പൊഴിക്കര

ഇംഗ്ലീഷ് വിലാസം

https://ml.wikipedia.org/wiki/Pozhikara

പൊഴിക്കര
പട്ടണം
പൊഴിക്കര പാലം
പൊഴിക്കര കേരളത്തിലെ സ്ഥാനം
Coordinates: 8°48′39″N 76°39′08″E
രാജ്യം	ഇന്ത്യ
സംസ്ഥാനം	കേരളം
ജില്ല	കൊല്ലം
നഗരം	കൊല്ലം
ഭരണസമ്പ്രദായം
• ഭരണസമിതി	പരവൂർ നഗരസഭ
Languages
• ഔദ്യോഗിക ഭാഷകൾ	മലയാളം, ഇംഗ്ലീഷ്
സമയമേഖല	UTC+5:30 (IST)
പിൻകോഡ്	691301
വാഹന റെജിസ്ട്രേഷൻ	KL-02
ലോക്സഭ മണ്ഡലം	കൊല്ലം
ഭരണച്ചുമതല	പരവൂർ നഗരസഭ
ശരാശരി ഉഷ്ണകാല താപനില	34 °C (93 °F)
ശരാശരി ശൈത്യകാല താപനില	22 °C (72 °F)
വെബ്സൈറ്റ്	www.paravuronline.com www.paravurmunicipality.in//

കൊല്ലം ജില്ലയിൽ പരവൂർ നഗരസഭയുടെ പടിഞ്ഞാറൻ അതിർത്തിയോടു ചേർന്ന് സ്ഥിതിചെയ്യുന്ന ഒരു തീരദേശ പട്ടണമാണ് പൊഴിക്കര. പരവൂർ കായലിന്റെയും അറബിക്കടലിന്റെയും സാന്നിദ്ധ്യം ഈ പ്രദേശത്തെ ഒരു വിനോദസഞ്ചാരകേന്ദ്രമാക്കി മാറ്റിയിരിക്കുന്നു.

ചരിത്രം

കൊല്ലം ജില്ലയിലെ ചരിത്രപ്രാധാന്യമുള്ള ഒരു പ്രദേശമാണ് പൊഴിക്കര. കായലും കടൽത്തീരവും അഴിമുഖവുമുള്ളതിനാൽ വർഷങ്ങൾക്കു മുമ്പുതന്നെ ഈ പ്രദേശം ഒരു ഗതാഗതകേന്ദ്രമായി മാറിയിരുന്നു. പണ്ട് ശിവക്ഷേത്രമായിരുന്ന പൊഴിക്കര മേജർ ദേവീക്ഷേത്രത്തിൽ നിന്നും 12-ആം നൂറ്റാണ്ടിലെ ഒരു ശിലാശാസനം കണ്ടെത്തിയിരുന്നു. വട്ടെഴുത്ത് ലിപിയിലുള്ള ഈ ചരിത്രരേഖയെ പൊഴിക്കര ശിലാരേഖ എന്നുവിളിക്കുന്നു. ദേവീക്ഷേത്രം കൂടാതെ കൊല്ലന്റഴികം മാടസ്വാമി ക്ഷേത്രവും ഇവിടെയുണ്ട്.

ഇന്ത്യയ്ക്കു സ്വാതന്ത്ര്യം ലഭിക്കുന്നതിനു മുമ്പ് പരവൂർ പ്രദേശത്തിന്റെ ഭരണകേന്ദ്രമായിരുന്നു പൊഴിക്കര. പഴയകാലത്തെ ഒരു കോട്ടയും അഞ്ചലാപ്പീസും പോലീസ് സ്റ്റേഷനും ഇവിടെ സ്ഥിതിചെയ്യുന്നുണ്ട്.

എത്തിച്ചേരുവാൻ

കൊല്ലത്തുനിന്ന് തീരദേശപാത വഴി 12 കിലോമീറ്റർ സഞ്ചരിച്ചാൽ പൊഴിക്കരയിൽ എത്തിച്ചേരാം.

സമീപത്തെ സ്ഥലങ്ങൾ

• പരവൂർ - 2.5 കിലോമീറ്റർ
• പരവൂർ മുൻസിപ്പൽ ബസ് സ്റ്റാൻഡ് - 2.5 കി.മീ.
• പരവൂർ തീവണ്ടിനിലയം - 2.5 കി.മീ.