പുലിക്കുരുമ്പ

ഇംഗ്ലീഷ് വിലാസം

https://ml.wikipedia.org/wiki/Pulikurumba

12°7′21″N 75°31′24″E / 12.12250°N 75.52333°E / 12.12250; 75.52333 കണ്ണൂർ ജില്ലയിലെ നടുവിൽ പഞ്ചായത്തിൽ ഉൾപ്പെടുന്ന ഒരു പ്രദേശമാണ് പുലിക്കുരുമ്പ^[1]. കുടിയേറ്റ കർഷകരാണ് ഭൂരിഭാഗവും ഇവിടെ താമസിക്കുന്നത്. കുടിയേറ്റത്തിന് ശേഷം ഇന്ന് ആധുനിക സൗകര്യങ്ങളുള്ള ചെറുപട്ടണമായി പുലിക്കുരുമ്പ മാറിക്കഴിഞ്ഞു.

ചരിത്രം[തിരുത്തുക]

ആറുപതിറ്റാണ്ട് മുൻപുവരെ ഇത് വനപ്രദേശം ആയിരുന്നു. ആദ്യകാലത്ത് കരിമ്പാലർ എന്ന ആദിവാസി വിഭാഗം മാത്രമായിരുന്നു ഇവിടെ അധിവസിച്ചിരുന്നത്. അരങ്ങ്, കോട്ടയംതട്ട്, പുല്ലംവനം എന്നീ സ്ഥലങ്ങളിലായിരുന്നു ഇവർ കൂട്ടമായി ജീവിച്ചിരുന്നത്.

പേരിനുപിന്നിൽ[തിരുത്തുക]

കോട്ടയംതട്ടിലെ പുലിചാമുണ്ഡി തെയ്യവുമായി ബന്ധപ്പെട്ടാണ് പുലിക്കുരുമ്പ എന്ന പേര് രൂപം കൊണ്ടത്. പുലി കൂർമ്പ (പുലികുരുംബ, പുലികുറുമ്പ) ഭഗവതിയുടെ നാട്. ഈ പദത്തിൽനിന്നാണ് പുലിക്കുരുമ്പ എന്ന സ്ഥലനാമം ഉണ്ടായത്. മനുഷ്യരുടെ സാന്നിധ്യമോ നിഴലുപോലുമോ ഈ തെയ്യത്തിൻറെ കോലത്തിനു മുന്നിൽ പതിയരുത്. വളരെ ദൂരെ നിന്ന് വാദ്യമേളക്കാർ കൊട്ടുകയും സ്ഥാനത്ത് തെയ്യം ഉറഞ്ഞാടുകയുമാണ് ചെയ്യുന്നത്. ഇപ്പോഴും ഈ മനുഷ്യർ കാലുകുത്താത്ത പുലിച്ചാമുണ്ഡി മട ആദിവാസി കോളനികൾക്ക് സമീപത്തുണ്ട്.