അവളുടെ രാവുകൾ

ഇംഗ്ലീഷ് വിലാസം

https://ml.wikipedia.org/wiki/Avalude_Ravukal

അവളുടെ രാവുകൾ
സംവിധാനം	ഐ.വി. ശശി
നിർമ്മാണം	മുരളി മൂവീസ് /എം. പി. രാമചന്ദ്രൻ
രചന	ആലപ്പി ഷറീഫ്
അഭിനേതാക്കൾ	സീമ
സംഗീതം	എ.ടി.ഉമ്മർ
ഛായാഗ്രഹണം	വിപിൻ ദാസ്
ചിത്രസംയോജനം	കെ.നാരായണൻ
വിതരണം	സിതാര റിലീസ്
റിലീസിങ് തീയതി	1978
രാജ്യം	ഇന്ത്യ
ഭാഷ	മലയാളം

ഐ.വി. ശശിയുടെ സംവിധാനത്തിൽ 1978-ൽ പുറത്തിറങ്ങിയ ഒരു മലയാളചലച്ചിത്രമാണ് അവളുടെ രാവുകൾ. സീമയുടെ ഏറ്റവും നല്ല ചിത്രങ്ങളിൽ ഒന്നായി ഇത് കണക്കാക്കപ്പെടുന്നു. മലയാളത്തിൽ ആദ്യമായി ഏ ഗ്രേഡ് സർട്ടിഫിക്കറ്റ് (അഡൽസ് ഒൺലി) ലഭിച്ച ചിത്രവുമാണ് അവളുടെ രാവുകൾ. ഒരു ലൈംഗികതൊഴിലാളിയുടെ ജീവിതവും അവളെ ചുറ്റിയുള്ള സമൂഹത്തിൽ അവളുടെ ജീവിതം ഉണ്ടാക്കുന്ന തരംഗങ്ങളുമാണ് ചിത്രത്തിന്റെ ഇതിവൃത്തം. അക്കാലത്തെ മറ്റ് മലയാളചലച്ചിത്രങ്ങളെ അപേക്ഷിച്ച് നഗ്നതാപ്രദർശനം ഈ ചിത്രത്തിൽ കൂടുതൽ ആയിരുന്നു. ലൈംഗികത പ്രധാന കഥാതന്തുവായി വരുന്നു എന്ന പ്രത്യേകതയും ഈ ചിത്രത്തിന് ഉണ്ടായിരുന്നു. ഇറങ്ങിയ സമയത്ത് അശ്ലീലചിത്രമെന്ന് മുദ്ര കുത്തപ്പെട്ടെങ്കിലും പിന്നീട് ഗൗരവമായ സ്ത്രീപക്ഷ വായനയ്ക്കു വിധേയമാവുകയും മികച്ച ചലച്ചിത്രമാണ് അതെന്ന് വിലയിരുത്തപ്പെടുകയും ചെയ്തിട്ടുണ്ട്.

മറ്റൊരു പ്രത്യേകത ഈ ചിത്രത്തിൽ നായകൻ, വില്ലൻ ഇങ്ങനെ ഉള്ള വേർതിരിവുകൾ ഇല്ല എന്നതാണ്. വളരെ നല്ലവരായ നായകന്മാരും അതിക്രൂരന്മാരായ വില്ലന്മാരും ഉള്ള മലയാളചലച്ചിത്രരംഗത്ത് പകുതി നല്ലവരും പകുതി ചീത്തയുമായ കഥാപാത്രങ്ങളെ ഈ ചിത്രം അവതരിപ്പിച്ചു. ഈ ചിത്രത്തിലെ രാഗേന്ദുകിരണങ്ങൾ എന്നു തുടങ്ങുന്ന ഗാ‍നം പ്രശസ്തമാണ്.

പാട്ടുകൾ

ഈ സിനിമയുടെ ഗാനരചന ബിച്ചു തിരുമലയും സംഗീതം എ. ടി .ഉമ്മറും നിർവഹിച്ചിരിക്കുന്നു .

ക്രമ നമ്പർ	പാട്ട്	രാഗം
1	രാഗേന്ദു കിരണങ്ങൾ
2	അന്തരിന്ദ്രിയ ദാഹങ്ങൾ
3	ഉണ്ണി ആരാരിരോ

അഭിനേതാക്കൾ

• സീമ
• രവികുമാർ
• സുകുമാരൻ
• തോപ്പിൽ ഭാസി
• ബഹദൂർ
• കവിയൂർ പൊന്നമ്മ
• ഉമ്മർ
• സോമൻ
• മാള അരവിന്ദൻ
• ജനാർദ്ദനൻ
• ശങ്കരാടി