ഇന്ത്യയിലെ പതിനഞ്ചാം കാനേഷുമാരി

സെൻസെസ് വിവാദങ്ങൾ

ഇന്ത്യയിൽ നടക്കുന്ന സെൻസസ്‌ 2010 വിവാദങ്ങൾക്ക്‌ തുടക്കമിട്ടുകഴിഞ്ഞു. സെൻസസിന്‌ വേണ്ടി ചെലവഴിക്കുന്ന തുകയുടെ കാര്യത്തിൽ തൊട്ടെ വിവാദമാണ്‌. കോടിക്കണക്കിന്‌ രൂപയാണ്‌ ഇതിന്‌ വേണ്ടി വകയിരുത്തുന്നത്‌. ഫോട്ടോയെടുക്കൽ, വിരടയാളം, ശരീര തൂക്കം തുടങ്ങി ഒരു നീണ്ട നിരതന്നെ ചോദ്യാവലികളുമായാണ്‌ സെൻസസ്‌ എടുക്കാനെത്തുന്നവർ ജനങ്ങളുടെ മുമ്പിലെത്തുന്നത്‌. ഒരു ജയിലിൽ ജയിൽപ്പുള്ളികൾക്ക്‌ വേണ്ടി ശേഖരിക്കുന്ന ചോദ്യങ്ങളെയാണ്‌ ഇത്‌ ഓർമപ്പെടുത്തുന്നത്‌. സെൻസസിന്‌‌ ഗുണവശങ്ങൾ ഏറെയുണ്ടെങ്കിലും ജനാധിപത്യത്തിൽ നിന്ന്‌ പോലിസ്‌ രാജിലേക്കുള്ള മാറ്റമായിരിക്കും ആത്യന്തികമായി ഈ വിവരശേഖരണത്തിലൂടെ ഉണ്ടാവുകയെന്ന്‌ ആശങ്ക ശക്തമായണ്‌. ഇംഗ്ലണ്ടിൽ ഇത്തരമൊരു സെൻസസ്‌ നടത്തിയിരുന്നു. എന്നാൽ ദീർഘകാലത്തെ പരീക്ഷണത്തിന്‌ ശേഷം ജനങ്ങളുടെ എതിർപ്പിനെ തുടർന്ന്‌ അത്‌ പിൻവലിച്ചിരുന്നു.