ചോര പെരുവാലൻ കടുവ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Megalogomphus superbus എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

ചോര പെരുവാലൻ കടുവ
Megalogomphus superbus by Gopal Krishnan.jpg
ആൺതുമ്പി
ശാസ്ത്രീയ വർഗ്ഗീകരണം
സാമ്രാജ്യം:
ഫൈലം:
ക്ലാസ്സ്‌:
നിര:
കുടുംബം:
ജനുസ്സ്:
വർഗ്ഗം:
M. superbus
ശാസ്ത്രീയ നാമം
Megalogomphus superbus
Fraser, 1931

കടുവാത്തുമ്പികൾ എന്ന തുമ്പി കുടുംബത്തിൽപ്പെട്ട ഒരു വലിയ തുമ്പിയായ ചോര പെരുവാലൻ കടുവ (Megalogomphus superbus) പശ്ചിമഘട്ടത്തിലെ ഒരു സ്ഥാനീയ തുമ്പിയാണ്[1].

ഇന്ത്യയിലെ തുമ്പികളെക്കുറിച്ച് ആധികാരികമായി പഠിച്ച ഫ്രേസർ അദ്ദേഹത്തിന്റെ പുസ്തകത്തിൽ (1934 ൽ പ്രസിദ്ധീകരിച്ചത്) പറഞ്ഞിരിക്കുന്നത് ഈ തുമ്പി തെക്കേ ഇന്ത്യയിൽ സാധാരണയായി കാണപ്പെടുന്ന ഒരു തുമ്പിയാണ് എന്നാണ്.[2][3][4]  എന്നാൽ ഇപ്പോൾ വളരെ അപൂർവമായി മാത്രമാണ് ഈ തുമ്പിയെ കാണാറുള്ളത്. കേരളത്തിൽ നിന്നും തമിഴ്നാട്ടിൽ നിന്നും മാത്രമേ ഈ തുമ്പിയെ റിപ്പോർട്ട് ചെയ്യപ്പെട്ടിട്ടുള്ളു [1].

ആൺതുമ്പികളുടെ ശിരസ്സ് മഞ്ഞ നിറത്തിലാണ്. ശരീരത്തിൽ മഞ്ഞ പച്ച കറുപ്പ് നിറങ്ങൾ ഇടകലർന്ന് കാണപ്പെടുന്നു. തടിച്ച് കുറുകിയ കാലുകളാണ് ഈ തുമ്പികൾക്കുള്ളത്. ചിറകുകൾ സുതാര്യമാണ്. പെൺതുമ്പി കാഴ്ചയിൽ ആൺതുമ്പിയുടേത് പോലെ കാണപ്പെടുന്നു. പെൺതുമ്പികളുടെ ശരീരത്തിന് ആൺതുമ്പിയുടേതിനേക്കാൾ വണ്ണം കൂടുതലാണ്.[2]

ഉയർന്ന മലകളിലെ അരുവികളാണ് ഇവയുടെ ആവാസസ്ഥലം. അരുവികൾക്കരികിലുള്ള മരക്കൊമ്പുകളിലും ചെറുചെടികളുടെ തുമ്പത്തും, പുഴയിലെ പാറക്കെട്ടുകളിലും ഒക്കെ ഇവ ഇരിക്കുന്നത് കാണാം. കുത്തിയൊഴുകുന്ന കാട്ടാറുകളിലാണ് ഈ തുമ്പി മുട്ടയിടുന്നത്[1].

ഇതും കാണുക[തിരുത്തുക]

അവലംബം[തിരുത്തുക]

  1. 1.0 1.1 1.2 K.A., Subramanian; K.G., Emiliyamma; R., Babu; C., Radhakrishnan; S.S., Talmale (2018). Atlas of Odonata (Insecta) of the Western Ghats, India. Kolkata: Zoological Survey of India. p. 239.CS1 maint: multiple names: authors list (link)
  2. 2.0 2.1 C FC Lt. Fraser (1934). The Fauna of British India, including Ceylon and Burma, Odonata Vol. II. Red Lion Court, Fleet Street, London: Taylor and Francis. pp. 300–302.
  3. C FC Lt. Fraser (1931). Additions to the Survey of the Odonate (Dragonfly) Fauna of Western India, with Descriptions of Nine New Species (PDF). pp. 460–463.
  4. "A rare dragonfly spotted in chance encounter". മൂലതാളിൽ നിന്നും 24 ജൂൺ 2020-ന് ആർക്കൈവ് ചെയ്തത്. ശേഖരിച്ചത് 24 ജൂൺ 2020.
"https://ml.wikipedia.org/w/index.php?title=ചോര_പെരുവാലൻ_കടുവ&oldid=3354279" എന്ന താളിൽനിന്ന് ശേഖരിച്ചത്