റേച്ചൽ സണ്ണി പനവേലി
(Rachel Sunny Panaveli എന്ന താളിൽ നിന്നും തിരിച്ചുവിട്ടതു പ്രകാരം)
കേരളത്തിലെ പൊതുപ്രവർത്തകയും കോൺഗ്രസ് (എസ്.) നേതാവുമായിരുന്നു റേച്ചൽ സണ്ണി പനവേലി. കേരള നിയമസഭയിൽ ഏറ്റവും കുറച്ചുകാലം അംഗമായിരുന്ന വനിതയെന്ന റെക്കോർഡിനുടമയാണ് റേച്ചൽ സണ്ണി പനവേലി.
ജീവിതരേഖ[തിരുത്തുക]
എം.ജി. എബ്രഹാം കൈതവനയുടേയും ശോശാമ്മ എബ്രഹാമിന്റേയും മകളായി 1941 ആഗസ്റ്റ് എട്ടിന് ജനിച്ചു. 72ആം വയസ്സിൽ 2013 ഡിസംബർ 20 ന് അന്തരിച്ചു. [1] ഭർത്താവ് സണ്ണി പനവേലി എം.എൽ.എ ആയിട്ടുണ്ട്. എം.എൽ.എ. പദവിയിലിരിക്കേ അന്തരിച്ച സണ്ണിക്കുപകരം ഭാര്യയെ ഉപതിരഞ്ഞെടുപ്പിൽ മത്സരിപ്പിക്കുകയായിരുന്നു. മകൻ ബിജിലി പനവേലി 2001-ൽ റാന്നി നിയമസഭാമണ്ഡലത്തിൽ നിന്ന് കോൺഗ്രസ് (ഐ.) സ്ഥാനാർത്ഥിയായി മൽസരിച്ച് പരാജയപ്പെട്ടിരുന്നു.
തിരഞ്ഞെടുപ്പുകൾ[തിരുത്തുക]
| വർഷം | മണ്ഡലം | വിജയി | പാർട്ടി | മുഖ്യ എതിരാളി | പാർട്ടി |
|---|---|---|---|---|---|
| 1986*(1) | റാന്നി നിയമസഭാമണ്ഡലം | റേച്ചൽ സണ്ണി പനവേലി | കോൺഗ്രസ് (എസ്.) എൽ.ഡി.എഫ്. | എം.സി. ചെറിയാൻ | കോൺഗ്രസ് (ഐ.), യു.ഡി.എഫ്. |
1986 -ൽ സണ്ണി പനവേലിയുടെ നിര്യാണത്തെതുടർന്ന് 23-01-1986-ൽ നടന്ന ഉപതിരഞ്ഞെടുപ്പ്.
കുടുംബം[തിരുത്തുക]
ഭർത്താവ് മുൻ എം.എൽ.എ. പരേതനായ സണ്ണി പനവേലി. രണ്ട് ആൺമക്കൾ - ബിജിലി പനവേലി, ഷാജി.