശനം എന്ന ഗ്രന്ഥത്തിൽ ഡോ.പൗലോസ് മാർ ഗ്രിഗോറിയോസ് പറയുന്നു ,
“ ഇതിൽ ഒറിയന്റൽ ഒർത്തഡോക്സ് വിഭാഗത്തിൽപെട്ട സഭകളിൽവച്ചു് അലക്സാന്ത്രിയൻ പാത്രിയർക്കീസിനു് ആദ്യസ്ഥാനവും അതിനടുത്ത സ്ഥാനം അന്ത്യോക്യയ്ക്കും ഉണ്ടെങ്കിലും സഭാകുടുംബത്തെ മുഴുവൻ സംഘടിപ്പിയ്ക്കാനുള്ള അവകാശങ്ങളൊന്നും അവർക്കില്ല. ”