വിശാഖ ഹരി
വിശാഖ ഹരി | |
|---|---|
 വിശാഖ ഹരി ബെംഗളൂരുവിലെ ഒരു സംഗീതപരിപാടിയിൽ (2016). | |
| പശ്ചാത്തല വിവരങ്ങൾ | |
| ജനനം | മേയ് 21, 1981 ചെന്നൈ, തമിഴ്നാട് |
| വിഭാഗങ്ങൾ | ഭാരതീയ ശാസ്ത്രീയസംഗീതം |
| തൊഴിൽ(കൾ) | ഹരികഥ വ്യാഖ്യാതാവ് |
വിശാഖ ഹരി ഒരു കർണാടക സംഗീത ഗായികയും ഹരികഥയുടെ വക്താവുമാണ്. കഥാകലാക്ഷേപത്തിന്റെ കഥാകാരി എന്നുമറിയപ്പെടുന്നു.
ജീവിതരേഖ[തിരുത്തുക]
വിശാഖ ഹരി ലാൽഗുഡി ജയരാമന്റെ കീഴിൽ കർണാടക സംഗീതം പഠിച്ചിട്ടുണ്ട്. അവരുടെ ആത്മീയ ഗുരു അവരുടെ ഭർത്താവിന്റെ പിതാവായ ശ്രീ ശ്രീകൃഷ്ണ പ്രേമി സ്വാമികൾ (ശ്രീ ശ്രീ അന്ന) ആണ്.[1][2]തമിഴ്, ഇംഗ്ലീഷ്, ഹിന്ദി ഭാഷകളിൽ പ്രഭാഷണങ്ങൾ നടത്തുന്ന പരിചയസമ്പന്നനായ ഹരികഥ വ്യാഖ്യാതാവായ ഭർത്താവ് ഹരിയിൽ നിന്നാണ് അവർ ഹരികഥയുടെ കല പഠിച്ചത്.
സംഗീത ജീവിതം[തിരുത്തുക]
വിശാഖ ഹരി 2006 മുതൽ ചെന്നൈ സംഗീത സീസണിൽ നിരവധി സഭകളിൽ അവതരിപ്പിച്ചിട്ടുണ്ട്. വിശാഖ ഹരി ഇടയ്ക്കിടെ ഭർത്താവ് ഹരിയോടൊപ്പം തന്റെ ഇംഗ്ലീഷ് സാഹിത്യ പശ്ചാത്തലം ഉപയോഗിച്ച് കഥാകാലക്ഷേപം അവതരിപ്പിക്കുന്നു. അവരുടെ സഹോദരനും ലാൽഗുഡി ജയരാമന്റെ ശിഷ്യനുമായ സകേതരാമൻ ഇന്ത്യയിലെ പ്രമുഖ കർണാടക സംഗീതജ്ഞരിൽ ഒരാളാണ്. ഓൾ ഇന്ത്യ റേഡിയോയിലെ കലാകാരിയായ അവർ വിദേശത്ത് പ്രഭാഷണങ്ങളും സംഗീതകച്ചേരികളും നടത്തുന്നു.
പ്രമുഖ നർത്തകി പ്രൊഫസർ സുധരണി രഘുപതിയിൽ നിന്ന് വിശാഖ ഹരി ഭരത നാട്യം പഠിച്ചു.[2]ശ്രീമദ് രാമായണം, ശ്രീമദ് ഭാഗവതം, സ്കന്ദപുരാണം എന്നിവ അടിസ്ഥാനമാക്കി വിശാഖ വിവിധ വിഷയങ്ങളിൽ ഹരികഥ അവതരിപ്പിക്കുന്നു.
സംഭാവനകൾ[തിരുത്തുക]
വിശാഖ ഹരി ഇന്ത്യൻ പാരമ്പര്യത്തിന്റെ നല്ല മൂല്യങ്ങളും ധർമ്മവും വരും തലമുറകൾക്ക് കൈമാറാൻ സമർപ്പിക്കുന്നു. 2020 ഫെബ്രുവരിയിൽ അവർ ഹരികഥ തങ്ങളുടെ തൊഴിലധിഷ്ഠിത വിഷയമായി പിന്തുടരാൻ വിദ്യാർത്ഥികളെ പ്രചോദിപ്പിക്കുന്നതിനായി വിജയശ്രീ സ്കൂൾ ഓഫ് ഹരികഥ സ്ഥാപിച്ചു.[3]
വസന്ത മെമ്മോറിയൽ കാൻസർ സെന്റർ, ഡൗൺ സിൻഡ്രോം ബാധിച്ച പ്രത്യേക കുട്ടികൾ, മാനസിക വൈകല്യമുള്ള രോഗികൾ, ഹൃദ്രോഗികൾ, നാരായണ ഹ്രുദയാലയത്തിലെ അഗതികൾ, അനാഥർ, സായി സംസ്കൃതാലയ, പ്രത്യാർപ്പണ ഫൗണ്ടേഷൻ, ഡൽഹിയിലെ രാമക്ഷേത്രം എന്നിവിടങ്ങളിലെ കാൻസർ രോഗികൾ ഉൾപ്പെടെ വിവിധ ചാരിറ്റികൾക്കായി അവർ ധനസമാഹരണം നടത്തി. [4]
അവലംബം[തിരുത്തുക]
- ↑ "The raconteur's raga". 23 May 2008. Retrieved 29 July 2018 – via www.thehindu.com.
- ↑ 2.0 2.1 "From commerce to katha". The Hindu (in ഇംഗ്ലീഷ്). Retrieved 2017-03-30.
- ↑ "'Harikatha is a way of life'". The New Indian Express. Retrieved 2022-03-25.
- ↑ "Vishaka Hari – Harikatha (English)" (in അമേരിക്കൻ ഇംഗ്ലീഷ്). Retrieved 2022-03-28.[പ്രവർത്തിക്കാത്ത കണ്ണി]