Jump to content

ആർ.സി.എസ്.എം. ഗവൺമെന്റ് കോളജ് ആന്റ് സി.പി.ആർ ഹോസ്പിറ്റൽ, കോലാപ്പൂർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(R.C.S.M. Govt Medical College and CPR Hospital, Kolhapur എന്ന താളിൽ നിന്നും തിരിച്ചുവിട്ടതു പ്രകാരം)
രാജർ‌ഷീ ഛത്രപതി ഷാഹു മഹാരാജ് ഗവൺമെന്റ് മെഡിക്കൽ കോളേജു് ആന്റ് സി‌.പി‌.ആർ. ഹോസ്പിറ്റൽ.
പ്രമാണം:R.C.S.M. Govt Medical College and CPR Hospital, Kolhapur logo.jpg
Official Logo of R.C.S.M. Govt. Medical College and CPR Hospital.
ആദർശസൂക്തം
  • Let all be healthy
തരംEducation and research institution
സ്ഥാപിതം2000
സാമ്പത്തിക സഹായംGovernment Funded
അദ്ധ്യാപകർ
378
ബിരുദവിദ്യാർത്ഥികൾ150 per year
സ്ഥലംകോലാപ്പൂർ, Maharashtra, ഇന്ത്യ
അഫിലിയേഷനുകൾമഹാരാഷ്ട്രാ യൂണിവേഴ്സിറ്റി ഓപ് ഹെൽത്ത് സയൻസസ്, നാസിക്
വെബ്‌സൈറ്റ്rcsmgmc.ac.in

രാജർ‌ഷീ ഛത്രപതി ഷാഹു മഹാരാജ് ഗവൺമെന്റ് മെഡിക്കൽ കോളേജു് ആന്റ് സി‌.പി‌.ആർ. ഹോസ്പിറ്റൽ, കോലാപ്പൂർ ഇന്ത്യയിലെ ഒരു മെഡിക്കൽ കോളേജും അനുബന്ധ ആശുപത്രിയുമാണ്. 2000 ൽ സ്ഥാപിതമായ ഇത് മഹാരാഷ്ട്ര യൂണിവേഴ്സിറ്റി ഓഫ് ഹെൽത്ത് സയൻസസ്, (MUHS) നാസിക്കുമായി അഫിലിയേറ്റ് ചെയ്തിട്ടുണ്ട്.[1] ഇന്ത്യയിലെ മെഡിക്കൽ വിദ്യാഭ്യാസത്തിനായി ന്യൂഡൽഹിയിലെ മെഡിക്കൽ കൗൺസിൽ ഓഫ് ഇന്ത്യ (MCI) കോളേജിനെ അംഗീകരിച്ചു.[2]

സ്ഥാനം[തിരുത്തുക]

മെഡിക്കൽ കോളജും ആശുപത്രിയും മഹാരാഷ്ട്രയിലെ കാർവിറിലെ കോലാപ്പൂർ നഗരത്തിലാണ് സ്ഥിതിചെയ്യുന്നത്. തിരക്കേറിയ നഗരകേന്ദ്രത്തിൽ സ്ഥിതിചെയ്യുന്ന ഈ മെഡിക്കൽ കോളജ്, കോലാപ്പൂർ ജില്ലയിലേക്കും അയൽ ജില്ലകളായ രത്‌നഗിരി, സിന്ധുദുർഗ്, സതാര, സാംഗ്ലി എന്നിവിടങ്ങളിലേക്കും ഇതിന്റെ പ്രവർത്തനം വ്യാപിപ്പിക്കുന്നു.

ചരിത്രം[തിരുത്തുക]

സി.പി.ആർ ഹോസ്പിറ്റൽ[തിരുത്തുക]

1875 ൽ വെയിൽസ് രാജകുമാരന്റെ ഇന്ത്യാ സന്ദർശനത്തിന്റെ സ്മരണയ്ക്കായി നിർമ്മിക്കപ്പെട്ട ഈ ആശുപത്രി, കിംഗ് ആൽബർട്ട് എഡ്വേർഡ് ഹോസ്പിറ്റൽ എന്നാണ് അക്കാലത്ത് അറിയപ്പെട്ടിരുന്നത്. 1881 മാർച്ച് 9 ന് അക്കാലത്തെ ബോംബെ ഗവർണറായിരുന്ന സർ ജെയിംസ് ഫെർഗൂസൻ സ്ഥാപനത്തിന് ശിലാസ്ഥാപനം നടത്തി. പ്രാദേശിക ഭരണാധികാരി ഛത്രപതി ഷാഹുവിന്റെ അനുഗ്രഹാശിസുകളോടെയായിരുന്നു ഇത് സാധ്യമായത്. ഈ പദ്ധതി 1881 ൽ പൂർത്തീകരിക്കപ്പെട്ടു. ഷാഹു ഇംഗ്ലണ്ടിൽ നിന്ന് മടങ്ങിയെത്തിയതിനുശേഷം ഇവിടെ എല്ലാവർക്കും സൌജന്യ ചികിത്സ വാഗ്ദാനം ചെയ്യപ്പെടുകയും ശേഷമുള്ള കാലത്ത് ആശുപത്രിയിൽ നിരവധി മാറ്റങ്ങൾ സംഭവിക്കുകയും ചെയ്തു. കോലാപ്പൂരിലെ രാജകുടുംബത്തിന്റെ മരുമകളായ ഛത്രപതി പ്രമീളാതായ് രാജെയുടെ സ്മരണയ്ക്കായി 1946 ൽ ആശുപത്രി ഛത്രപതി പ്രമീളാതായ് രാജേ ഹോസ്പിറ്റൽ (സി.പി.ആർ.) എന്ന് പുനർനാമകരണം ചെയ്യപ്പെട്ടു. 2000 ൽ ആശുപത്രി പുതുതായി സ്ഥാപിതമായ രാജർ‌ഷി ഛത്രപതി ഷാഹു മഹാരാജ് ഗവൺമന്റ് മെഡിക്കൽ കോളേജുമായി ഔദ്യോഗികമായി അഫിലിയേറ്റ് ചെയ്യപ്പെട്ടു.

അവലംബം[തിരുത്തുക]

  1. M.U.H.S. College Information
  2. MCI List of Colleges Teaching MBBS in India Archived 2011-05-05 at the Wayback Machine.