എം.ജി.എസ്. നാരായണൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(M.G.S. Narayanan എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
എം.ജി.എസ്. നാരായണൻ
M.G.S Narayanan.jpg
2017ലെ കേരള ലിറ്ററേച്ചർ ഫെസ്റ്റിവലിൽ
ജനനംമുറ്റയിൽ ഗോവിന്ദമേനോൻ ശങ്കര നാരായണൻ
(1932-08-20) ഓഗസ്റ്റ് 20, 1932 (പ്രായം 87 വയസ്സ്)
പൊന്നാനി
ദേശീയത ഇന്ത്യ
തൊഴിൽചരിത്രകാരൻ, അദ്ധ്യാപകൻ, എഴുത്തുകാരൻ

പ്രമുഖ ചരിത്രപണ്ഡിതനും അദ്ധ്യാപകനും എഴുത്തുകാരനുമാണ്‌ പ്രൊഫ. എം.ജി.എസ്. നാരായണൻ എന്ന മുറ്റയിൽ ഗോവിന്ദമേനോൻ ശങ്കരനാരായണൻ. സെന്റർ ഫോർ ഹെറിറ്റേജ് സ്റ്റഡീ സെന്ററിന്റെ ഡയറകടറായി പ്രവർത്തിച്ചിരുന്നു.[1]

ജീവിതം[തിരുത്തുക]

1932 ഓഗസ്റ്റ് 20 നു്‌ പൊന്നാനിയിൽ ജനനം. മദ്രാസ് ക്രിസ്ത്യൻ കോളേജിൽ നിന്ന് ചരിത്രത്തിൽ ഒന്നാം റാങ്കോടെ ബിരുദാനന്തരബിരുദം നേടി. കോഴിക്കോട് ഗുരുവായൂരപ്പൻ കോളേജിൽ അദ്ധ്യാപകനായി ജോലിചെയ്തു.[2] 1973 ൽ കേരള സർ‌വകലാശാലയിൽ നിന്ന് പി.എച്ച്.ഡി കരസ്ഥമാക്കി. 1970 മുതൽ 1992 ൽ വിരമിക്കുന്നതു വരെ കാലിക്കറ്റ് സർ‌വകലാശാലയിലെ സോഷ്യൽ സയൻസ് ആന്റ് ഹ്യൂമാനീറ്റീസ് വകുപ്പിന്റെ തലവനായിരുന്നു.[2] 1974 മുതൽ പലതവണ ഇന്ത്യൻ ഹിസ്റ്ററി കോൺഗ്രസിന്റെ നിർ‌വാഹക സമിതി അംഗമായിട്ടുണ്ട്. 1983-85 കാലഘട്ടത്തിൽ ഹിസ്റ്ററി കോൺഗ്രസിന്റെ ജനറൽ സെക്രട്ടറിയായി സേവനമനുഷ്ഠിച്ചു.[2] ചരിത്രപണ്ഡിതനായ ഡോ. എം. ഗംഗാധരൻ എം.ജി.എസിന്റെ അമ്മയുടെ സഹോദരനാണ്‌.

ഗ്രന്ഥങ്ങൾ[തിരുത്തുക]

  • ഇന്ത്യൻ ചരിത്ര പരിചയം-1969
  • സാഹിത്യ അപരാധങ്ങൾ 1970,
  • കേരള ചരിത്രത്തിന്റെ അടിസ്ഥാന ശിലകൾ 1971
  • കോഴിക്കോടിന്റെ കഥ,2001
  • സെക്കുലർ ജാതിയും സെക്കുലർ മതവും,2001
  • ജനാധിപത്യവും കമ്മ്യൂണിസവും, 2004
  • പെരുമാൾസ് ഓഫ് കേരള (ഇംഗ്ലീഷ്: Permals of Kerala. Brahmin Oligarchy and Ritual Monarchy, 2013)[3]

ഇവക്കുപുറമെ ചരിത്ര, സാഹിത്യ സംബന്ധിയായ നിരവധി പ്രബന്ധങ്ങൾ പ്രമുഖ ജേർണലുകളിലും മാഗസിനുകളിലും പ്രസിദ്ധീകരിച്ചിട്ടുണ്ട്.

അവലംബങ്ങൾ[തിരുത്തുക]

  1. "എം.ജി.എസിന് ഹെറിറ്റേജ് സ്റ്റഡീസ്; സൂര്യ കൃഷ്ണമൂർത്തിക്ക് സംഗീതനാടക അക്കാദമി". മാതൃഭൂമി. 30 July 2011. മൂലതാളിൽ നിന്നും 2014-11-04-ന് ആർക്കൈവ് ചെയ്തത്. ശേഖരിച്ചത് 4 November 2014.
  2. 2.0 2.1 2.2 യൂനിവേഴ്സിറ്റി ഓഫ് കാലിക്കറ്റ്-എം.ജി.എസിന്റെ പ്രൊഫൈൽ
  3. ആർ.എൽ. ഹരിലാൽ (14 August 2013). "ചരിത്രപുരുഷൻ". മാതൃഭൂമി. മൂലതാളിൽ നിന്നും 2014-11-04-ന് ആർക്കൈവ് ചെയ്തത്. ശേഖരിച്ചത് 4 November 2014.
"https://ml.wikipedia.org/w/index.php?title=എം.ജി.എസ്._നാരായണൻ&oldid=2914442" എന്ന താളിൽനിന്ന് ശേഖരിച്ചത്