"മാടായിപ്പാറ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

നാൾപ്പതിപ്പുകൾ കാണുക

← മുൻപത്തെ വ്യത്യാസം അടുത്ത വ്യത്യാസം →

Content deleted Content added

വ്യത്യാസം കാണൽവിക്കിഎഴുത്ത്

വരിക്കിടയിൽ

05:07, 18 ജൂലൈ 2018-നു നിലവിലുണ്ടായിരുന്ന രൂപം

ഇംഗ്ലീഷ് വിലാസം

https://ml.wikipedia.org/wiki/Madayipara

കണ്ണൂർ ജില്ലയിലെ മാടായി ഗ്രാമപഞ്ചായത്തിൽ സ്ഥിതി ചെയ്യുന്ന കുന്നിൻ പ്രദേശമാണ് മാടായിപ്പാറ. അറുന്നൂറേക്കളോളം പരന്നു കിടക്കുന്ന ഈ സ്ഥലം പ്രകൃതിഭംഗിയാലും ജൈവവൈവിധ്യങ്ങളാലും സമ്പന്നമാണ്.

ചരിത്രം

പ്രാക്തന കാലം തൊട്ട് നാവികർക്ക് വഴികാട്ടിയായ ഏഴിമലയ്ക്ക് തൊട്ടു കിഴക്കാണ് മാടായിപ്പാറ.ഒരു കാലത്ത് ഇവിടം മുഴുവൻ വെള്ളത്തിനടിയിലായിരുന്നു . ഏഴിമലയ്ക്ക് നാല് ചുറ്റും കടലായിരുന്നു എന്ന് കേരളോൽപ്പത്തിയിൽ പരാമർശമുണ്ട്. വെള്ളം നീങ്ങി ഉയർന്നുവന്ന കരഭാഗത്തിന് മാട് എന്ന് പേരുണ്ട്. അങ്ങനെ മാട് ആയ സ്ഥലമാണ് മാടായി എന്ന് പിന്നീട് അറിയപ്പെട്ടത്. ^[1]

കോലത്തുനാട്ടിലെ രാജാവായ ഉദയവർമന്റെ ആസ്ഥാനമായിരുന്നു ഇവിടം. കോലത്തുരാജാവിന്റെ സദസ്യനായിരുന്ന ചെറുശ്ശേരി ഇവിടെയാണു് ജീവിച്ചിരുന്നതെന്ന് പറയപ്പെടുന്നു. മാടായി പരിസരത്ത് ചിങ്ങമാസത്തിൽ കൃഷ്ണപ്പാട്ട് വായന ഇന്നും പതിവുണ്ട്‌. മാടായിപ്പാറ ഉൾപ്പെടുന്ന പ്രദേശം മുമ്പ് പോർച്ചുഗീസുകാരുടെ അധീനതയിലായിരുന്നു. മാടായിപ്പാറയുടെ അരികുകളിൽ ധാരാളം പറങ്കിമാവുകൾ ഉണ്ട്. ഇവ നട്ടുപിടപ്പിച്ചത്‌ പോർച്ചുഗീസുകാരാണെന്ന് പറയപ്പെടുന്നു. മാടായിപ്പാറയിലെ പാളയം മൈതാനത്ത് ടിപ്പുവിന്റെ പടയോട്ടക്കാലത്ത്‌ യുദ്ധം നടന്നിരുന്നു.

ഇവിടെ ഏതു വേനലിലും വറ്റാത്ത കുളങ്ങളുണ്ട്‌. പാറക്കുളം എന്നാണവ പൊതുവേ അറിയപ്പെടുന്നതു്. അത് പണ്ട് ജൂതർ പണിതതിനാൽ ജൂതക്കുളമെന്നും അറിയപ്പെടുന്നു. ഭാരതത്തിൽ ആദ്യമായി ജൂത കുടിയേറ്റം നടന്നത് ഇവിടെയാണു. പാറയുടെ പഴയങ്ങാടി ഭാഗത്തെ ചരിവിലാണ്‌ 12-ാം നൂറ്റാണ്ടിൽ പണികഴിപ്പിച്ച പ്രസിദ്ധമായ മാടായിപ്പള്ളി. പാറയുടെ മുകളിലുള്ള മാടായി കോളേജിന്റെ പരിസരത്ത് പഴയ വ്യാപാരശാലയുടെ അവശിഷ്ടങ്ങൾ കണ്ടെത്തിയിട്ടുണ്ട്.

