വിക്രമൻ നായർ
വിക്രമൻ നായർ | |
|---|---|
 വിക്രമൻ നായർ | |
| ജനനം | വിക്രമൻ നായർ |
| ദേശീയത | ഇന്ത്യൻ |
| തൊഴിൽ | പത്രപ്രവർത്തകൻ, വിവർത്തകൻ |
| അറിയപ്പെടുന്നത് | നക്‌സൽബാരിയുടെ നാല് മുഖങ്ങൾ' എന്ന ലേഖന പരമ്പര |
അറിയപ്പെടുന്ന കൃതി | പശ്ചിം ദിഗന്തേ പ്രദോഷ് കാലേ |
പ്രശസ്ത ബംഗാളി പത്രപ്രവർത്തകനും ഗദ്യകാരനുമായിരുന്ന മലയാളിയായിരുന്നു ആലപ്പുഴ ജില്ലയിലെ അരൂക്കുറ്റി സ്വദേശിയായ വിക്രമൻനായർ.[1] ആനന്ദബസാർ പത്രികയുടെ ദക്ഷിണേന്ത്യൻ ലേഖകനായിരുന്നു. നവീന ബംഗാളിഭാഷയിലെ ശ്രദ്ധേയനായ ഒരു ശൈലീകാരനാണെന്ന് സുനിൽ ഗാംഗുലി വിക്രമൻ നായരെ വിശേഷിപ്പിച്ചിട്ടുണ്ട്.[2]
ജീവിത രേഖ
[തിരുത്തുക]ആലപ്പുഴ അരുക്കുറ്റി ശങ്കർനിവാസിൽ ഗോപാലന്റെയും പൊന്നമ്മയുടെയും മകനായി ജനിച്ചു. എറണാകുളം മഹാരാജാസ് കോളേജിൽ നിന്ന് ഇന്റർമീഡിയറ്റ് പാസ്സായി.1957 ൽ വിശ്വഭാരതിയിൽ വിദ്യാർത്ഥിയായി ബംഗാളി ജീവിതം ആരംഭിച്ചു.സ്വർണ്ണ മെഡലോടെ ബി.എ പാസ്സായ വിക്രമൻ നായർ കുറച്ചു കാലം അസമിലും അധ്യാപകനായിരുന്നു.പിന്നീട് മുഴുവൻ സമയ പത്രപ്രവർത്തകനായി.
68ാം വയസ്സിൽ-2004 മെയ് 31ന് -അന്തരിച്ചു.
പ്രവർത്തന വഴികൾ
[തിരുത്തുക]ആനന്ദ ബസാർ ഗ്രൂപ്പിലെ ഇംഗ്ലീഷ് പത്രമായ ഹിന്ദുസ്ഥാൻ സ്റ്റാൻഡേർഡിലായിരുന്നു പത്രപ്രവർത്തന ജീവിതത്തിന്റെ തുടക്കം. പിന്നീട് ബംഗാളി പത്രത്തിലേയ്ക്ക് മാറി. ആനന്ദബസാർ പത്രികയുടെ ദക്ഷിണേന്ത്യൻ ലേഖകനായി ചെന്നൈയിലും പ്രവർത്തിച്ചിട്ടുണ്ട്. നക്‌സൽബാരി കലാപം കഴിഞ്ഞ് ഒന്നര പതിറ്റാണ്ടിനുശേഷം ആ ഗ്രാമങ്ങളിൽ ചെന്ന് തയ്യാറാക്കിയ 'നക്‌സൽബാരിയുടെ നാല് മുഖങ്ങൾ' എന്ന ലേഖന പരമ്പര ഏറെ ശ്രദ്ധിക്കപ്പെട്ടിരുന്നു.[2]
സാഹിത്യ ജീവിതം
[തിരുത്തുക]എൻ. വി കൃഷ്ണവാരിയരുടെ കവിതകളും, എം. സുകുമാരന്റെ കഥകളും ബംഗാളി ഭാഷയിലേയ്ക്കു വിവർത്തനം ചെയ്തത് ഇദ്ദേഹമാണ്. ബംഗാളി ഭാഷയിലെ ഏറ്റവും മികച്ചചില സഞ്ചാര സാഹിത്യകൃതികളുടെ രചയിതാവു കൂടിയാണ് വിക്രമൻ നായർ. [3] [4]യൂറോപ്പിന്റെ ഭൂത വർത്തമാനങ്ങളിലൂടെയുള്ള സഞ്ചാരമായ പശ്ചിം ദിഗന്തെ പ്രദോഷ് കാലെ മലയാളത്തിലാക്കിയിട്ടുണ്ട്. സുനിൽ ഗാംഗുലിയുടെ ആദ്യ നോവൽ - ആത്മപ്രകാശനം - മലയാളത്തിൽ വിവർത്തനം ചെയ്തിരുന്നു
രചനകൾ
[തിരുത്തുക]- പശ്ചിം ദിഗന്തേ പ്രദോഷ് കാലേ.(പശ്ചിമ ചക്രവാളത്തിൽ സന്ധ്യാനേരത്ത്) - യാത്രാ വിവരണം
- ദുയ് യുറോപ്പേർ ദിൻലിപി' (രണ്ട് യൂറോപ്പുകളിലെ ദിനസരിക്കുറിപ്പ്) - യാത്രാ വിവരണം
അവലംബം
[തിരുത്തുക]- ↑ "വിക്രമൻ നായർ". keralamediaacademy. August 28, 2020. Retrieved August 28, 2020.
- ↑ 2.0 2.1 "ഒരു സഞ്ചാരിയുടെ ചിന്താഭ്രമണം". മാതൃഭൂമി. September 30, 2011. Retrieved ഓഗസ്റ്റ് 28, 2020.[പ്രവർത്തിക്കാത്ത കണ്ണി]
- ↑ ""പശ്ചിം ദിഗന്തേ പ്രദോഷ് കാലേ-മാതൃഭൂമി ബുക്സ്""->ISBN 81-8264-139-X ME-II/2000/2008
- ↑ സഖാവ് നായർദാ-കെ.എൻ.രാമചന്ദ്രൻ (അനുസ്മരണം)മാതൃഭൂമി ആഴ്ചപ്പതിപ്പ്(ജൂൺ 13-19) 2004, പേജ് 44