സുബിൻ ഗാർഗ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Zubeen Garg എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
സുബിൻ ഗാർഗ്
Zgarg.PNG
ജീവിതരേഖ
ജനനനാമംJeevan Borthakur
തൊഴിലു(കൾ)Singer , Composer
ഉപകരണംVocalist
സജീവമായ കാലയളവ്1992–present
റെക്കോഡ് ലേബൽVarious
വെബ്സൈറ്റ്http://www.zubeen.com

ഭാരതത്തിലെ ആസ്സാമിൽനിന്നുള്ള ഒരു ഗായകനാണ്‌ സുബിൻ ഗാർഗ്.(ആസ്സാമീസ്: জুবিন গাৰ্গ, ബംഗാളി: জুবিন গার্গ, ഹിന്ദി: जुबिन गर्ग) (ജനനം 18 നവംബർ 1972). ബോളിവുഡ്ഡിലും ആസാമീസ് ഗാനരംഗത്തും അദ്ദേഹം ശ്രദ്ധിക്കപെടുന്ന ഗായകനാണ്‌. വിവിധ തരത്തിലുള്ള സംഗീത ഉപകരണങ്ങൾ ഉപയോഗിക്കുന്നതിലും മികവ് തെളീച്ചയാളാണ്‌ സുബിൻ ഗാർഗ് എന്ന ജീവൻ ബോർത്കൂർ.

2006ൽ ഇറങ്ങിയ 'ഗാങ്സ്റ്റർ' എന്ന ഹിന്ദി ചലച്ചിത്രത്തിലെ യാ അലീ.. എന്ന് തുടങ്ങുന്ന സുബിന്റെ ഗാനം ഇന്ത്യയിൽ മാത്രമല്ല തെക്കനേഷ്യൻ രാജ്യങ്ങളിലും ഗൾഫ് രാജ്യങ്ങളിലും ഏറെ പ്രസിദ്ധമായി.

ജീവിതരേഖ[തിരുത്തുക]

1972 നവംബർ 18 ന്‌ മോഹിനിയുടെയും ബോർതുകുറിന്റെയും മകനായി അപ്പർ ആസ്സാമിലെ ജൊർഹാത്തിലാണ്‌ സുബീൻ ഗാർഗിന്റെ ജനനം.സുബീൻ ഗാർഗ് ,ജുബിൻ ഗാർഗ്, ജുബിൻ എന്നിങ്ങനെ ചെറിയ വ്യത്യാസങ്ങളോടെ മറ്റുള്ളവർ അദ്ദേഹത്തിന്റെ പേര്‌ വിളിക്കുന്നു. അനാമിക എന്ന കന്നി സംഗീത ആൽബത്തിലൂടെയുള്ള സുബിന്റെ ഈ രംഗത്തേക്കുള്ള ചുവടുവെപ്പിനെ വടക്കേ ഇന്ത്യയിലെയും പ്രത്യേകിച്ച് ആസാമിലേയും സംഗീത പ്രേമികൾ ഇരുകൈയും നീട്ടി സ്വീകരിച്ചു.പിന്നിടദ്ദേഹത്തിന്‌ തിരിഞ്ഞ് നോക്കേണ്ടിവന്നിട്ടില്ല. ഇതുവരെയായി ഒമ്പതിനായിരത്തിലധികം ഗാനങ്ങൾ വിവിധ ഭാഷകളിലായി സുബിൻ ആലപിച്ചു. 'യാ അലീ ...' എന്ന ഗാനത്തിന്റെ വൻ വിജയം അതിന്റെ റീമിക്സായ 'യാ അലീ റിമിക്സ് ബ്ലാസ്റ്റ്' എന്ന ആൽബം ഇറക്കാനും കരണമായി. ചില ആസ്സാമീസ് ചലച്ചിത്രങ്ങളിൽ സുബിൻ ഗാർഗ് അഭിനയിക്കുകയും ചെയ്തു.



"https://ml.wikipedia.org/w/index.php?title=സുബിൻ_ഗാർഗ്&oldid=2331741" എന്ന താളിൽനിന്ന് ശേഖരിച്ചത്