സൺ-ഡ്രൈഡ് ടുമാറ്റോ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Sun-dried tomato എന്ന താളിൽ നിന്നും തിരിച്ചുവിട്ടതു പ്രകാരം)
Sun-dried tomatoes

സൂര്യന്റെ ചൂടിൽ ജലത്തിന്റെ ഭൂരിഭാഗവും നഷ്ടപ്പെട്ട് ഉണങ്ങിയ പഴുത്ത തക്കാളികളാണ് സൺ-ഡ്രൈഡ് ടുമാറ്റോ. സാധാരണയായി സൾഫർ ഡൈ ഓക്സൈഡ് അല്ലെങ്കിൽ ഉപ്പ് സൂര്യനിൽ വയ്ക്കുന്നതിന് മുമ്പ് ഗുണം വർദ്ധിപ്പിക്കാനായി ഈ തക്കാളികളിൽ ഉണക്കിയെടുക്കുന്നതിനുമുമ്പ് ചേർക്കുന്നു.[1]സാധാരണഗതിയിൽ, തക്കാളി 4-10 ദിവസം സൂര്യന്റെ ചൂടിൽ ഉണക്കുന്ന പ്രക്രിയ പൂർത്തിയാകുന്നതിന് വേണ്ടി സൂക്ഷിക്കുന്നു.[2] ചെറി തക്കാളിക്ക് അവയുടെ പ്രാരംഭ (പുതിയ) ഭാരം 88% നഷ്ടപ്പെടുന്നു. അതേസമയം വലിയ തക്കാളിക്ക് 93% വരെ നഷ്ടപ്പെടും. തൽഫലമായി, ഒരു കിലോഗ്രാം സൺ-ഡ്രൈഡ് ടുമാറ്റോ ഉണ്ടാക്കാൻ 8 മുതൽ 14 കിലോഗ്രാം വരെ പുതിയ തക്കാളി ആവശ്യമായി വരുന്നു.

നടപടിക്രമത്തിനുശേഷം, തക്കാളി പഴങ്ങൾ അവയുടെ പോഷകമൂല്യം നിലനിർത്തുന്നു. ലൈക്കോപീൻ, ആന്റിഓക്‌സിഡന്റുകൾ, വിറ്റാമിൻ സി എന്നിവ തക്കാളിയിൽ കൂടുതലായി കാണപ്പെടുന്നു. അന്തിമ ഉൽ‌പ്പന്നങ്ങളിൽ‌ 2–6% വരെ ഉപ്പ് അടങ്ങിയിരിക്കാം, മാത്രമല്ല ഇത് ദിവസേന കഴിക്കുന്നതിൽ‌ നിന്ന് ഉപ്പിന്റെ ഒരു പ്രധാന സംഭാവന ശരീരത്തിന് നൽകുകയും ചെയ്യുന്നു. സൺ-ഡ്രൈഡ് ടുമാറ്റോ വിവിധ ആകൃതികളിൽ, നിറങ്ങളിൽ വൈവിധ്യമാർന്ന പാചകത്തിൽ ഉപയോഗിക്കാം.[3] പരമ്പരാഗതമായി, ഉണങ്ങിയ ചുവന്ന പ്ലം തക്കാളിയിൽ നിന്നാണ് ഇവ നിർമ്മിക്കുന്നത്. പക്ഷേ അവ മഞ്ഞ ഇനങ്ങളിൽ നിന്നും വാങ്ങാം. സൺ-ഡ്രൈഡ് ടുമാറ്റോ പേസ്റ്റുകൾ അല്ലെങ്കിൽ പ്യൂരിസ് രൂപത്തിലും ലഭ്യമാണ്. റോസ്മേരി, തുളസി, ഉണക്കിയ പപ്രിക, വെളുത്തുള്ളി തുടങ്ങിയ ചേരുവകൾക്കൊപ്പം സൺ-ഡ്രൈഡ് ടുമാറ്റോ ഒലിവ് ഓയിലും സൂക്ഷിക്കാം.

ചരിത്രം[തിരുത്തുക]

തക്കാളി പഴം സംരക്ഷിക്കാൻ ആദ്യകാലങ്ങളിൽ ഉപ്പിട്ടു ഉണക്കി സൂക്ഷിച്ചിരുന്നു.[4]തക്കാളിയുടെ ഈർപ്പം മാറ്റാനായി ഉപ്പിടുകയും ബാഷ്പീകരിക്കുകയും ചെയ്യുന്നു (മിക്ക ഭക്ഷണങ്ങളിലെയും പോലെ) ഈ പ്രക്രിയയിലൂടെ അഴുകൽ പ്രക്രിയയിൽ ഗണ്യമായി കാലതാമസം വരുത്തുന്നു. പഴുത്ത തക്കാളി ഉണക്കുന്നതിലൂടെ, ഈ ഉൽ‌പ്പന്നങ്ങൾ‌ ആസ്വദിക്കാനും പുതിയ ഉൽ‌പ്പന്നങ്ങൾ‌ ലഭിക്കാൻ വളർത്താൻ‌ ബുദ്ധിമുട്ടുള്ളതോ അസാധ്യമോ ആയ ശൈത്യകാലത്ത്‌ വിലയേറിയ പോഷകാഹാരം നൽകാനും കഴിയുന്നു. സൺ-ഡ്രൈഡ് ടുമാറ്റോയുടെ യഥാർത്ഥ ഉത്ഭവം വ്യക്തമല്ല. ഇറ്റാലിയർ‌ അവരുടെ തക്കാളി വേനൽക്കാല വെയിലിൽ‌ സെറാമിക് മേൽക്കൂരയിൽ‌ ഉണക്കിയിരുന്നു.[4] 1980 കളുടെ അവസാനം മുതൽ 1990 കളുടെ ആരംഭം വരെ അമേരിക്കയിൽ സൺ-ഡ്രൈഡ് ടുമാറ്റോ ജനപ്രീതി നേടി. അവിടെ പലപ്പോഴും പാസ്ത വിഭവങ്ങളിലും സലാഡുകളിലും കാണപ്പെടുന്നു. 1990 കളുടെ അവസാനത്തിൽ അമിത ഉപയോഗത്തിലൂടെ ഇതിന്റെ ജനപ്രീതി നഷ്ടപ്പെടാൻ തുടങ്ങി.

അവലംബം[തിരുത്തുക]

  1. "Influence of Pre-drying Treatments on Quality and Safety of Sun-dried Tomatoes. Part I: Use of Steam Blanching, Boiling Brine Blanching, and Dips in Salt or Sodium Metabisulfite" (PDF). Archived from the original (PDF) on 2017-08-12. Retrieved 2019-08-28.
  2. "Our Sun Drying Process". Archived from the original on 2015-06-19. Retrieved 2019-08-28.
  3. "Sun or Oven Drying Tomatoes for Storage". Archived from the original on 2012-05-13. Retrieved 16 May 2012.
  4. 4.0 4.1 "Sun-Dried Tomato History". Archived from the original on 2017-04-13. Retrieved 2019-08-28.
"https://ml.wikipedia.org/w/index.php?title=സൺ-ഡ്രൈഡ്_ടുമാറ്റോ&oldid=3938192" എന്ന താളിൽനിന്ന് ശേഖരിച്ചത്