അനൂപ് മേനോൻ

ഇംഗ്ലീഷ് വിലാസം

https://ml.wikipedia.org/wiki/Anoop_Menon

അനൂപ് മേനോൻ
ജനനം	അനൂപ് ഗംഗാധരൻ (1977-08-03) ഓഗസ്റ്റ് 3, 1977 കോഴിക്കോട്, കേരളം, ഇന്ത്യ
കലാലയം	ഗവൺമെന്റ് ലോ കോളജ്, തിരുവനന്തപുരം
തൊഴിൽ	നടൻ സംവിധായകൻ തിരക്കഥാകൃത്ത് ഗാനരചയിതാവ്
സജീവ കാലം	2002–ഇതുവരെ
ജീവിതപങ്കാളി(കൾ)	ഷേമ അലക്സാണ്ടർ ​ (m. 2014)​
മാതാപിതാക്ക(ൾ)	പി. ഗംഗാധരൻ നായർ (അച്ചൻ) ഇന്ദിരാ മേനോൻ (അമ്മ) ദീപ്തി (സഹോദരി)

ഒരു മലയാളചലച്ചിത്രനടനും, തിരക്കഥാകൃത്തുമാണ് അനൂപ് മേനോൻ. ചലച്ചിത്രങ്ങളിൽ സജീവമാകുന്നതിനു മുൻപ് ടെലിവിഷനിൽ അഭിനയിച്ചിരുന്നു. 2008-ൽ മികച്ച രണ്ടാമത്തെ നടനുള്ള കേരള സർക്കാരിന്റെ പുരസ്കാരവും, 2009-ലെ ഫിലിംഫെയർ അവാർഡും തിരക്കഥ എന്ന ചിത്രത്തിലൂടെ അനൂപ് നേടി.

ജീവിതരേഖ

1977 ഓഗസ്റ്റ് മൂന്നിന് ഗംഗാധരൻ നായരുടേയും ഇന്ദിര മേനോൻ്റെയും മകനായി കോഴിക്കോട്ട് ജനിച്ചു. പഠിച്ചതും വളർന്നതുമെല്ലാം തിരുവനന്തപുരത്താണ്.

തിരുവനന്തപുരം ക്രൈസ്റ്റ് നഗർ സ്കൂളിൽ പ്രാഥമിക വിദ്യാഭ്യാസവും തിരുവനന്തപുരം ലോ കോളേജിൽ നിയമപഠനവും പൂർത്തിയാക്കി. തുടർന്ന് ദുബായിൽ ലോ സ്കൂളിൽ അദ്ധ്യാപകനായി നിയമിതനായി. ഇക്കാലയളവിൽ സൂര്യാ ടി.വി., കൈരളി എന്നിവയിൽ പ്രഭാതപരിപാടികളുടെ അവതാരകനായി ജോലി ചെയ്തു. തുടർന്ന് ശ്യാമപ്രസാദിന്റെ ശമനതാളം എന്ന സീരിയലിൽ അഭിനയിച്ചു. കാട്ടുചെമ്പകം എന്ന ചിത്രത്തിലാണ് ആദ്യമായി അഭിനയിക്കുന്നത്. പകൽ നക്ഷത്രങ്ങൾ, കോക്ക്ടെയിൽ, ബ്യൂട്ടിഫുൾ എന്നിവയുടെ തിരക്കഥ തയ്യാറാക്കിയിട്ടുണ്ട്.

ടെലിവിഷൻ പരമ്പരകളിൽകൂടി ആയിരുന്നു മേനോൻ അഭിനയത്തിൽ തുടക്കം കുറിച്ചത്. ഏഷ്യാനെറ്റ് എന്ന ആദ്യ മലയാള സ്വകാര്യ ചാനലിന്റെ സ്വപ്നം കൂടാതെ മേഘം എന്നി പരമ്പരകളിൽ അവതരിപ്പിച്ച കഥാപാത്രങ്ങളിൽകൂടിയാണ് മേനോൻ കൂടുതൽ ശ്രദ്ധ നേടിയത്. പിന്നീട് 2008-ഇൽ പ്രദർശിപ്പിച്ച പകൽ നക്ഷത്രങ്ങൾ എന്ന ചലച്ചിത്രത്തിന്റെ തിരക്കഥാകൃത്തായി അരങ്ങേറ്റം കുറിച്ചു. 2008-ൽ രഞ്ജിത്ത് സംവിധാനം നിർവഹിച്ച തിരക്കഥ എന്ന ചിത്രത്തിൽ മുഖ്യ കഥാപാത്രമായി വേഷമിട്ടു. അജയ ചന്ദ്രൻ എന്ന ഒരു ചലച്ചിത്ര താരത്തിന്റെ ജീവിതത്തിലെ പല ഘടകങ്ങളാണ് മേനോൻ അവതരിപ്പിച്ചത്.പിന്നീട്, പല ചലച്ചിത്രങ്ങളിൽക്കൂടിയും മേനോൻ ഏറെ ശ്രദ്ധേയനായി.

