സുൽത്താൻ അലി കേഷ്ത്മന്ദ്
സുൽത്താൻ അലി കേഷ്ത്മന്ദ് | |
|---|---|
| അഫ്ഗാനിസ്താന്റെ 17-ആമത് പ്രധാനമന്ത്രി ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താന്റെ 6-ആമത് പ്രധാനമന്ത്രി | |
| ഓഫീസിൽ 1989 ഫെബ്രുവർ 21 – 1990 മേയ് 8 | |
| രാഷ്ട്രപതി | മുഹമ്മദ് നജീബുള്ള |
| മുൻഗാമി | മുഹമ്മദ് ഹസൻ ഷാർഖ് |
| പിൻഗാമി | ഫസൽ ഹഖ് ഖാലിഖ്യാർ |
| അഫ്ഗാനിസ്താന്റെ 15-ആമത് പ്രധാനമന്ത്രി ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താന്റെ 4-ആമത് പ്രധാനമന്ത്രി | |
| ഓഫീസിൽ 1981 ജൂൺ 11 – 1988 മേയ് 26 | |
| രാഷ്ട്രപതി | ബാബ്രക് കാർമാൽ ഹാജി മുഹമ്മദ് ചംകാനി |
| മുൻഗാമി | ബാബ്രക് കാർമാൽ |
| പിൻഗാമി | മുഹമ്മദ് ഹസൻ ഷാർഖ് |
| വ്യക്തിഗത വിവരങ്ങൾ | |
| ജനനം | മേയ് 22, 1935 കാബൂൾ, അഫ്ഗാനിസ്താൻ |
| രാഷ്ട്രീയ കക്ഷി | പി.ഡി.പി.എ. (പാർചം വിഭാഗം) |
1980-കളിൽ, രണ്ടു തവണ അഫ്ഗാനിസ്താന്റെ പ്രധാനമന്ത്രിയായിരുന്ന രാഷ്ട്രീയനേതാവാണ്, സുൽത്താൽ അലി കേഷ്ത്മന്ദ്. അഫ്ഗാൻ കമ്മ്യൂണിസ്റ്റ് കക്ഷിയായ പി.ഡി.പി.എയുടെ സ്ഥാപകനേതാവും, പാർട്ടിയുടെ പാർചം വിഭാഗാംഗവുമായിരുന്നു കേഷ്ത്മന്ദ്. അഫ്ഗാനിസ്താനിൽ സോവിയറ്റ് സൈനികാധിനിവേശത്തിന്റെ ആരംഭത്തിലാണ് പ്രസിഡണ്ട് ബാബ്രക് കാർമാലിനു കീഴിൽ 1981-ൽ ഇദ്ദേഹം ആദ്യമായി പ്രധാനമന്ത്രിയാകുന്നത്. പിന്നീട് പ്രസിഡണ്ട് നജീബുള്ളക്കു കീഴിൽ 1989-ൽ രണ്ടാംവട്ടവും പ്രധാനമന്ത്രിയായി.
അഫ്ഗാനിസ്താനിലെ ആദ്യ കമ്മ്യൂണിസ്റ്റ് പ്രസിഡണ്ടും, പാർട്ടിയിൽ കേഷ്ത്മന്ദിന്റെ എതിർപക്ഷമായ ഖൽഖ് വിഭാഗത്തിൽ ഉൾപ്പെട്ട, നൂർ മുഹമ്മദ് താരക്കിയുടെ ഭരണകാലത്ത് 1978 അവസാനം, കേഷ്ത്മന്ദ് തടവിലാകുകയും വധശിക്ഷക്ക് വിധിക്കപ്പെടുകയും ചെയ്തിരുന്നു. എന്നാൽ താരക്കിയുടെ പിൻ‌ഗാമിയായ ഹഫീസുള്ള അമീന്റെ ഭരണകാലത്ത്, 1979-ൽ ഈ വധശിക്ഷ 15 വർഷത്തെ തടവായി ഇളവുചെയ്തു. സോവിയറ്റ് അധിനിവേശത്തിനു ശേഷം പ്രസിഡണ്ട് ബാബ്രക് കാർമാലിനു കീഴിൽ ഉപപ്രധാനമന്ത്രി, ആസൂത്രണമന്ത്രി, പോളിറ്റ് ബ്യൂറോ അംഗം എന്നീ സ്ഥാനങ്ങളിൽ നിയമിക്കപ്പെട്ടു. പിന്നീട് 1981-ൽ ഇദ്ദേഹം പ്രധാനമന്ത്രിയായി. കുറേക്കാലത്തിനു ശേഷം, 1990-ൽ ഇദ്ദേഹം ആദ്യ വൈസ് പ്രസിഡണ്ടായും നിയമിക്കപ്പെട്ടിരുന്നു.
ഒരു ഹസാരയായിരുന്ന കേഷ്ത്മന്ദിനെ പ്രധാനനന്ത്രിസ്ഥാനത്തേക്ക് നിയമിച്ചത്, മാർക്സിസ്റ്റ് സർക്കാരിനെതിരെ പഷ്തൂണുകളുടെ രോഷം വർദ്ധിപ്പിക്കാൻ ഇടയാക്കിയിരുന്നു. കമ്മ്യൂണിസ്റ്റ് ഭരണത്തിന്റെ അന്ത്യത്തോടെ ഇദേഹം ഇംഗ്ലണ്ടിലേക്ക് പലായനം ചെയ്തു.[1]
അവലംബം[തിരുത്തുക]
- ↑ Vogelsang, Willem (2002). "19-The Years of Communism". The Afghans. LONDON: Willey-Blackwell, John Willey & SOns, Ltd, UK. pp. 308–309. ISBN 978-1-4051-8243-0.
{{cite book}}: Cite has empty unknown parameter:|coauthors=(help)