സ്റ്റെഫാൻ ചാർബോണർ

ഇംഗ്ലീഷ് വിലാസം

https://ml.wikipedia.org/wiki/St%C3%A9phane_Charbonnier

ചാർബ്
Charb, 2 November 2011
ജനനം	സ്റ്റെഫാൻ ചാർബോണർ (1967-08-21)21 ഓഗസ്റ്റ് 1967 Conflans-Sainte-Honorine, France
മരണം	7 ജനുവരി 2015(2015-01-07) (പ്രായം 47) Charlie Hebdo offices, Paris, France
ദേശീയത	ഫ്രഞ്ച്
തൊഴിൽ	പത്രപ്രവർത്തകൻ, ആക്ഷേപ ഹാസ്യ ചിത്രകാരൻ

പ്രമുഖ ഫ്രഞ്ച് ഹാസ്യ വാരികയായ ഷാർലി എബ്ദോയുടെ എഡിറ്റർ ഇൻ ചീഫും കാർട്ടൂണിസ്റ്റുമായിരുന്നു ചാർബ് എന്നറിയപ്പെട്ടിരുന്ന സ്റ്റെഫാൻ ചാർബോണർ(21 ഓഗസ്റ്റ് 1967 – 7 ജനുവരി 2015) . 2015 ജനുവരി ഏഴിന് മധ്യ പാരീസിലുള്ള ഷാർലി എബ്ദോയുടെ ഓഫീസിന് നേർക്ക് നടന്ന വെടിവെയ്പിൽ കൊല്ലപ്പെട്ടു.

ജീവിതരേഖ

Charb in Strasbourg, 2009

തീവ്ര ഇടതു പക്ഷ നിലപാടുകളുണ്ടായിരുന്ന സ്റ്റെഫാൻ ഇസ്ലാമിക് തീവ്രവാദത്തിന്റെ കടുത്ത വിമർശകനായിരുന്നു. പ്രവാചകനെ പത്രാധിപരായി ക്ഷണിച്ചുകൊണ്ട് അദ്ദേഹത്തിന്റെ ആക്ഷേപഹാസ്യരേഖാചിത്രം പുറംചട്ടയിൽ നൽകിയതിന് 2011 ൽ ഷാർലി എബ്ദോയുടെ ഓഫീസിനുനേരെ ബോംബാക്രമണമുണ്ടായി. ഇസ്ലാമിക് സ്റ്റേറ്റിന്റെ നേതാവായ അബുബക്കർ അൽ ബാഗ്ദാദിയുടെ കാർട്ടൂൺ വാരിക ട്വിറ്ററിൽ പ്രസിദ്ധീകരിച്ചതിനെത്തുടർന്നുള്ള ഭീഷണിമൂലം സ്റ്റെഫാന് പ്രത്യകം അംഗരക്ഷകരെ വെച്ചിരുന്നു.

വിമർശനങ്ങൾ

തന്റെ നിലപാടുകൾക്കെതിരെ ഉയർന്ന വിമർശനങ്ങളെയും ഭീഷണികളെയും സ്റ്റെഫാൻ തള്ളിക്കളഞ്ഞിരുന്നു.

“ മുഹമ്മദ് എനിക്ക് വിശുദ്ധനല്ല. ഞങ്ങളുടെ വരകൾകണ്ട് ചിരിക്കാത്ത മുസ്ലിങ്ങളെ കുറ്റപ്പെടുത്തുന്നില്ല. ഞാൻ ഫ്രഞ്ച് നിയമത്തിന് കീഴിലാണ് കഴിയുന്നത്. ഖുറാൻ നിയമത്തിനുകീഴിലല്ല ”

എന്നായിരുന്നു സ്റ്റെഫാൻ ചാർബോണറുടെ നിലപാട്.