1765-68 കാലഘട്ടത്തിൽ ഹൈദരലിയും പട്ടാളവും തമ്പടിച്ചിരുന്ന സ്ഥലമാണു് മാടായിപ്പാറയിലെ പാളയം മൈതാനം.

പ്രകൃതി

മാടായിപ്പാറയുടെ പടിഞ്ഞാറ് വശത്ത് ഏഴിമലയാണ്‌. ഏഴിമലക്ക് മുകളിലൂടെയുള്ള സൂര്യാസ്തമയം മാടായിപ്പാറയിലെ ഏറെ ആകർഷകമായ ഒരു കാഴ്ചയാണ്. പാറയുടെ തെക്ക് കിഴക്ക് ഭാഗത്തൂടെ ഒഴുകുന്ന പഴയങ്ങാടിപ്പുഴ മറ്റൊരു മനോഹരകാഴ്ചയാണു്. മാടായിപ്പാറയുടെ പടിഞ്ഞാറെ ചെരിവിൽ ഒരു ഭാഗത്ത് വെങ്ങരയും മറുഭാഗത്ത് പഴയങ്ങാടി റെയിൽവേ സ്റ്റേഷനും സ്ഥിതിചെയ്യുന്നു. വടക്ക് ഭാഗത്ത് അടുത്തില സ്ഥിതിചെയ്യുന്നു

തീവ്രമായ മഴക്കാലവും നന്നേ വരണ്ട വേനലും ഇവിടത്തെ കാലാവസ്ഥയുടെ പ്രത്യേകതയാണ്. വേനൽകാലത്തു് പാറയിലെ പുല്ലുകൾ കരിഞ്ഞുതുടങ്ങുകയും പലപ്പോഴും തീപിടിത്തമുണ്ടാകുകയും ചെയ്യും. പോർച്ചുഗീസുകാർ ലാൻഡ്‌ ഓഫ്‌ ബർണിങ്‌ ഫയർ എന്നു വിളിച്ചിതിൽ നിന്നാണ് പാറയുടെ കിഴക്കു ഭാഗത്തിനു് എരിയുന്ന പുരം എന്നർത്ഥം വരുന്ന എരിപുരം എന്ന സ്ഥലപേരുണ്ടായത്.

സസ്യ വൈവിദ്ധ്യം

ഓണക്കാലത്ത് കാക്കപൂവും , കൃഷ്ണപൂവും , കണ്ണാന്തളിയും നീറഞ്ഞ് ഒരു നീലപരവതാനി പോലെ കാണപ്പെടും ഈ പ്രദേശം.ഹോമിയോപ്പതിയിൽ മരുന്നായി ഉപയോഗിക്കുന്ന കൽമരം ( കണ്ണാംപൊട്ടി - Sapium Insigne ) ,വരണ്ട കാടുകളിൽ കാണപ്പെടുന്ന കാർക്കോട്ടി അഥവാ മോതിരക്കണ്ണി (Hugoniya Mystax),ഫ്രഞ്ച് സസ്യശാസ്ത്രജ്ഞനായ ചാൾസ് ഫ്ലുമേറിയയുടെ സ്മരണയ്ക്കായി പേരു നൽകിയ ഈഴച്ചെമ്പകം ( Plumeria Rubra ) , പശ്ചിമഘട്ടത്തിലെ ഇലപൊഴിയും വനങ്ങളിലും അർദ്ധനിത്യഹരിത വനങ്ങളിലും കാണപ്പെടുന്ന ഒരിനം വന്മരമായ ആവൽ (Holoptelea integrifolia) കുറ്റിച്ചെടിയായ പാണൽ (Glycosmis pentaphylla) തുടങ്ങിയവ ഇവിടത്തെ സസ്യജാലങ്ങളിൽ ചിലതാണ്.

