ഗേ-ലുസാക് നിയമം

ഇംഗ്ലീഷ് വിലാസം

https://ml.wikipedia.org/wiki/Gay-Lussacs_law

ജോസഫ് ലൂയിസ് ഗേ ലുസാക് കണ്ടെത്തിയ വാതകങ്ങളെ സംബന്ധിച്ച രണ്ട് നിയമങ്ങളെ സൂചിപ്പിക്കാൻ ഗേ ലുസാക് നിയമം എന്ന പേര് ഉപയോഗിക്കുന്നു. അവയിൽ ഒന്ന് രാസപ്രക്രീയയിലെ വ്യാപ്തങ്ങളെയും മറ്റേത് വാതകങ്ങളുടെ മർദ്ദത്തേയും ഊഷ്മാവിനേയും തമ്മിൽ ബന്ധപ്പെടുത്തുന്നു.

മർദ്ദം-ഊഷ്മാവ് നിയമം

1802-ൽ കണ്ടെത്തിയ ഈ നിയമത്തിൽ ഇങ്ങനെ പറയുന്നു:

“ സ്ഥിര വ്യാപ്തത്തിൽ ഒരു നിശ്ചിത പിണ്ഡം വാതകത്തിന്റെ മർദ്ദം കെൽവിനിലുള്ള ഊഷ്മാവിന് നേർ ആനുപാതികമാണ്. ”

ഗണിതരൂപത്തിൽ ഈ നിയമത്തെ ഇങ്ങനെ എഴുതാം:

${P}\propto {T}$

അല്ലെങ്കിൽ

${\frac {P}{T}}=k$

ഇതിൽ

P - വാതകത്തിന്റെ മർദ്ദം.

T - വാതകത്തിന്റെ ഊഷ്മാവ് (കെൽവിനിൽ).

k - ഒരു സ്ഥിരാങ്കം.

രണ്ട് അവസ്ഥകളിൽ സ്ഥിതി ചെയ്യുന്ന ഒരേ വസ്തുവിനെ താരതമ്യം ചെയ്യുന്നതിനായി ഈ സമവാക്യം താഴെപ്പറയും വിധം എഴുതാം.:

${\frac {P_{1}}{T_{1}}}={\frac {P_{2}}{T_{2}}}\qquad \mathrm {or} \qquad {P_{1}}{T_{2}}={P_{2}}{T_{1}}$

ഗേ ലുസാക് നിയമം, ബോയിൽ നിയമം, ചാൾസ് നിയമം എന്നിവ ചേർന്നാണ് സം‌യോജിത വാതക നിയമം ഉണ്ടാകുന്നത്. ഈ മൂന്ന് നിയമങ്ങളും അവഗാഡ്രോ നിയമവും ചേർന്നതാണ് ആദർശ വാതക നിയമം.