ടി. സുധാകരൻ

ഇംഗ്ലീഷ് വിലാസം

https://ml.wikipedia.org/wiki/T._Sudhakaran

ടി. സുധാകരൻ
തൊഴിൽ	നടൻ
സജീവ കാലം	1990 മുതൽ 2015

മലയാളത്തിലെ ചലച്ചിത്ര-നാടക നടനാണ് ടി. സുധാകരൻ. തട്ടാലത്ത് സുധാകരൻ എന്നാണ് മുഴുവൻ പേര്.

ജീവിത രേഖ

1943-ലാണ് ജനണം. പ്രഭാതസവാരിക്കിടെ ബൈക്കിടിച്ച് പരിക്കേറ്റ് ചികിത്സയിലായിരുന്ന സുധാകരൻ 2016 ജനുവരി 04-ന് മരിച്ചു.

1957-ൽ സ്കൂൾ സാഹിത്യസമാജത്തിലൂടെയാണ് ആദ്യമായി അരങ്ങിലെത്തിയത്. 1998–ൽ വയനാട് ഡെപ്യൂട്ടി കലക്ടറായി ഔദ്യോഗിക ജീവിതത്തിൽ നിന്ന് വിരമിച്ചശേഷം കലാപ്രവർത്തനത്തിൽ സജീവമായി.

കോഴിക്കോടൻ നാടകവേദികളിൽ അരനൂറ്റാണ്ടോളം നിറസാന്നിധ്യമായിരുന്നു ടി. സുധാകരൻ അമ്പതോളം സിനിമകളിലും അമച്വർ–പ്രൊഫഷണൽ ഉൾപ്പെടെ അഞ്ഞൂറോളം നാടകങ്ങളിലും അഭിനയിച്ചു.

അഭിനയിച്ച നാടകങ്ങൾ

• വൃദ്ധവൃക്ഷം (സംവിധാനം - എ. ശാന്തകുമാർ) - സുധാകരൻ അവസാനമായി അഭിനയിച്ച നാടകം
• ഈ എട്ടത്തി നുണയേ പറയൂ (സംവിധാനം - അക്കിത്തം)
• കലിംഗ (സംവിധാനം - കെ.ടി. മുഹമ്മദ്)
• ദീപസ്തംഭം മഹാശ്ചര്യം
• സൃഷ്ടി
• നാൽക്കവല
• കാഫർ
• അച്ഛനും ബാപ്പയും

നാടകസംഘങ്ങൾ

• 1969-ൽ കെ. ആർ. മോഹൻദാസുമായി ചേർന്ന് "അണിയറ" എന്ന നാടകസംഘം രൂപികരിച്ചു.
• ജി. ശങ്കരപ്പിള്ള, പി. കെ. വേണുക്കുട്ടൻ നായർ, കെ. എം. ആർ. തുടങ്ങിയവരുമായി ചേർന്ന് "അരങ്ങ്" എന്ന നാടകസംഘം രൂപികരിച്ചു
• കെ. ടി. രവിയുമായി ചേർന്ന് പുതിയപാലം കേന്ദ്രമാക്കി "ചെന്താമര തിയറ്റേഴ്സ്" എന്ന നാടസംഘം രൂപികരിച്ചു.

സിനിമകൾ - വർഷം

• ഐൻ - 2015
• പഞ്ചലോഹം - 1998
• സാമൂഹ്യപാഠം - 1996
• നീലഗിരി - 1991
• ഈ തണുത്ത വെളുപ്പാൻ കാലത്ത് - 1990
• ഇന്ത്യൻ റുപ്പി
• നിഴൽക്കുത്ത്
• വിധേയൻ
• ഭരതം
• ഗുൽമോഹർ
• ജോർജ്കുട്ടി കെയർ ഓഫ് ജോർജ്കുട്ടി
• പട്ടാഭിഷേകം
• സുദിനം
• പ്രദക്ഷിണം
• ആകാശത്തൊരു കിളിവാതിൽ
• പിൻഗാമി
• ഹൃദയത്തിൽ നീ മാത്രം
• വാരിക്കുഴി

അവാർഡുകൾ

• മികച്ച നടനുള്ള കേരള സംഗീത നാടക അക്കാദമി പുരസ്കാരം. - ഡോ. ഇന്ദുകുമാർ രചനയും കെ. ആർ. മോഹൻദാസ് സംവിധാനവും ചെയ്ത "പുനർജനിയിലെ യുവാവാണ്" എന്ന നാടകത്തിലെ അഭിനയത്തിനാണ് അവാർഡ്.
• 1964–ലാണ് സുധാകരനെ തേടി ആദ്യ അംഗീകാരമെത്തിയത്. കുതിരവട്ടം പപ്പു ഒരുക്കിയ 'ചിരി അഥവാ കുറ്റിച്ചൂൽ' എന്ന നാടകത്തിലെ അഭിനയത്തിന് മികച്ച ഹാസ്യനടനുള്ള പുരസ്കാരം ലഭിച്ചു.
• കോഴിക്കോട് കോർപറേഷൻ നടത്തിയ നാടകമത്സരങ്ങളിൽ മികച്ച നടനുള്ള ബഹുമതി പലതവണ ലഭിച്ചിട്ടുണ്ട്.

കുടുംബം

ഭാര്യ: സൂര്യപ്രഭ, മകൻ - സുധീഷ് സിനിമ നടനാണ്.