പുഴുക്കൂരി

പുഴുക്കൂരി
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Actinopterygii
Subclass:	Neopterygii
Infraclass:	Teleostei
Superorder:	Ostariophysi
Order:	Siluriformes
Family:	Bagridae
Genus:	Mystus
Species:	M. armatus
Binomial name
Mystus armatus

മിസ്റ്റസ് ജെനുസ്സിൽ പെട്ട ശുദ്ധ ജല മത്സ്യമാണ് പുഴുക്കൂരി (ശാസ്ത്രീയനാമം: മിസ്റ്റസ് ആൾമേറ്റസ്, ഇംഗ്ലീഷ്: Mystus armatus). ഫ്രാൻസിസ് ഡേ എന്ന ഒരു ബ്രിട്ടീഷുകാരനാണ് 1865-ൽ കരുവന്നൂർ പുഴയിൽനിന്നും പുഴുക്കൂരിയെ ആദ്യമായി കണ്ടെത്തിയത്. 2004-ൽ സ്റ്റീവൻ ഗ്രാൻറ് അടക്കം പല ശാസ്ത്രജ്ഞൻമാരും മിസ്റ്റസ് ആൾമേറ്റസ് - മിസ്റ്റസ് ഒകുലേറ്റസ് എന്ന രണ്ട് ഉപവർഗങ്ങൽ ഇല്ല എന്നും ഇവ രണ്ടും ഒരേ ഉപവർഗങ്ങൽ ആണ് എന്നും കരുതിയിരുന്നു, 2014-ൽ പ്രൊഫസർ മാത്യൂസ് പ്ലാമൂട്ടിൽ നടത്തിയ ഗവേഷണ ഫലമായി ഇവ രണ്ടും രണ്ട് ഉപവർഗങ്ങൾ ആണ് എന്ന് വിലയിരുത്തി.

ആവാസവ്യവസ്ഥ

കേരളത്തിൽ ഇവയെ പശ്ചിമഘട്ട പ്രദേശത്ത് ആണ് കണ്ടെതിയിടുള്ളത്. ഇന്ത്യയിൽ കേരളത്തിലും, തമിഴ്നാട്ടിലും, കർണാടകത്തിലും ആണ് ഇവയുടെ വാസസ്ഥലങ്ങൾ. ഇന്ത്യക്ക് പുറത്ത് മ്യാൻമാർ ബംഗ്ലാദേശ്‌ എന്നി രാജ്യങ്ങളിലും ഇവയെ കണ്ടു വരുന്നു. ആഴവും ഒഴുക്കുമുള്ള തെളിഞ്ഞ ജലാശയങ്ങളിൽ ആണ് പൊതുവെ ഇവയെ കാണുന്നത്.

പ്രത്യേകതകൾ

ഈ മത്സ്യത്തിന്റെ പ്രത്യേകതകൾ താരതമ്യേന നീളമുള്ളതും മുകൾഭാഗം പരന്നതുമായ തലയും തലയുടെ ഉച്ചിയിൽ കാണാവുന്ന രണ്ട് താഴ്ന്ന ഭാഗങ്ങളും വാലിന്റെ അറ്റം വരെയെത്തുന്ന മേൽമീശയും ആണ്.