രാജീവ് ഗാന്ധി ഇൻഡോർ സ്റ്റേഡിയം, കൊച്ചി

രാജീവ് ഗാന്ധി ഇൻഡോർ സ്റ്റേഡിയം
സ്ഥാനം	കടവന്ത്ര, കൊച്ചി, കേരളം
ഉടമ	റീജിയണൽ സ്പോർട്സ് സെന്റർ
ഓപ്പറേറ്റർ	റീജിയണൽ സ്പോർട്സ് സെന്റർ
ശേഷി	10,000
ഉപരിതലം	Maple Floor
Construction
തുറന്നുകൊടുത്തത്	1993
നിർമ്മാണച്ചിലവ്	5 കോടി
വെബ്സൈറ്റ്
	ഔദ്യോഗിക വെബ്സൈറ്റ്

ഇംഗ്ലീഷ് വിലാസം

https://ml.wikipedia.org/wiki/Rajiv_Gandhi_Indoor_Stadium,_Kochi

9°58′6.51″N 76°17′53.81″E / 9.9684750°N 76.2982806°E / 9.9684750; 76.2982806

എറണാകുളം ജില്ലയിലെ എറണാകുളം നഗരത്തിൽ സ്ഥിതി ചെയ്യുന്ന ഒരു ഇൻഡോർ സ്റ്റേഡിയമാണ് രാജീവ് ഗാന്ധി ഇൻഡോർ സ്റ്റേഡിയം. ഗാന്ധിനഗർ പ്രദേശത്താണ് ഇത് സ്ഥിതിചെയ്യുന്നത്. 20000 ചതുരശ്ര അടി കളിസ്ഥലം ഈ സ്റ്റേഡിയത്തിനകത്ത് ലഭ്യമാണ്. സ്വീഡിഷ് സാങ്കേതികവിദ്യ ഉപയോഗപ്പെടുത്തിയാണ് ഈ സ്റ്റേഡിയം നിർമ്മിച്ചിട്ടുള്ളത്. 12 ഷട്ടിൽ ബാറ്റ്മിന്റൺ കോർട്ടുകളും 3 ബാസ്ക്കറ്റ് ബോൾ കോർട്ടുകളും 3 വോളിബോൾ കോർട്ടുകളും ലഭ്യമാണ്. 10000 പേർക്ക് ഇരിക്കാൻ സന്നദ്ധമായ ഗാലറിയും ഈ സ്റ്റേഡിയത്തിനുണ്ട്. 1993 ൽ 5 കോടി രൂപ ചെലവഴിച്ചാണ് ഇത് നിർമ്മിച്ചത്. കൊച്ചി റീജിയണൽ സ്പോർട്സ് സെന്റർ ഈ സ്റ്റേഡിയത്തിൽ പ്രവർത്തിക്കുന്നു. വിവിധതരം ടൂർണ്ണമെന്റകൾ, വ്യാവസായിക പ്രദർശനങ്ങൾ, കാർ ഷോകൾ, കല്യാണങ്ങൾ മുതലായവക്കെല്ലാം ഈ സ്റ്റേഡിയം പ്രയോജനപ്പെടുത്തുന്നു.

ഇത് ഇന്ത്യയിലെ ഏറ്റവും പ്രധാനപ്പെട്ട ലോകോത്തര നിലവാരമുള്ള വിവിധോദ്യേശ കായികകേന്ദ്രമാണ്. നാല് ഏക്കറാണ് ഈ സ്റ്റേഡിയത്തിന്റെ ചുറ്റളവ് (16,000 m²). ഇവിടെ ബാഡ്മിന്റൻ, ടെന്നീസ്, ബാസ്കറ്റ് ബാൾ. ടേബിൾ ടെന്നീസ്, നീന്തൽ, ബില്യാർഡ്സ്, ഇന്റോർ ക്രിക്കറ്റ് നെറ്റ് തുടങ്ങിയവയ്ക്കുള്ള സൗകര്യമുണ്ട്.

ഒരു കിലോവാട്ട് മെറ്റൽ ഹാലൈഡ് ലാമ്പുകൾ ഉപയോഗിച്ചാണ് ഇവിടെ വെളിച്ചസംവിധാനം (ഫ്ലഡ്ലൈറ്റ്) ഒരുക്കിയിരിക്കുന്നത്. അന്താരാഷ്ട്ര നിലവാരത്തിലുള്ള ടെലിവിഷൻ ടെലികാസ്റ്റിന് ഉതകുന്നതാണ് ഈ വെളിച്ചസംവിധാനം. സ്റ്റേഡിയത്തിൽ പതിനായിരം പേരെ ഉൾക്കൊള്ളാനാകും. മുൻ ഇന്ത്യൻ പ്രധാനമന്ത്രിയായ രാജീവ് ഗാന്ധിയുടെ പേരാണ് സ്റ്റേഡിയത്തിന് നൽകിയിരിക്കുന്നത്.

ഇൻഡോർ ടെന്നീസ് കോംപ്ലക്‌സിൽ ലോകോത്തര നിലവാരത്തിലുള്ള ആധുനിക സാങ്കേതികവിദ്യ ഉപയോഗിക്കുന്ന നാല് സിന്തറ്റിക് ടെന്നീസ് കോർട്ടുകൾ ഉണ്ട്. ഇൻഡോർ ടെന്നീസ് കോംപ്ലക്സ് 2000 ൽ പദ്മ ഭൂഷൺ രാമനാഥൻ കൃഷ്ണൻ ഉദ്ഘാടനം ചെയ്തു.

ടേബിൾ ടെന്നീസ് ഹാളിൽ ഒരു സമയം 400 പന്തുകൾ പിടിക്കാനുള്ള ശേഷിയുള്ള ഏറ്റവും പുതിയ ബട്ടർഫ്ലൈ റോബോട്ടുള്ള നാല് ടേബിളുകൾ ‍ഉണ്ട് . 25 * 10 മീറ്ററുള്ള ഒരു നീന്തൽക്കുളവും സ്റ്റേഡിയത്തിലുണ്ട്. അന്താരാഷ്ട്ര നിലവാരത്തിലാണ് ഇത് പരിപാലിക്കുന്നത്.