എസി/ഡിസി

വിക്കിപീഡിയ, ഒരു സ്വതന്ത്ര വിജ്ഞാനകോശം.
AC/DC
Rock band in performance on a well-lit but hazy stage. we see two guitarists, a bassist, a vocalist off to one side, and a drummer in the rear.
AC/DC, from left to right: Brian Johnson, Malcolm Young, Phil Rudd, Angus Young, Cliff Williams, performing at the Tacoma Dome in Tacoma on 31 August 2009.
പശ്ചാത്തല വിവരങ്ങൾ
ഉത്ഭവംSydney, New South Wales, Australia
വർഷങ്ങളായി സജീവം1973 (1973)–present
ലേബലുകൾ
അംഗങ്ങൾ
മുൻ അംഗങ്ങൾ
വെബ്സൈറ്റ്acdc.com

ഒരു ഓസ്‌ട്രേലിയൻ റോക്ക് സംഗീത ബാൻഡാണ് എസി / ഡിസി.[1] 1973 ൽ സിഡ്നിയിൽ സ്കോട്ടിഷ് വംശജരായ സഹോദരന്മാരായ മാൽക്കവും ആംഗസ് യംഗും ചേർന്നാണിത് രൂപീകരിച്ചത്. ഇവരുടെ സംഗീതത്തെ ഹാർഡ് റോക്ക്, ബ്ലൂസ് റോക്ക്, ഹെവി മെറ്റൽ എന്നിങ്ങനെ വിശേഷിപ്പിച്ചിരിക്കുന്നു.[2] എന്നിരുന്നാലും, ബാൻഡ് തന്നെ സ്വയം അവരുടെ സംഗീതത്തെ "റോക്ക് ആൻഡ് റോൾ" എന്നാണ് വിശേഷിപ്പിക്കുന്നത്.[3]

1975 ൽ അവരുടെ ആദ്യ ആൽബം ഹൈ വോൾട്ടേജ് പുറത്തിറക്കുന്നതിന് മുമ്പ് എസി / ഡിസി നിരവധി ലൈനപ്പ് മാറ്റങ്ങൾക്ക് വിധേയമായി.

എസി / ഡിസി ലോകമെമ്പാടുമായി 20 കോടി റെക്കോർഡുകൾ വിറ്റിട്ടുണ്ട്, അതിൽ 7.2 കോടി ആൽബങ്ങൾ ആകുന്നു. ഇത് ഇവരെ അമേരിക്കയിൽ ഏറ്റവുമധികം ആൽബങ്ങൾ വിറ്റഴിക്കപ്പെടുന്ന പത്താമത്തെ കലാകാരും ലോകമെമ്പാടും ഏറ്റവും കൂടുതൽ ആൽബങ്ങൾ വിറ്റഴിക്കപ്പെടുന്ന പതിനാലാമത്തെ കലാകാരുമാണ്.[4][5][6] ഇവരുടെ ബാക്ക് ഇൻ ബ്ലാക്ക് എന്ന ആൽബത്തിന്റെ ഏകദേശം 5 കോടി പ്രതികൾ വിറ്റു പോയിട്ടുണ്ട്. ഇത് ഏറ്റവുമധികം വിറ്റഴിക്കപ്പെടുന്ന മൂന്നാമത്തെ ആൽബമായി മാറി. ഒരു സംഗീത ബാൻഡ് ഏറ്റവുമധികം വിറ്റഴിക്കപ്പെടുന്ന ആൽബമായും ഇത് മാറി. ഈ ആൽബം അമേരിക്കയിൽ 2.2 കോപ്പികൾ ആണ് വിറ്റഴിച്ചിട്ടുള്ളത്. അമേരിക്കയിലെ എക്കാലത്തെയും ഉയർന്ന വിൽപ്പനയുള്ള ആറാമത്തെ ആൽബമാണിത്.[7] വി‌എച്ച് 1 ന്റെ "ഹാർഡ് റോക്കിലെ ഏറ്റവും മികച്ച 100 ആർട്ടിസ്റ്റുകളുടെ" പട്ടികയിൽ എസി / ഡി‌സി നാലാം സ്ഥാനത്താണ്.[8][9] എം‌ടി‌വി ഏഴാമത്തെ "എക്കാലത്തെയും മികച്ച ഹെവി മെറ്റൽ ബാൻഡ്" ആയി ഇവരെ തിരഞ്ഞെടുത്തിട്ടുണ്ട്.[10] 2004 ൽ, എസി / ഡിസി "എക്കാലത്തെയും മികച്ച 100 ആർട്ടിസ്റ്റുകളുടെ" റോളിംഗ് സ്റ്റോൺ പട്ടികയിൽ 72 ആം സ്ഥാനത്തെത്തി. റോളിംഗ് സ്റ്റോൺ ലിസ്റ്റിനായി ബാൻഡിനെക്കുറിച്ച് ഒരു ലേഖനം എഴുതിയ നിർമ്മാതാവ് റിക്ക് റൂബിൻ, എസി / ഡിസിയെ "എക്കാലത്തെയും മികച്ച റോക്ക് ആൻഡ് റോൾ ബാൻഡ്" എന്നാണ് വിശേഷിപ്പിച്ചത്.[11] 2010 ൽ വിഎച്ച് 1 അതിന്റെ എക്കാലത്തെയും മികച്ച 100 ആർട്ടിസ്റ്റുകളുടെ പട്ടികയിൽ എസി/ഡിസി 23 സ്ഥാനത്തെത്തി.[12] ഏഴു തവണ ഗ്രാമി പുരസ്കാരത്തിന് നാമനിർദ്ദേശം ലഭിച്ചിട്ടുള്ള ഇവർ ഒരു തവണ ഗ്രാമി പുരസ്കാരം നേടിയിട്ടുണ്ട്. എസി/ഡിസി- യെ 2003 മാർച്ച് 10 ന് റോക്ക് ആൻഡ് റോൾ ഹാൾ ഓഫ് ഫെയിമിൽ ഉൾപ്പെടുത്തിയിട്ടുണ്ട്.