ബ്യൂട്ടിഫുൾ, ട്രിവാൻഡ്രം ലോഡ്ജ് എന്നിവയുൾപ്പെടെ 12-ഓളം സിനിമകളുടെ കഥാകൃത്ത് അനൂപ് മേനോനാണ്. 15 ഓളം സിനിമകൾക്ക് തിരക്കഥ എഴുതിയ അനൂപ് മേനോൻ 2020-ൽ കിംഗ്ഫിഷ് എന്ന സിനിമ സംവിധാനം ചെയ്ത് കൊണ്ട് സംവിധാന രംഗത്തും ചുവടുറപ്പിച്ചു. ഇതുവരെ മലയാളത്തിൽ 70 സിനിമകളിലഭിനയിച്ച അനൂപ് മേനോൻ 2011-ൽ റിലീസായ ബ്യൂട്ടിഫുൾ എന്ന സിനിമയിലൂടെ ഗാനരചന രംഗത്തും സജീവമായി. ഇതുവരെ ഏഴു സിനിമകൾക്ക് വേണ്ടി പാട്ടെഴുതി.

സ്വകാര്യ ജീവിതം

• ഭാര്യ : ക്ഷേമ (2014 മുതൽ)

സംവിധാനം

• പത്മ 2021
• കിംഗ്ഫിഷ് 2020

കഥ, തിരക്കഥ

• പകൽ നക്ഷത്രങ്ങൾ 2008
• ബ്യൂട്ടിഫുൾ 2011
• ട്രിവാൻഡ്രം ലോഡ്ജ് 2012
• അർധനാരീശ്വരൻ 2012
• ഡേവിഡ് & ഗോലിയാത്ത് 2013
• ഡി-കമ്പനി 2013
• ആംഗ്രി ബേബീസ് ഇൻ ലവ് 2014
• ദി ഡോൾഫിൻസ് 2014
• എൻ്റെ മെഴുതിരി അത്താഴങ്ങൾ 2018
• മദ്രാസ് ലോഡ്ജ് 2018
• കിംഗ്ഫിഷ് 2020
• പത്മ 2021

അഭിനയിച്ച ചിത്രങ്ങൾ

നമ്പർ	വർഷം	ചലച്ചിത്രം	സംവിധാനം
1	2002	കാട്ടുചെമ്പകം	വിനയൻ
2	2003	ഇവർ	ടി.കെ. രാജീവ് കുമാർ
3	2007	കയ്യൊപ്പ്	രഞ്ജിത്ത്
4	2007	റോക്ക് ആന്റ് റോൾ	രഞ്ജിത്ത്
5	2008	പകൽ നക്ഷത്രങ്ങൾ	രാജീവ് നാഥ്
6	2008	മോക്ഷം	രാജീവ് നാഥ്
7	2008	കേരള പോലീസ്	ചന്ദ്രശേഖരൻ
8	2008	തിരക്കഥ	രഞ്ജിത്ത്
9	2008	അനുഭവ്	രാജീവ് നാഥ്
10	2009	കറൻസി	സ്വാതി ഭാസ്കർ
11	2009	ഇവർ വിവാഹിതരായാൽ	സജി സുരേന്ദ്രൻ
12	2009	ലൗഡ്സ്പീക്കർ	ലൗഡ്സ്പീക്കർ
13	2009	പത്താം നിലയിലെ തീവണ്ടി	ജോഷി മാത്യു
14	2009	കേരള കഫേ	രഞ്ജിത്ത്
15	2010	പ്രമാണി	ബി. ഉണ്ണികൃഷ്ണൻ
16	2010	മമ്മി ആന്റ് മീ	ജിത്തു ജോസഫ്
17	2010	നീലാംബരി	ഹരിനാരായണൻ
18	2010	കോക്ക്ടെയിൽ	അരുൺ കുമാർ
19	2011	ലക്കി ജോക്കേഴ്സ്	സുനിൽ
19	2011	ട്രാഫിക്	രാജേഷ് പിള്ള
20	2011	പ്രണയം	ബ്ലെസ്സി
22	2011	ബ്യൂട്ടിഫുൾ	വി.കെ. പ്രകാശ്
23	2011	അതേ മഴ അതേ വെയിൽ	ജി. മനു
24	2012	മുല്ലശ്ശേരി മാധവൻകുട്ടി നേമം പി.ഒ.	സ്വാതി ഭാസ്ക്കർ
25	2012	ട്രിവാൻഡ്രം ലോഡ്ജ്	വി.കെ. പ്രകാശ്
26	2012	ഡേവിഡ്‌ & ഗോലിയാത്ത്	രാജീവ് നാഥ്

പുരസ്കാരങ്ങൾ

കേരളസംസ്ഥാന ചലച്ചിത്രപുരസ്കാരം

• 2008 - മികച്ച രണ്ടാമത്തെ നടൻ - തിരക്കഥ
• 2014 - മികച്ച രണ്ടാമത്തെ നടൻ - 1983, വിക്രമാദിത്യൻ

ഫിലിംഫെയർ അവാർഡ്സ് സൗത്ത്

• 2008 - മികച്ച സഹനടൻ