സെന്റ് പീറ്റേഴ്സ് ആന്റ് സെന്റ് പോൾസ് ചർച്ച്, ഷൈന്റൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(St. Peter and Paul's Church, Sheinton എന്ന താളിൽ നിന്നും തിരിച്ചുവിട്ടതു പ്രകാരം)
സെന്റ് പീറ്റേഴ്സ് ആന്റ് സെന്റ് പോൾസ് ചർച്ച്, ഷൈന്റൻ

സെന്റ് പീറ്റേഴ്സ് ആന്റ് സെന്റ് പോൾസ് ചർച്ച്, ഷൈന്റൻ

14-ാം നൂറ്റാണ്ടിൽ യുണൈറ്റഡ് കിംഗ്ഡത്തിൽ നിർമ്മിക്കപ്പെട്ട ഒരു ആംഗ്ലിക്കൻ പള്ളിയാണ് സെന്റ് പീറ്റേഴ്സ് ആന്റ് സെന്റ് പോൾസ് ചർച്ച്. യു.കെ.യിലെ ടെൽഫോർഡിന് തൊട്ടടുത്തും ഷ്രോപ്പ്ഷയറിനകത്തും ഉള്ള ഒരു ചെറിയ ഗ്രാമവും സിവിൽ ഇടവകയുമാണ് ഷെന്റൺ. ഇവിടെയാണ് ഈ പള്ളി സ്ഥിതി ചെയ്യുന്നത്. മലയാളം അച്ചടിയുടെ പിതാവായി അറിയപ്പെടുന്ന ഇംഗ്ലീഷുകാരനായ ബെഞ്ചമിൻ ബെയ്‌ലിയെ ഇവിടെയാണ് സംസ്കരിച്ചിരിക്കുന്നത്. ഷൈന്റനിലെ ഈ പള്ളിയിൽ വികാരിയായിരുന്നു ബെഞ്ചമിൻ.

ഗ്രേഡ് II* പ്രകാരം ലിസ്റ്റുചെയ്ത കെട്ടിടമാണ് സെന്റ് പീറ്റേഴ്‌സ്, പോൾസ് ചർച്ച്.[1] സെവൻ വാലിക്ക് അഭിമുഖമായി പ്രകൃതിദത്തമായ ഒരു കുന്നിൻ മുകളിൽ നിൽക്കുന്ന ഈ മധ്യകാല പള്ളി പത്തൊൻപതാം നൂറ്റാണ്ടിൽ പുനഃസ്ഥാപിക്കുകയും മാറ്റം വരുത്തുകയും ചെയ്തു.[2] 1660-കളിൽ പള്ളി പുനർനിർമ്മിക്കുകയും പിന്നീട് 1854-ൽ പുനഃസ്ഥാപിക്കുകയും ചെയ്തു.[3] [4][5]

ഒന്നാം ലോക മഹായുദ്ധത്തിൽ സേവനമനുഷ്ഠിച്ച പ്രദേശവാസികളായ പുരുഷന്മാരുടെ പട്ടിക വടക്കൻ ചുവരിൽ ഫ്രെയിം ചെയ്ത റോൾ ഓഫ് ഓണർ പള്ളിയിൽ സ്ഥാപിച്ചിരിക്കുന്നു.[6]

ബെയ്‌ലി 14 കൊല്ലം താമസിച്ച വീട് പള്ളിക്കു സമീപത്തായി സ്ഥിതി ചെയ്യുന്നു. 1859-ൽ ആയിരുന്നു ബെയ്‌ലിയുടെ ഭാര്യ എലിസബത്ത് എല്ലയുടെ മരണം. 1871 ഏപ്രിൽ 3-ന് ബെയ്‌ലിയും മരണമടഞ്ഞു. പള്ളിക്ക് അകത്തായി എലിസബത്തിന്റെ ഒരു ശിലാഫലകമുണ്ട്. ബെയ്‌ലിയുടെ കല്ലറയിലെ ഫലകത്തിൽ ഇങ്ങനെ എഴുതിയിരിക്കുന്നു: In memory of The Rev. BENJAMIN BAILEY Thirty four years a Missonary of the Church Missonary Society in Travancore South India. And fourteen years of Rector of this Parish. He fell asleep in Jesus April 3rd - 1871. 80 years.

അവലംബം[തിരുത്തുക]

  1. British Listed Buildings, Retrieved 02/05/2012
  2. Slowe.eclipse Archived 2015-09-24 at the Wayback Machine., Retrieved 02/05/2012
  3. British Listed Buildings, Retrieved 02/05/2012
  4. Newman & Pevsner (2006), പുറം. 500
  5. Historic England & 1175850
  6. Francis, Peter (2013). Shropshire War Memorials, Sites of Remembrance. YouCaxton Publications. p. 128. ISBN 978-1-909644-11-3.

പുറത്തേക്കുള്ള കണ്ണികൾ[തിരുത്തുക]