തുടക്കവും പേരും[തിരുത്തുക]

1973 ൽ സിഡ്നിയിൽ സ്കോട്ടിഷ് വംശജരായ സഹോദരന്മാരായ മാൽക്കവും ആംഗസ് യംഗും ചേർന്നാണിത് രൂപീകരിച്ചത്. മാൽക്കവും ആംഗസ് യംഗും ബാൻഡിന്റെ പേര് കണ്ടെത്തിയത് അവരുടെ സഹോദരി മാർഗരറ്റ് യംഗ് ഒരു തയ്യൽ മെഷീനിൽ എസി / ഡിസി എന്ന ഇനീഷ്യലുകൾ കണ്ടതിനെത്തുടർന്നാണ്. എസി / ഡിസി എന്നത് പ്രത്യാവർത്തിധാരാ വൈദ്യുതി/ നേർധാരാ വൈദ്യുതി എന്നതിന്റെ ചുരുക്കമാണ്. ഈ പേര് ബാൻഡിന്റെ റോ എനർജിയെയും അവരുടെ സംഗീതത്തിലെ ശക്തിപ്രകടനത്തെയും പ്രതീകപ്പെടുത്തുന്നുവെന്ന് സഹോദരന്മാർ കരുതി.[13][14]

സംഗീത ശൈലി[തിരുത്തുക]

എസി/ഡിസി സ്വയം വിശേഷിപ്പിച്ചത് "ഒരു റോക്ക് ആൻഡ് റോൾ ബാൻഡ് എന്നാണ്. അതിൽ കൂടുതലൊന്നുമില്ല, കുറവൊന്നുമില്ല".[3]

വിമർശനങ്ങൾ[തിരുത്തുക]

ബാൻഡിന്റെ കരിയറിൽ ഉടനീളം ഇവരുടെ സംഗീതം ലളിതവും ഏകതാനവും മനപൂർവ്വം താഴ്ന്നതും ലൈംഗികത നിറഞ്ഞതുമാണെന്ന് വിമർശിക്കപ്പെട്ടിട്ടുണ്ട്.[15]

പുരസ്കാരങ്ങളും അംഗീകാരങ്ങളും[തിരുത്തുക]

The street sign for ACDC Lane, Melbourne

റോക്ക് ആൻഡ് റോൾ ഹാൾ ഓഫ് ഫെയിമിൽ ചേർക്കപ്പെട്ടിട്ടുള്ള എസി/ഡിസി ഒരു തവണ ഗ്രാമി പുരസ്കാരം നേടിയിട്ടുണ്ട്.[16][17]

ബാൻഡ് അംഗങ്ങൾ[തിരുത്തുക]

നിലവിലെ അംഗങ്ങൾ[തിരുത്തുക]

  • ആംഗസ് യംഗ്   - ലീഡ് ഗിത്താർ (1973 - ഇന്നുവരെ)
  • ക്രിസ് സ്ലേഡ്   - ഡ്രംസ് (1989–1994, 2015 - ഇന്നുവരെ)
  • സ്റ്റീവി യംഗ്   - റിഥം ഗിത്താർ, ബാക്കിംഗ് വോക്കൽസ് (2014 - ഇന്നുവരെ)
  • ആക്സൽ റോസ്   - ലീഡ് വോക്കൽസ് (2016 - ഇന്നുവരെ) [18] [19]

