അമ്ലം

ജലത്തിലലിയുമ്പോള്‍ 7.0-ല്‍ താഴെ പി.എച്ച്. മൂല്യം പ്രദാനം ചെയ്യുന്ന സംയുക്തങ്ങളാണ് അമ്ലം അഥവാ ആസിഡ്. HA എന്ന പൊതു രാസവാക്യമാണ് അമ്ലത്തെ സൂചിപ്പിക്കാന്‍ ഉപയോഗിക്കുന്നത്. മറ്റൊരുതരത്തില്‍ പറഞ്ഞാല്‍ ജലത്തിലലിയുമ്പോള്‍ H+ അയോണുകളെ സ്വതന്ത്രമാക്കുന്ന വസ്തുക്കളാണ്‌ അമ്ലങ്ങള്‍

അമ്ലഗുണങ്ങള്‍

• രുചി: അമ്ലങ്ങള്‍ക്ക് സാധാരണയായി പുളിരുചിയാണ്
• സ്പര്‍ശം: ഗാഢമായ അമ്ലങ്ങളും ശക്തമായ അമ്ലങ്ങളും തൊട്ടാല്‍ സാധാരണയായി പൊള്ളും.
• പ്രതിപ്രവര്‍ത്തനം: ശക്തമായ അമ്ലങ്ങള്‍ സാധാരണയായി ലോഹങ്ങളുമായി പ്രവര്‍ത്തിക്കുകയും ലോഹങ്ങളെ തുരുമ്പിപ്പിക്കുകയും ചെയ്യും. ക്ഷാരങ്ങളുമായി പ്രവര്‍ത്തിച്ച് ലവണവും ജലവും ഉണ്ടാകുന്നു.
• വൈദ്യുത ചാലകത: അമ്ലലായനികള്‍ വൈദ്യുതചാലകങ്ങളാണ്. ലായനിയിലെ അയോണുകളാണ്‌ ഈ ചാലകതക്ക് നിദാനം.
• അമ്ലങ്ങള്‍ നീല ലിറ്റ്മസ് പേപ്പറിനെ ചുവപ്പു നിറമാക്കുന്നു.

തരം തിരിവുകൾ

എല്ലാ തരം ആസിഡുകളിലും അടങ്ങിയിരിക്കുന്ന പ്രധാന മൂലകം ഹൈഡ്രജൻ ആണ്‌.ഹൈഡ്രജന്റെ അടിസ്ഥാനത്തിൽ ആസിഡിനെ രണ്ടായി തരം തിരിക്കുന്നു.

ഏകബേസിക ആസിഡ്

• ഇത്തരം ആസിഡുകളിൽ ഒരു അസിഡിക് ഹൈഡ്രജൻ ആറ്റം മാത്രം അടങ്ങിയിരിക്കുന്നു. നൈട്രിക് ആസിഡ്, ഹൈഡ്രോക്ലോറിക് ആസിഡ് എന്നിവ ഉദാഹരണങ്ങളാണ്‌.

ബഹു ബേസിക ആസിഡ്

• ഇത്തരം ആസിഡുകളിൽ രണ്ടോ അതിലധികമോ അസിഡിക് ഹൈഡ്രജൻ ആറ്റങ്ങൾ അടങ്ങിയിരിക്കുന്നു. ദ്വി ബേസിക ആസിഡ് ആയ സൾഫ്യൂറിക്‍ ആസിഡ് , ത്രി ബേസിക ആസിഡ് ആയ ഫോസ്ഫോറിക്‍ ആസിഡ് എന്നിവ ഉദാഹരണങ്ങളാണ്‌.

ആസിഡുകളെ അവയുടെ ശക്തിയുടെ അടിസ്ഥാനതിൽ വീണ്ടും രണ്ടായി തരം തിരിച്ചിരിക്കുന്നു.

ദുർബല അമ്ലങ്ങൾ

വര്‍ഗ്ഗം:അമ്ലങ്ങള്‍