ഗുരുവായൂർ

ഇംഗ്ലീഷ് വിലാസം

https://ml.wikipedia.org/wiki/Guruvayur

ഗുരുവായൂർ
ഗുരുവായൂർ
10.5947°N 76.0425°E / 10.5947; 76.0425
ഭൂമിശാസ്ത്ര പ്രാധാന്യം	പട്ടണം
രാജ്യം	ഇന്ത്യ
സംസ്ഥാനം	കേരളം
ജില്ല	തൃശ്ശൂർ
ഭരണസ്ഥാപനം(ങ്ങൾ)
'
'
'
വിസ്തീർണ്ണം	ചതുരശ്ര കിലോമീറ്റർ
ജനസംഖ്യ
ജനസാന്ദ്രത	/ച.കി.മീ
കോഡുകൾ   • തപാൽ   • ടെലിഫോൺ	680012 +0487
സമയമേഖല	UTC +5:30
പ്രധാന ആകർഷണങ്ങൾ

കേരളത്തിലെ തൃശ്ശൂർ ജില്ലയിലെ ഒരു മുൻസിപ്പാലിറ്റിയും തീർത്ഥാടനത്തിനു പേരു കേട്ട പട്ടണവുമാണ്‌ ഗുരുവായൂർ. ഇത് തൃശ്ശൂർ നഗരത്തിനു 25 കി.മീ. വടക്കു പടിഞ്ഞാറായി സ്ഥിതി ചെയ്യുന്നു.

പേരിന് പിന്നിൽ

സംഘകാലത്ത് ഈ സ്ഥലത്തിനു കുരവയൂർ എന്നായിരുന്നു പേർ. കുരവക്കൂത്ത് പ്രധാനമായി നടന്നിരുന്ന സ്ഥലമായിരുന്നതിനാലായിരിക്കണം ഈ പേരു വന്നതെന്ന് പ്രശസ്ത സ്ഥലനാമ ചരിത്രകാരൻ വി.വി.കെ.വാലത്ത് കരുതുന്നു. എ.ഡി. 14 നൂറ്റാണ്ടിൽ എഴുതപ്പെട്ട കോകസന്ദേശം എന്ന മഹാകാവ്യത്തിലും കുരവയൂർ എന്നാണ് പരാമർശിച്ചിട്ടുള്ളത്. സംസ്കൃതപണ്ഡിതനായ ഗ്രന്ഥകർത്താവ് അക്കാലത്ത് ഗുരുവായൂർ പ്രചാരത്തിലുണ്ടായിരുന്ന പേരായിരുന്നുവെങ്കിൽ അപ്പേരേ ഉപയോഗിക്കുമായിരുന്നുള്ളു എന്ന ഔചിത്യം അദ്ദേഹം ചൂണ്ടിക്കാണിക്കുന്നു. പഴയ കാലത്തെ രേഖകളിലെല്ലാം കുരവയൂർ എന്നാണെന്ന് ഇളംകുളം കുഞ്ഞൻപിള്ളയും അവകാശപ്പെടുന്നുണ്ട്. ബ്രാഹ്മണാധിനിവേശത്തിനും ശേഷം ഒരുപാട് കാലം കഴിഞ്ഞായിരിക്കണം ഗുരുവായൂർ എന്ന പേരുണ്ടായതും അതിന് ഉപോൽബലകമായ ഐതിഹ്യങ്ങൾ പ്രചരിക്കപ്പെട്ടതും.

ഗുരുവായൂർ ക്ഷേത്രം

പ്രധാന ലേഖനം: ഗുരുവായൂർ ശ്രീകൃഷ്ണക്ഷേത്രം

ദക്ഷിണഭാരതത്തിലെ പ്രധാനപ്പെട്ട ഒരു ഹൈന്ദവ ക്ഷേത്രമാണ് ഗുരുവായൂർ ശ്രീകൃഷ്ണ ക്ഷേത്രം. ഈ ക്ഷേത്രത്തിൽ മഹാവിഷ്ണു ഗുരുവായൂരപ്പനായി പ്രതിഷ്ഠിക്കപ്പെട്ടിരിക്കുന്നു. വിഷ്ണുവിന്റെ പൂർണ്ണാവതാരമായ ശ്രീകൃഷ്ണൻ എന്ന രൂപത്തിലാ‍ണ് ഗുരുവായൂരിലെ പ്രതിഷ്ഠ. പാതാള അഞ്ജനം എന്ന വിശിഷ്ടവും അപൂർവ്വവും ആയ കല്ലുകൊണ്ടാണ് വിഗ്രഹം നിർമ്മിച്ചിരിക്കുന്നത്. വിഷ്ണു നാലു കൈകളിൽ ശംഖ്, സുദർശന ചക്രം, താമര, ഗദ എന്നിവ ധരിച്ചിരിക്കുന്നു.അഹിന്ദുക്കൾക്ക് ഈ ക്ഷേത്രത്തിൽ പ്രവേശനം ഇല്ല.

റോഡ്, റെയിൽ മാർഗ്ഗങ്ങളിൽ ഈ ക്ഷേത്രത്തിൽ എത്താം.