തോപ്പിൽ കടവ്

ഇംഗ്ലീഷ് വിലാസം

https://ml.wikipedia.org/wiki/Thoppilkadavu

തോപ്പിൽ കടവ് Thoppilkkadavu
പട്ടണം
തോപ്പിൽ കടവിലെ കെട്ടിടങ്ങൾ
തോപ്പിൽ കടവ് കേരളത്തിലെ സ്ഥാനം
Coordinates: 8.895434°N 76.572558°E / 8.895434; 76.572558
രാജ്യം	ഇന്ത്യ
സംസ്ഥാനം	കേരളം
ജില്ല	കൊല്ലം
നഗരം	കൊല്ലം
ഭരണസമ്പ്രദായം
• ഭരണസമിതി	കൊല്ലം കോർപ്പറേഷൻ
ഭാഷകൾ
• ഔദ്യോഗിക ഭാഷകൾ	മലയാളം, ഇംഗ്ലീഷ്
സമയമേഖല	UTC+5:30 (IST)
PIN	691008
വാഹന റെജിസ്ട്രേഷൻ	KL-02
ലോക്സഭ മണ്ഡലം	കൊല്ലം
ഭരണച്ചുമതല	കൊല്ലം കോർപ്പറേഷൻ
ശരാശരി ഉഷ്ണകാല താപനില	34 °C (93 °F)
ശരാശരി ശൈത്യകാല താപനില	22 °C (72 °F)
വെബ്സൈറ്റ്	http://www.kollam.nic.in

കേരളത്തിൽ കൊല്ലം ജില്ലയിലുള്ള ഒരു പ്രദേശമാണ് തോപ്പിൽ കടവ്. അഷ്ടമുടിക്കായലിന്റെ തീരത്തുള്ള ഈ പ്രദേശം ഒരു വിനോദസഞ്ചാരകേന്ദ്രം കൂടിയാണ്. പോളയത്തോടിനു സമീപം കപ്പലണ്ടി മുക്കിൽ നിന്നാരംഭിക്കുന്ന ആശ്രാമം ലിങ്ക് റോഡ് തോപ്പിൽ കടവു വരെ ദീർഘിപ്പിക്കാൻ പദ്ധതിയുണ്ട്.

പ്രാധാന്യം

കൊല്ലം ജില്ലയിൽ വികസനത്തിന്റെ പാതയിൽ മുന്നേറിക്കൊണ്ടിരിക്കുന്ന ഒരു വിനോദസഞ്ചാരകേന്ദ്രമാണ് തോപ്പില്കടവ്. അഷ്ടമുടിക്കായലിന്റെ സാന്നിദ്ധ്യം ഈ പ്രദേശത്തിന്റെ പ്രാധാന്യം വർദ്ധിപ്പിക്കുന്നു. ഇൻലാൻഡ് വാട്ടർവെയ്സ് അതോറിറ്റി ഓഫ് ഇന്ത്യ ഇവിടെ ഒരു ബോട്ട് യാർഡ് നിർമ്മിച്ചിട്ടുണ്ട്. ദേശീയ ജലപാത 3-ന്റെ നിർമ്മാണം പൂർത്തിയാകുന്നതോടെ തോപ്പിൽ കടവിൽ നിന്നും കേരളത്തിന്റെ വിവിധ ഭാഗങ്ങളിലേക്ക് ബോട്ട് സർവീസ് ആരംഭിക്കും. കപ്പലണ്ടി മുക്കിൽ നിന്നാരംഭിച്ച് കെ.എസ്.ആർ.ടി.സി. ബസ് സ്റ്റാൻഡിൽ അവസാനിക്കുന്ന ആശ്രാമം ലിങ്ക് റോഡ് തോപ്പിൽകടവ് വരെ ദീർഘിപ്പിക്കുന്ന പദ്ധതി പുരോഗമിക്കുന്നു. ഈ പാതയിൽ അഷ്ടമുടിക്കായലിന്റെയും കൊല്ലം കനാലിന്റെയും സംഗമസ്ഥാനത്ത് ഒരു പാലവും നിർമ്മിക്കുന്നുണ്ട്. പണി പൂർത്തിയാകുന്നതോടെ തോപ്പിൽകടവിലേക്ക് കൂടുതൽ സന്ദർശകരെത്തുമെന്ന് പ്രതീക്ഷിക്കുന്നു. കൊല്ലത്തെ ആർട്ട് ഓഫ് ലിവിങ് സെന്റർ തോപ്പിൽ കടവിലാണ് സ്ഥിതിചെയ്യുന്നത്.

എത്തിച്ചേരുവാൻ

• കൊല്ലം റെയിൽവേസ്റ്റേഷൻ - 5.2 കി.മീ.
• ആണ്ടാമുക്കം സിറ്റി ബസ് സ്റ്റാൻഡ് - 4.3 കി.മീ.
• കെ.എസ്.ആർ.ടി.സി. ബസ് സ്റ്റേഷൻ, കൊല്ലം - 1.7 കി.മീ.
• കൊല്ലം തുറമുഖം - 2.2 കി.മീ.
• ചിന്നക്കട - 3.2 കി.മീ.
• പരവൂർ - 26 കി.മീ.