ഇവിടത്തെ സവിശേഷതയുള്ള ഒരു ജലസസ്യമാണ്‌ കൃഷ്ണകേസരം. മാടായിപ്പാറയിലും സമീപമുള്ള ചിലയിടത്തെ ചെങ്കൽപ്പാറകളിലും മാത്രം കാണപ്പെടുന്ന ഒരു ജലസസ്യമാണ് ഇത്.(ശാസ്ത്രീയനാമം: Nymphoides krishnakesara). ഇവയുടെ കേസരങ്ങളുടെ കൃഷ്ണവർണ്ണമാണ് പേരിനാധാരം. വളരെ ചുരുങ്ങിയ ഒരു പ്രദേശത്തു മാത്രം കാണപ്പെടുന്ന ഈ സസ്യം വംശനാശഭീഷണി നേരിടുന്നു. ഇവിടെ കാണപ്പെടുന്ന മറ്റൊരു ഇരപിടിയൻ സസ്യമാണ് കൊസുവെട്ടി എന്ന് അറിയപ്പെടുന്ന അക്കരപ്പുത (Drosera indica ).^[2]. ഇവിടെ നിന്നും നിരവധി സസ്യങ്ങൾ പുതിയതായി കണ്ടുപിടിക്കപ്പെട്ടിട്ടുണ്ട്. അവയിൽ ഒന്നാണ് Eriocaulon madayiparense . ^[3]. മലബാർ റൊട്ടാല (Rotala malabarica),Justicia Ekakusuma,അക്കരംകൊല്ലി തുടങ്ങിയ സസ്യങ്ങളേയും ഇവിടെ കാണാം.

ജൈവ വൈവിദ്ധ്യം

അപൂർവം സസ്യ-ജന്തുജാലങ്ങളുള്ള ഒരു കലവറ തന്നെയാണു് മാടായിപ്പാറ.38 ഇനം പുൽച്ചെടികളും,500 ഓളം തരത്തിലുള്ള മറ്റു ചെടികളും ഇവിടെ വളരുന്നു. ഇതിൽ 24 ഇനം ഔഷധചെടികളാണ് .അപൂർവ്വങ്ങളായ 92 ഇനം ചിത്രശലഭങ്ങളും 175 ഓളം പക്ഷികളും ഈ പ്രദേശത്ത് കാണപ്പെടുന്നു^[4].138 ഓളം പൂമ്പാറ്റകളെ ജന്തുശാസ്‌ത്രജ്ഞനും നാട്ടുകാരനുമായ ജാഫർ പാലോട്ട്‌ ഇവിടെ കണ്ടെത്തിയിരുന്നു.

ഇവിടെയുള്ള പാറക്കുളത്തിനു തെക്കുഭാഗത്ത് ധാരാളം സസ്യങ്ങളും അരുവികളും കാണാം.അവിടെ ഓണക്കാലത്ത് നിരവധി പക്ഷികളും ശലഭങ്ങളും കാണപ്പെടുന്നു. ഈ പ്രദേശത്ത് വിരിയുന്ന ചെറിയ പൂക്കളാണ് ശലഭങ്ങളെ ആകർഷിക്കുന്നത്.ഇവിടെയുള്ള മനോഹരമായ ഒരു ശലഭമാണ് സുവർണ്ണ ഓക്കിലശലഭം.ഇതിന്റെ ചിറകുകൾക്ക് തീജ്വാലപോലെ തിളക്കമുണ്ട്.വെള്ളിലത്തോഴി,കുഞ്ഞുവാലൻ,നരിവരയൻ തുടങ്ങിയ ശലഭങ്ങളേയും ഇവിടെ കാണാം.അതിനാൽ അവിടം ഒരു ബട്ടർഫ്ലൈ പാർക്ക് ആയി അറിയപ്പെടുന്നു.ഇവിടെ നിന്ന് അപൂർവമായ തവളകളെയും കണ്ടെത്തിയിട്ടുണ്ട്. Fejervarya sahyadris അത്തരം തവളയാണ് .

ആഗസ്റ്റ് മാസത്തിൽ
ഡിസംബർ മാസത്തിൽ
സുവർണ്ണ ഓക്കിലശലഭം
വരയൻ കോമാളി
വെള്ളിവരയൻ
Rufescent Burrowing Frog
scalloped spreadwing
പുല്ലൂളി ശലഭം
ചെമ്പൻ വാനമ്പാടി

വെല്ലുവിളികൾ

മാടായിപ്പാറയുടെ തെക്കു-പടിഞ്ഞാറായി നടക്കുന്ന കളിമണ്ണ് ഖനനം ഇവിടുത്തെ പരിസ്ഥിതിക്ക് വലിയൊരു ഭീഷണിയായിരുന്നു.ഖനന പ്രദേശത്തുനിന്നും ഖനന കമ്പനിയിൽ നിന്നും മുട്ടംകാവിലെ വളപ്പ് തോട്ടിലേക്ക് ഒഴുക്കുന്ന മലിനജലവും പരിസ്ഥിതി പ്രശ്‌നങ്ങൾ സൃഷ്ടിച്ചിരുന്നു^[5].

