ടണലിങ് (കംപ്യൂട്ടർ നെറ്റ് വർക്ക്)

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Tunneling (Computer network) എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

ഒരു കംപ്യൂട്ടർ നെറ്റ് വർക്ക് പ്രോട്ടൊകോളിനുള്ളിൽ മറ്റൊരു നെറ്റ് വർക്ക് പ്രോട്ടൊകോൾ ഉൾക്കൊള്ളിക്കുവാനോ ഉൾക്കൊള്ളിച്ചതിനെ വേർതിരിക്കുവാനോ (encapsulating/de-encapsulating) ഉള്ള സംവിധാനം. സന്ദേശം, സിഗ്നലുകൾ മുതലായവയെ വ്യത്യസ്ത കംപ്യൂട്ടർ നെറ്റ്‌വർക്കുകളിലൂടെയോ സിസ്റ്റങ്ങളിലൂടെയോ കൈമാറ്റം ചെയ്യാൻ ടണലിങ് സഹായിക്കുന്നു.

നെറ്റ് വർക്കിന്റെ ഘടനയ്ക്കനുസൃതമായി വിവിധ രീതിയിലാണ് ഓരോ നെറ്റ്‌വർക്കിലും ടണലിങ് പ്രാവർത്തികമാക്കുന്നത്. ഉദാഹരണമായി, ആപ്പിൾ ടാക്കിൽ (Apple Talk) ആപ്പിൾ ടാക്ക് അപ്ഡേറ്റ്-റൂട്ടിങ് പ്രോട്ടൊകോൾ (AURP) ഉള്ള ഒരു റൂട്ടർ ടണലിങ്ങിലൂടെ ആപ്പിൾ ടാക്ക് പാക്കറ്റുകളെ ടിസിപി/ഐപി പാക്കറ്റുകൾക്കുള്ളിൽ ആക്കിയശേഷം ടിസിപി/ഐപി വഴി AURP ഉള്ള മറ്റൊരു റൂട്ടറിലേക്ക് പ്രേഷണം ചെയ്യുന്നു. പ്രസ്തുത റൂട്ടർ, ഐപി, AURP ഹെഡ്ഡറുകളെ നീക്കം ചെയ്തശേഷം, പാക്കറ്റുകളെ അവയുടെ യഥാർഥ വിലാസത്തിലേക്കയയ്ക്കുന്നു. നെറ്റ്‌വെയറുടെ ഇന്റർനെറ്റ് വർക്ക് പാക്കറ്റ് എക്സ്ചേഞ്ച് (IPX) പ്രോട്ടൊകോളിൽ ഐപി ടണൽ/ഐപി റിലെ ഡ്രൈവർ പ്രവർത്തിക്കുന്ന ഒരു റൂട്ടർ IPX പാക്കറ്റുകളെ ടണലിങ്ങിലൂടെ യു.ഡി.പി./ഐ.പി. (യൂസർ-ഡേറ്റാഗ്രാം പ്രോട്ടൊകോൾ/ഇന്റർനെറ്റ് പ്രോട്ടൊകോൾ) പാക്കറ്റുകളിൽ ഉള്ളടക്കം ചെയ്ത് ഐ.പി. ടണൽ/ഐ.പി. റിലെ പ്രവർത്തിക്കുന്ന മറ്റൊരു നെറ്റ് വർക്കിലേക്ക് ടി.സി.പി/ഐ.പി. വഴി അയച്ചു കൊടുക്കുന്നു. തുടർന്ന് രണ്ടാമത്തെ റൂട്ടർ ഐപി, യു.ഡി.പി. ഹെഡ്ഡറുകൾ നീക്കം ചെയ്ത് പാക്കറ്റുകളെ അവയുടെ യഥാർഥ ലക്ഷ്യസ്ഥാനത്തേക്കയയ്ക്കുന്നു.

അവലംബം[തിരുത്തുക]

അധിക വായനക്ക്[തിരുത്തുക]

പുറം കണ്ണികൾ[തിരുത്തുക]

Heckert GNU white.svgകടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടണലിങ് (കംപ്യൂട്ടർ നെറ്റ് വർക്ക്) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.