ഇന്ത്യയിലെ അർദ്ധസൈനിക സേനകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Paramilitary forces of India എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

ഇന്ത്യൻ സൈന്യത്തെപ്പോലെ അതിർത്തിസംരക്ഷണം, സമാധാനപാലനം, രാജ്യത്തിനകത്തും പുറത്തുമുള്ള സെക്യൂരിറ്റി, യുദ്ധകാലങ്ങളിൽ സൈന്യത്തെ സഹായിക്കൽ എന്നീ കർത്തവ്യങ്ങൾക്കായി വിവിധകാലഘട്ടങ്ങളിൽ രൂപീകരിക്കപ്പെട്ട സായുധസേനകളാണ് ഇന്ത്യയിലെ അർദ്ധസൈനിക സേനകൾ[1]. ഇന്ത്യയിലെ കേന്ദ്ര ഗൃഹമന്ത്രാലയത്തിനു കീഴിലാണ് ഇവയുടെ പ്രവർത്തനം.

ഔദ്യോഗിക നാമം[തിരുത്തുക]

ഔദ്യോഗികമായി ഈ സേനകൾ കേന്ദ്ര സായുധ പോലീസ് സേനകൾ (സെൻട്രൽ ആംഡ് പോലീസ് ഫോഴ്സസ്) എന്നാണ് അറിയപ്പെടുന്നത്[2]

പ്രധാനപ്പെട്ടവ[തിരുത്തുക]

ഇന്ത്യയിലെ പ്രധാന അർദ്ധസൈനിക സേനകൾ താഴെപ്പറയുന്നവയാണ്.[3]

  1. ആസ്സാം റൈഫിൾസ്
  2. ബോർഡർ സെക്യൂരിറ്റി ഫോഴ്സ് (BSF)
  3. കേന്ദ്ര വ്യവസായ സുരക്ഷാസേന (CISF)
  4. കേന്ദ്ര റിസർവ്വ് പോലീസ് (CRPF)
  5. ഇൻഡോ-ടിബറ്റൻ ബോർഡർ പോലീസ് (ITBP)
  6. നാഷണൽ സെക്യൂൂരിറ്റി ഗാർഡ് (NSG)
  7. സശസ്ത്ര സീമാ ബൽ (SSB)

ആസ്സാം റൈഫിൾസ്[തിരുത്തുക]

പ്രധാന ലേഖനം: ആസ്സാം റൈഫിൾസ്

ഇന്ത്യയിലെ ഏറ്റവും പഴക്കമുള്ള അർദ്ധസൈനിക വിഭാഗമാണിത്. കാച്ചാർ ലെവി എന്ന പേരിൽ 1835-ൽ ആരംഭിച്ചു. ഡയറക്ടർ ജനറലാണ് സേനാത്തലവൻ. ആസ്ഥാനം ഷില്ലോങ്ങ്. ഇന്ത്യയുടെ വടക്ക് കിഴക്കൻ അതിർത്തി കാത്തുസൂക്ഷിക്കുക, വടക്ക് കിഴക്കൻ സംസ്ഥാനങ്ങളുടെ അഭ്യന്തര സുരക്ഷ എന്നിവയാണ് പ്രധാന കർത്തവ്യങ്ങൾ.[4]

ബോർഡർ സെക്യൂരിറ്റി ഫോഴ്സ്[തിരുത്തുക]

ഇന്ത്യയുടെ അതിർത്തി സംരക്ഷണസേനകളിലൊന്നാണിത്. 1965 ഡിസംബർ 1 ന് [4]സ്ഥാപിതമായി. സമാധാനകാലത്ത് ഇന്ത്യയുടെ കര അതിർത്തി കാത്തുസൂക്ഷിക്കുക, നുഴഞ്ഞുകയറ്റം തടയുക തുടങ്ങിയവയാണ് പ്രധാന കർത്തവ്യങ്ങൾ. ആസ്ഥാനം ന്യൂ ഡെൽഹി. നിലവിൽ ലോകത്തെ ഏറ്റവും വലിയ അതിർത്തി സംരക്ഷണ സേനയാണിത്.[5]