മുൻ അംഗങ്ങൾ[തിരുത്തുക]

  • മാൽക്കം യംഗ്   - റിഥം ഗിത്താർ, പശ്ചാത്തല ഗാനം (1973–2014; അന്തരിച്ചു 2017)
  • ഡേവ് ഇവാൻസ്   - ലീഡ് വോക്കൽസ് (1973-1974)
  • ബോൺ സ്കോട്ട്   - ലീഡ് വോക്കൽസ് (1974–1980; അന്തരിച്ചു 1980)
  • ഫിൽ റൂഡ്   - ഡ്രംസ് (1975–1983, 1994–2015)
  • മാർക്ക് ഇവാൻസ്   - ബാസ് ഗിത്താർ (1975-1977)
  • ക്ലിഫ് വില്യംസ്   - ബാസ് ഗിത്താർ, ബാക്കിംഗ് വോക്കൽസ് (1977–2016)
  • ബ്രയാൻ ജോൺസൺ   - ലീഡ് വോക്കൽസ് (1980–2016)
  • സൈമൺ റൈറ്റ്   - ഡ്രംസ് (1983–1989)

അവലംബം[തിരുത്തുക]

  1. ↑ "AC/DC 'ROCK OR BUST'". Alberts Management. Archived from the original on 7 March 2016. Retrieved 24 September 2014.
  2. ↑ McParland, Robert (2018). Myth and Magic in Heavy Metal Music. McFarland. pp. 57–58. ISBN 978-1476673356.
  3. ↑ 3.0 3.1 Engleheart, Murray (18 November 1997). AC/DC – Bonfire.
  4. ↑ "Top Selling Artists". Recording Industry Association of America. Archived from the original on 19 July 2012. Retrieved 2 August 2008.
  5. ↑ Moran, Jonathon (7 February 2010). "Gen Y Pop Princess Taylor Swift vs Baby Boom Rockers AC/DC". The Daily Telegraph. Retrieved 9 January 2013.
  6. ↑ Reporter, The Age (6 February 2010). "AC/DC ham it up". The Age. Archived from the original on 11 June 2013. Retrieved 19 January 2013.
  7. ↑ "Gold & Platinum". Recording Industry Association of America. Retrieved 22 May 2017.
  8. ↑ "100 Greatest artists of hard rock". VH1. Archived from the original on 13 September 2008. Retrieved 2 August 2008.
  9. ↑ Rock On The Net: VH1: 100 Greatest Hard Rock Artists: 1–50 25 June 2013 at WebCite.
  10. ↑ "The Greatest Metal Bands of All Time". MTV. Archived from the original on 26 July 2008. Retrieved 2 August 2008.
  11. ↑ "AC/DC – 100 Greatest Artists". Rolling Stone. Archived from the original on 8 October 2017. Retrieved 6 October 2017.
  12. ↑ "The Greatest Artists of All Time". VH1/Stereogum. Archived from the original on 17 September 2011. Retrieved 19 September 2011.
  13. ↑ White, R.D. (2008). "AC/DC railway electrification and protection". IET Professional Development Course on Electric Traction Systems. IEE. doi:10.1049/ic:20080517. ISBN 9780863419485.
  14. ↑ Fijalkowski, B.T. "Novel AC-DC/DC-AC, DC-AC/AC-DC and AC-AC macrocommutators for intelligent main battle tank propulsion and dispulsion". Power Electronics in Transportation. IEEE. doi:10.1109/pet.1996.565928. ISBN 078033292X.
  15. ↑ Marchese, David (16 September 2016). "AC/DC Has Improbably Become the Most Poignant Story in Rock". Vulture. Archived from the original on 10 August 2018. Retrieved 10 August 2018.
  16. ↑ "AC/DC". grammy.com.
  17. ↑ "AC/DC". Rockhall.com. Archived from the original on 17 January 2010. Retrieved 1 February 2010.
  18. ↑ "Major Update on AC/DC's Future: What the Band Will Do Now That Cliff's Retired – Music News @ Ultimate-Guitar.Com". Archived from the original on 17 November 2017. Retrieved 22 September 2016.
  19. ↑ "AC/DC Confirm Axl Rose Is New Lead Singer". Archived from the original on 17 April 2016. Retrieved 23 August 2017.

ബാഹ്യ ലിങ്കുകൾ[തിരുത്തുക]

"https://ml.wikipedia.org/w/index.php?title=എസി/ഡിസി&oldid=3774409" എന്ന താളിൽനിന്ന് ശേഖരിച്ചത്