നിർമൽ വർമ

ഇംഗ്ലീഷ് വിലാസം

https://ml.wikipedia.org/wiki/Nirmal_Verma

നിർമൽ വർമ
ജനനം	3 ഏപ്രിൽ 1929 ഷിംല
മരണം	25 ഒക്ടോബർ 2005 ന്യൂ ഡൽഹി
തൊഴിൽ	നോവലിസ്റ്റ്,
പങ്കാളി	ഗഗൻ ഗിൽ

നിർമൽ വർമ(3 ഏപ്രിൽ 1929 - 25 ഒക്ടോബർ 2005)ഒരു ഹിന്ദി സാഹിത്യകാരനും പരിഭാഷകനും സാമൂഹ്യ പ്രവർത്തകനും ആയിരുന്നു. ഹിന്ദി സാഹിത്യത്തിലെ നയീ കഹാനി (പുതിയ കഥ) പ്രസ്ഥാനത്തിന്റെ ഉപജ്ഞാതാക്കളിലൊരാളായി ഇദ്ദേഹം കണക്കാക്കപ്പെടുന്നു. ഇദ്ദേഹത്തിന്റെ ആദ്യ കഥാസമാഹാരമായ പരിന്ദെ (പക്ഷികൾ) ആണ് ഈ വിഭാഗത്തിലെ ആദ്യ കൃതിയായി പരിഗണിക്കപ്പെടുന്നത്.

അഞ്ച് പതിറ്റാണ്ടുകൾ നീണ്ടു നിന്ന സാഹിത്യജീവിതത്തിൽ ഇദ്ദേഹം അഞ്ച് നോവലുകൾ, എട്ട് ചെറുകഥാ സമാഹാരങ്ങൾ, ഉപന്യാസങ്ങളും സഞ്ചാരവിവരണങ്ങളും ഉൾപ്പെടെ ഒമ്പത് കൽപിതേതര കൃതികൾ എന്നിവ രചിച്ചിട്ടുണ്ട്. ഇന്ത്യയിലെ ഏറ്റവും ഉന്നത സാഹിത്യപുരസ്കാരങ്ങളഅയ ജ്ഞാനപീഠവും (1999-ൽ) സാഹിത്യ അക്കാദമി ഫെലോഷിപ്പും (2005-ൽ) ഇദ്ദേഹത്തിന് ലഭിച്ചിട്ടുണ്ട്.