കാണുക

മാടായി ചൈനാക്ലേ വിരുദ്ധ സമരം

ഐതിഹ്യം

വടക്കേ മലബാറിലെ ശാക്തേയ ആരാധനാകേന്ദ്രങ്ങളിൽ പ്രധാനമായ മാടായിക്കാവും , കണ്ണൂർ ജില്ലയിലെ പ്രസിദ്ധ ആരാധനകേന്ദ്രങ്ങളായ വടുകുന്ദ ശിവക്ഷേത്രവും മാടായിപ്പാറയിലാണ് സ്ഥിതി ചെയ്യുന്നത്. മത്സ്യ മാംസങ്ങൾ ഭക്ഷിക്കുന്ന ഒറിയ ബ്രാഹ്മണരാണ് മാടായിക്കാവിൽ പൂജ നടത്തുന്നത്‌. ദളിതർ ഏറെയുള്ള സ്ഥലം കൂടിയാണ്‌ മാടായിയും പരിസരവും. പുലയരുടെ ദൈവമായ കാരിഗുരുക്കൾ പുലിവേഷം മറിഞ്ഞ്‌ ദൈവക്കരുവായ കഥ തുടങ്ങുന്നത്‌ മാടായിക്കാവിലാണ്‌. മാടായിക്കാവിലെ പൂരംകുളി ഉത്സവം ചരിത്രപ്രാധാന്യമുള്ളതാണ്.

പ്രകൃതിയുമായി ബന്ധപ്പെടുത്തിയതാണ്‌ മാടായിക്കാവിലെ ആരാധനാക്രമം. വേനലിന്റെ അവസാനത്തിലെ സംക്രമകാലത്ത്‌ ഇവിടെ കലശോത്സവം നടത്താറുണ്ട്. കർക്കിടകത്തിൽ ഇവിടെ മാരിത്തെയ്യങ്ങളും കെട്ടിയാടാറുണ്ട്.കൊയ്ത്തുകാലം തുടങ്ങുന്ന ദിവസം ഇവിടെയുള്ള കതിര് വയ്ക്കും തറയിൽ നിന്നും പൂജിച്ച നെൽകതിരുകൾ കൊടുക്കാറുണ്ട്

പുറം കണ്ണികൾ

മാടായിപാറയുടെ ഹൃദയത്തിലേയ്ക്കൊരു യാത്ര

സ്ഥാപനങ്ങൾ

മാടായി ഗേൾസ് ഹയർ സെക്കന്ററി സ്കൂൾ, മാടായി ബോയ്സ് ഹയർ സെക്കന്ററി സ്കൂൾ, വാദിഹുദ എന്നീ സ്ഥാപനങ്ങൾ മാടായിപാറയിൽ സ്ഥിതിചെയ്യുന്നു.

പഴയങ്ങാടിയിൽ നിന്നും മുട്ടം, വെങ്ങര, ചെമ്പല്ലിക്കുണ്ട് എന്നിവിടങ്ങളിലേക്കുള്ള പാതകൾ മാടായിപാറയിലൂടെ കടന്നുപോകുന്നു.

ചിത്രങ്ങൾ

കതിരുവെയ്ക്കും തറ
ചൈനാ ക്ലേ കുഴിച്ചെടുക്കാനായി മറിച്ചിട്ട ഭാഗം
പിഡബ്ല്യുഡി റസ്റ്റ് ഹൈസ് മാടായി
ഗേൾസ് ഹൈസ്കൂളിനു സമീപം ഉള്ള തടാകം
വടുകുന്ദ ശിവക്ഷേത്രത്തിനു സമീപം ഉള്ള തടാകം

അവലംബം

↑ മാടായിപ്പാറയിൽ പൂക്കൾ വിരിയുമ്പോൾ , അജിത്ത് യു. കൂട് മാസിക ഡിസംബർ 2013
↑ http://www.readwhere.com/read/195622/Koodu-Magazine/Issue-8-December-2013#dual/24/2
↑ http://www.pensoft.net/journals/phytokeys/article/2297/abstract/eriocaulon-madayiparense-eriocaulaceae
↑ മാടായിപ്പാറ
↑ പരിസ്ഥിതി പ്രവർത്തകർ മാടായിപ്പാറ സന്ദർശിക്കും

