സാജൻ പിറവം

ഇംഗ്ലീഷ് വിലാസം

https://ml.wikipedia.org/wiki/Sajan_Piravam

സിനിമാ-മിമിക്രി താരമാണ് സാജൻ പിറവം (49). ശ്വാസകോശ സംബന്ധമായ അസുഖത്തെത്തുടർന്ന് ചികിത്സയിലായിരുന്ന സാജൻ 20 ഡിസംബർ 2014-ൽ അന്തരിച്ചു.

ജീവിത രേഖ

പിറവം ചക്കാലക്കൽ ഉതുപ്പിന്റേയും, അന്നമ്മയുടേയും മകനാണ് സാജൻ പിറവം. നിരവധി മലയാളം, തമിഴ് സിനിമകളിൽ അഭിനയിച്ചിട്ടുണ്ട്. വിനയൻ സംവിധാനം ചെയ്ത അത്ഭുത ദ്വീപ് എന്ന സിനിമയിലൂടെയാണ് സാജൻ ശ്രദ്ധേയനായത്. രണ്ടരയടി ഉയരമുണ്ടായിരുന്ന സാജൻ സിനിമകൾക്ക് പുറമെ ടെലിവിഷൻ സീരിയലിലും സ്റ്റേജ് ഷോകളിലും ശ്രദ്ധേയമായിരുന്നു. ഡിഗ്രി വിദ്യഭ്യാസത്തിനുശേഷം മിമിക്രി വേദികളിലുടെയാണ് കലാരംഗത്ത് ചുവടുറപ്പിക്കുന്നത്.

ഉയരക്കുറവുള്ള കലാകാരന്മാരുടെ കൂട്ടായ്മയായ കൊച്ചിൽ സിനി വേൾഡിന്റെ കലാപരിപാടികളിൽ സ്ഥിരം സാന്നിധ്യമായിരുന്നു സാജൻ.

അഭിനയിച്ച സിനിമകൾ

1. അത്ഭുത ദ്വീപ് - മലയാളം
2. ബെസ്റ്റ് ആക്ടർ - മലയാളം
3. ഈ പട്ടണത്തിൽ ഭൂതം - മലയാളം
4. ഇമ്മാനുവൽ - മലയാളം
5. നാൻ കടവുൾ - തമിഴ്
6. അമീബ (സിനിമ) - മലയാളം - അവസാനമായി അഭിനയിച്ച സിനിമ