ഉല്ലാസ്കർ ദത്ത

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Ullaskar Dutta എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search


ഉല്ലാസ്കർ ദത്ത ( ബംഗാളി : উল্লাসকর দত্ত ) (16 ഏപ്രിൽ 1885 - 17 മെയ് 1965) ബ്രിട്ടീഷ് കൊളോണിയൽ ഉദ്യോഗസ്ഥർക്കെതിരെ ഉപയോഗിക്കാനായി ഉദ്ദേശിച്ച ബോംബുകൾ നിർമ്മിച്ച ഒരു ബംഗാളി ഇന്ത്യൻ വിപ്ലവകാരിയായിരുന്നു.

ആദ്യകാലം[തിരുത്തുക]

ഒരു ബൈദ്യ കുടുംബത്തിൽ ഇന്നത്തെ ബംഗ്ലാദേശിലെ ബ്രഹ്മബാരിയാ ജില്ലയിൽ കാലികച്ച ഗ്രാമത്തിൽ ഉല്ലാസ്കർ ജനിച്ചു. പിതാവ് ദ്വിജദാസ് ദത്തഗുപ്ത ബ്രാഹ്മ സമാജത്തിലെ അംഗമായിരുന്നു . ലണ്ടൻ യൂണിവേഴ്സിറ്റിയിൽ കൃഷിയിൽ ബിരുദവും ഉണ്ടായിരുന്നു. 1903- ൽ പ്രവേശന പരീക്ഷ പാസായശേഷം അദ്ദേഹം കൊൽക്കത്ത പ്രസിഡന്റ് കോളജിൽ പ്രവേശിച്ചു. എന്നാൽ ബംഗാളിയെക്കുറിച്ച് ചില അപമാനകരമായ അഭിപ്രായം രേഖപ്പെടുത്തിയ ബ്രിട്ടീഷ് പ്രൊഫസർ റസ്സലിനെ തല്ലിച്ചതച്ചതിന് അദ്ദേഹത്തെ കോളേജിൽ നിന്ന് റസ്റ്റിക്കേഷൻ ചെയ്തു.

വിപ്ലവ പ്രവർത്തനങ്ങൾ[തിരുത്തുക]

യുഗാന്തർ ‎പാർട്ടിയിൽ അംഗമായിരുന്ന അദ്ദേഹം ബോംബ് നിർമ്മാണത്തിൽ വിദഗ്ദ്ധനായിരുന്നു. കിഡ്സ്ഫോർഡിലെ ക്രൂര മജിസ്ട്രേറ്റിനെ കൊല്ലാനുള്ള ശ്രമത്തിൽ ഉല്ലാസ്കറും ഹേം ചന്ദ്ര ദാസും[1] നിർമ്മിച്ച ബോംബ് ഖുദ്റാം ബോസ് ആണ് ഉപയോഗിച്ചത്. എന്നാൽ, ജുഗന്തർ ഗ്രൂപ്പിലെ പല അംഗങ്ങളെയും ഉല്ലാസ്കർ ദത്ത, ബരീന്ദ്ര കുമാർ ഘോഷ് , ഖുദിരം എന്നിവരെ പിടികൂടി.

വിചാരണയും ശിക്ഷയും[തിരുത്തുക]

പ്രസിദ്ധമായ അലിപ്പോർ ബോംബ് കേസിൽ 1908 മേയ് 2-ന് ഉല്ലാസ്കറിനെ അറസ്റ്റ് ചെയ്യുകയും 1909-ൽ തൂക്കിക്കൊല്ലാൻ വിധിക്കുകയും ചെയ്തു. പിന്നീട് അപ്പീൽ വഴി ജീവപര്യന്തം തടവിന് ശിക്ഷിക്കപ്പെട്ടു. ആൻഡമാനിലെ സെല്ലുലാർ ജയിലിലേക്ക് നാടുകടത്തുകയും ചെയ്തു.

സെല്ലുലാർ ജയിൽ[തിരുത്തുക]

ഉല്ലാസ്കറിന് സെല്ലുലാർ ജയിലിൽ ക്രൂരമായ പീഡനത്തിന് വിധേയനാകുകയും അദ്ദേഹത്തിന്റെ മാനസിക ബാലൻസ് നഷ്ടപ്പെടുകയും ചെയ്തു. 1920 -ൽ അദ്ദേഹം സ്വതന്ത്രനായി. കൊൽക്കത്തയിലേക്ക് തിരിച്ചു.

പിന്നീടുള്ള ജീവിതം[തിരുത്തുക]

ഉല്ലാസ്കർ 1931-ൽ വീണ്ടും അറസ്റ്റിലാവുകയും 18 മാസം തടവിനു ശിക്ഷിക്കുകയും ചെയ്തു. 1947- ൽ കൊളോണിയൽ ഭരണം അവസാനിച്ചപ്പോൾ അദ്ദേഹം തന്റെ സ്വന്തം ഗ്രാമമായ കാളിക്കച്ചായിലേക്ക് മടങ്ങി. പത്തു വർഷത്തെ ഏകാന്തജീവിതത്തിനുശേഷം 1957- ൽ കൊൽക്കത്തയിൽ തിരിച്ചെത്തിയതിനു ശേഷം അദ്ദേഹം ശാരീരിക വൈകല്യമുള്ള ഒരു സ്ത്രീയെ വിവാഹം കഴിച്ചു. ആസാമിൽ താമസിക്കുകയും പിൽക്കാലജീവിതം അവിടെ ചെലവഴിക്കുകയും ചെയ്തു. 1965 മേയ് 17-ന് അദ്ദേഹം മരിച്ചു. .[2] അടുത്തിടെ കൊൽക്കത്തയിലും സിൽച്ചാറിലെ രണ്ടു റോഡുകളിലും അദ്ദേഹത്തിന്റെ പേര് നൽകിയിട്ടുണ്ട്.

കൃതികൾ[തിരുത്തുക]

  • Dvipantarer Katha (The Tale of Deportation)
  • അമർ കറാജിബാൻ (മൈ പ്രിസൺ ലൈഫ്) (- ട്വൽവ് ഈയർസ് ഓഫ് പ്രിസൺ ലൈഫ് ഇൻ 1924 എന്ന് ഇംഗ്ലീഷിലേക്ക് വിവർത്തനം ചെയ്തു).

അവലംബം[തിരുത്തുക]

ബാഹ്യ ലിങ്കുകൾ[തിരുത്തുക]

  • Litu, Shekh Muhammad Sayed Ullah (2012). "Datta, Ullaskar". എന്നതിൽ Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
  • Cellular jail website
"https://ml.wikipedia.org/w/index.php?title=ഉല്ലാസ്കർ_ദത്ത&oldid=3085713" എന്ന താളിൽനിന്ന് ശേഖരിച്ചത്