സി.ആർ. പരമേശ്വരൻ

ഇംഗ്ലീഷ് വിലാസം

https://ml.wikipedia.org/wiki/C.R.Parameswaran

C.R. Parameswaran

മലയാളത്തിലെ നോവലിസ്റ്റും ചിന്തകനുമാണ് സി.ആർ. പരമേശ്വരൻ.

ജീവിതരേഖ

1950 ആഗസ്റ്റിൽ ചാലക്കുടിക്ക് അടുത്ത് മേലൂരിൽ ജനിച്ചു. കാലടി, ഇരിങ്ങാലക്കുട, ആഗ്ര എന്നിവിടങ്ങളിൽ വിദ്യാഭ്യാസം. ഇംഗ്ലീഷ് ഭാഷയിൽ ബിരുദാനന്തര ബിരുദം നേടിയിട്ടുണ്ട്. ഇന്ത്യൻ എയർഫോഴ്സിൽ അദ്ധ്യാപകനായിരിക്കേ അദ്ധ്യാപനത്തിൽ ബിരുദവും ഹൈദ്രാബാദ് സെന്റൽ ഇൻസ്റ്റിറ്റ്യൂട്ട് ഓഫ് ഇംഗ്ലീഷിൽ നിന്ന് ഇംഗ്ലീഷ് അദ്ധ്യാപനത്തിൽ യോഗ്യതാപത്രവും നേടി. ഡൽഹി, ബെൽഗാം, ബാംഗ്ലൂർ, എറണാകുളം എന്നിവിടങ്ങളിൽ സേവനമനുഷ്ഠിച്ചിട്ടുണ്ട്. .

സാഹിത്യപ്രവർത്തനം

വിദ്യാർത്ഥിജീവിതകാലം മുതൽ എഴുതിത്തുടങ്ങിയ സി.ആർ.പരമേശ്വരൻ 1969-ലും 70-ലും കേരള സർവ്വകലാശാല നടത്തിയ കവിതാമത്സരങ്ങളിൽ ഒന്നാം സമ്മാനം, 1971-ലെ മാതൃഭൂമിയുടെ കവിതാ-നാടക മത്സരങ്ങളിൽ ഒന്നാം സമ്മാനം എന്നിവ നേടിയിട്ടുണ്ട്. ആദ്യനോവലായ പ്രകൃതിനിയമം 1989-ലും സാഹിത്യവിമർശനഗ്രന്ഥമായ 'വംശചിഹ്നങ്ങൾ ' 2015-ലും കേരള സാഹിത്യ അക്കാദമിയുടെ അവാർഡുകൾ നേടി. വിപൽ സന്ദേശങ്ങൾ (1989), അസഹിഷ്ണുതയുടെ ആവശ്യം (1999) എന്നീ ലേഖനസമാഹാരങ്ങൾ പ്രസിദ്ധീകരിച്ചു. ഇടതുപക്ഷത്തിന്റെ പ്രതിസന്ധിയും അതിന്റെ ഭാഗമായുള്ള പ്രത്യാശാനഷ്ടവുമാണ് സി.ആർ.പരമേശ്വരന്റെ കൃതികളിലെ പ്രധാനവിഷയം.

കൃതികൾ

• പ്രകൃതിനിയമം
• വംശചിഹ്നങ്ങൾ

• മൌനത്തിൻറെ ശമ്പളം മരണം
• വെറുപ്പ്‌ ഭക്ഷിക്കുമ്പോൾ

• വിപൽ സന്ദേശങ്ങൾ
• അസഹിഷ്‌ണുതയുടെ ആവശ്യം
• നിങ്ങളുടെ ചോദ്യങ്ങൾ
• നമ്മുടെ ആവാസവ്യവസ്ഥ