മാടായി ഗ്രാമപഞ്ചായത്തു്

[1] മാടായിപ്പാറയിൽ പൂക്കൾ വിരിയുമ്പോൾ , അജിത്ത് യു. കൂട് മാസിക ഡിസംബർ 2013

[2] ttp://www.readwhere.com/read/195622/Koodu-Magazine/Issue-8-December-2013#dual/24/2

[3] ttp://www.pensoft.net/journals/phytokeys/article/2297/abstract/eriocaulon-madayiparense-eriocaulaceae

[4] മാടായിപ്പാറ

[5] പരിസ്ഥിതി പ്രവർത്തകർ മാടായിപ്പാറ സന്ദർശിക്കും

[1]

[2]

[3]

[4]

[5]

@@ വരി 23: / വരി 23: @@
 ഇവിടത്തെ സവിശേഷതയുള്ള ഒരു ജലസസ്യമാണ്‌ [[കൃഷ്ണകേസരം]]. മാടായിപ്പാറയിലും സമീപമുള്ള ചിലയിടത്തെ ചെങ്കൽപ്പാറകളിലും മാത്രം കാണപ്പെടുന്ന ഒരു ജലസസ്യമാണ് ഇത്.(ശാസ്ത്രീയനാമം: Nymphoides krishnakesara). ഇവയുടെ കേസരങ്ങളുടെ കൃഷ്ണവർണ്ണമാണ് പേരിനാധാരം. വളരെ ചുരുങ്ങിയ ഒരു പ്രദേശത്തു മാത്രം കാണപ്പെടുന്ന ഈ സസ്യം വംശനാശഭീഷണി നേരിടുന്നു. ഇവിടെ കാണപ്പെടുന്ന മറ്റൊരു [[ഇരപിടിയൻ ചെടികൾ|ഇരപിടിയൻ സസ്യമാണ്]] [[കൊസുവെട്ടി]] എന്ന് അറിയപ്പെടുന്ന അക്കരപ്പുത (Drosera indica ).<ref>http://www.readwhere.com/read/195622/Koodu-Magazine/Issue-8-December-2013#dual/24/2</ref>. ഇവിടെ നിന്നും നിരവധി സസ്യങ്ങൾ പുതിയതായി കണ്ടുപിടിക്കപ്പെട്ടിട്ടുണ്ട്. അവയിൽ ഒന്നാണ് Eriocaulon madayiparense . <ref>http://www.pensoft.net/journals/phytokeys/article/2297/abstract/eriocaulon-madayiparense-eriocaulaceae</ref>.
 [[മലബാർ റൊട്ടാല]] (Rotala malabarica),Justicia Ekakusuma,[[അക്കരംകൊല്ലി]] തുടങ്ങിയ സസ്യങ്ങളേയും ഇവിടെ കാണാം.
-{| cellpadding="2" style="border: 1px solid darkgray;"
+<gallery>
-! width="200" |
+File:Drosera Indica.jpg|[[അക്കരപ്പുത]]
-! width="200" |
+File:Eriocaulon_madayiparense.jpg| [[മാടായിച്ചൂത്]]
-! width="200" |
+File:Nymphoides_krishnakesara.jpg| [[കൃഷ്ണകേസരം]]
-! width="200" |
+File:Kanju (Holoptelea integrifolia) with fruits W2 IMG 5868.jpg | [[ആവൽ]]
-! width="200" |
+File:Plumeria alba 0005.jpg| [[ഈഴച്ചെമ്പകം]]
-|- border="0"
+</gallery>
-| [[File:Drosera Indica.jpg|200px]]
-| [[File:Eriocaulon_madayiparense.jpg|200px]]
-| [[File:Nymphoides_krishnakesara.jpg|200px]]
-| [[File:Kanju (Holoptelea integrifolia) with fruits W2 IMG 5868.jpg |200px]]
-| [[File:Plumeria alba 0005.jpg|200px]]
-|- align="center"
-| [[അക്കരപ്പുത]] || [[മാടായിച്ചൂത്]]  || [[കൃഷ്ണകേസരം]] || [[ആവൽ]] || [[ഈഴച്ചെമ്പകം]]
-|}
 ==ജൈവ വൈവിദ്ധ്യം==