രാജ്കുമാർ സേതുപതി

രാജ്കുമാർ സേതുപതി
രാജ്കുമാർ സേതുപതി
ജനനം	21 ജൂലൈ 1954 (69 വയസ്സ്); ചെന്നൈ
സജീവ കാലം	1980–1988 ; 2013-ഇപ്പോള്)
ജീവിതപങ്കാളി(കൾ)	ശ്രീപ്രിയ ; (1988-ഇപ്പോള്)
കുട്ടികൾ	സ്നേഹ, നാഗാർജുൻ
മാതാപിതാക്ക(ൾ)	ഷൺമുഖ രാജേശ്വര സേതുപതി, ലീലാരാണി

ഇംഗ്ലീഷ് വിലാസം

https://ml.wikipedia.org/wiki/Rajkumar_Sethupathi

രാജ്കുമാർ സേതുപതി ദക്ഷിണേന്ത്യൻ ഭാഷകളിൽ അഭിനയിച്ചിരുന്ന ഒരു നടനാണ്. 50 ലധികം മലയാള സിനിമകളിൽ അദ്ദേഹം അഭിനയിച്ചിട്ടുണ്ട്. എം. ഭാസ്‌കർ സംവിധാനം ചെയ്ത^[1] സൂലം എന്ന തമിഴ് ചിത്രത്തിലൂടെ അദ്ദേഹം ചലച്ചിത്ര രംഗത്ത് അരങ്ങേറ്റം കുറിക്കുകയും തുടർന്ന് 1981 ൽ മലയാള ചിത്രമായ തൃഷ്ണയിൽ മമ്മൂട്ടിയോടൊപ്പം പ്രത്യക്ഷപ്പെടുകയും ചെയ്തു. 1982 ൽ പി. വേണു സംവിധാനം ചെയ്ത രാജ എന്ന മലയാള സിനിമയിൽ നായകനായി അഭിനയിച്ചു. മേനക നായികയായ താളം തെറ്റിയ താരാട്ട് ശ്രദ്ധേയമായ സിനിമയാണ്. മലയാളത്തിൽ ഒരു കാലത്ത് പ്രധാന റൊമാൻ്റിക് നായകനായിരുന്നു ഇദ്ദേഹം.

പശ്ചാത്തലം[തിരുത്തുക]

ചെന്നൈയിലെ ഒരു രാജകുടുംബത്തിലാണ് രാജ്കുമാർ ജനിച്ചത്. നിർമ്മാതാവ് ഷൺമുഖ രാജേശ്വര സേതുപതിയുടെയും ലീലാറാണിയുടെയും പുത്രനാണ് അദ്ദേഹം. തമിഴ് നടി ലത അദ്ദേഹത്തിന്റെ മൂത്ത സഹോദരിയാണ്. സൗത്ത് ഇന്ത്യ ഫിലിം ചേമ്പേഴ്‌സിൽ 2 വർഷത്തെ അഭിനയ പരിശീലന ക്ലാസുകൾ അദ്ദേഹം പൂർത്തിയാക്കിയിരുന്നു.

1988 ൽ തമിഴ് ചലച്ചിത്ര നടി ശ്രീപ്രിയയെ വിവാഹം കഴിച്ചു. ദമ്പതികൾക്ക് സ്നേഹ, നാഗാർജുന എന്നിങ്ങനെ രണ്ടു കുട്ടികളാണുള്ളത്. 2013 ൽ രാജ്കുമാർ നിർമ്മിച്ച മാലിനി 22 പാലയംകോട്ടൈ എന്ന തമിഴ് ചിത്രം അദ്ദേഹത്തിന്റെ പത്നി ശ്രീപ്രിയയാണ് സംവിധാനം ചെയ്തത്.