കേന്ദ്ര വ്യവസായ സുരക്ഷാസേന[തിരുത്തുക]

1969 ൽ സ്ഥാപിക്കപ്പെട്ടു. തുറമുഖങ്ങൾ, വൻവ്യവസായ ശാലകൾ എന്നിവയുടെ സുരക്ഷയാണ് പ്രധാന ചുമതല.[4]

കേന്ദ്ര റിസർവ്വ് പോലീസ്[തിരുത്തുക]

1939 ൽ ക്രൗൺ റെപ്രസെന്റേറ്റീവ്സ് പോലീസ് എന്ന പേരിൽ ആരംഭിച്ചു. സ്വതന്ത്ര്യാനന്തരം കേന്ദ്ര കരുതൽ സേനയായി. അടിയന്തര സാഹചര്യങ്ങളിൽ സംസ്ഥാനങ്ങൾക്ക് ഇവരുടെ സേവനം ഉഒഅയോഗിക്കുന്നു. ആസ്ഥാനം ന്യൂഡൽഹി. തലവൻ ഡയറക്ടർ ജനറൽ.[4]

ഇൻഡോ-ടിബറ്റൻ ബോർഡർ പോലീസ്[തിരുത്തുക]

1962 ലെ ഇന്ത്യ-ചൈന യുദ്ധത്തെത്തുടർന്ന് 1962 ഒക്ടോബർ 24ന് ചൈനീസ് അതിർത്തിപ്രദേശത്തെ സുരക്ഷയ്ക്കായി ഇന്ത്യ രൂപം കൊടുത്ത ഗറില്ലാ-ഇന്റലിജൻസ് സായുധസേനയാണിത്. ഇന്ത്യയിലെ ഹിമാലയ അതിർത്തികളുടെ സുരക്ഷയാണ് പ്രധാന കർത്തവ്യം[6]

നാഷണൽ സെക്യൂരിറ്റി ഗാർഡ്[തിരുത്തുക]

ഭീകരപ്രവർത്തനങ്ങളെ നേരിടാൻ 1984 ൽ രൂപം കൊടുത്ത സേനയാണിത്. ഭീകര, വിധ്വംസക പ്രവർത്തനങ്ങൾ തടയൽ, വി.ഐ.പി സുരക്ഷ തുടങ്ങിയവയാണ് കർത്തവ്യങ്ങൾ. "സർവത്ര സർവോത്തം സുരക്ഷ" എന്നതാണ് ഈ സേനയുടെ ആപ്തവാക്യം.

സശസ്ത്ര സീമാ ബൽ[തിരുത്തുക]

പ്രധാന ലേഖനം: സശസ്ത്ര സീമാ ബൽ

അവലംബം[തിരുത്തുക]

  1. "Paramilitary Forces". ഭാരത് രക്ഷക്. ശേഖരിച്ചത് 2 സെപ്റ്റംബർ 2015. 
  2. "ഗൃഹമന്ത്രാലയത്തിന്റെ ഓഫീസ് മെമ്മോറാണ്ടം". ശേഖരിച്ചത് 2 സെപ്റ്റംബർ 2015. 
  3. "Central Armed Police Forces". ഇന്ത്യൻ ഗൃഹ മന്ത്രാലയം. ശേഖരിച്ചത് 6 സെപ്റ്റംബർ 2015. 
  4. 4.0 4.1 4.2 4.3 "കേന്ദ്ര പോലീസ് സേനകൾ". മാതൃഭൂമി ഹരിശ്രീ. 27 ആഗസ്ത് 2005. 
  5. "ബോർഡർ സെക്യൂരിറ്റി ഫോഴ്സ്". ബി.എസ്.എഫ്. ശേഖരിച്ചത് 6 സെപ്റ്റംബർ 2015. 
  6. "ഇന്തോ ടിബറ്റൻ ബോർഡർ പോലീസ്". ശേഖരിച്ചത് 6 സെപ്റ്റംബർ 2015.