കുഴൂർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Kuzhoor എന്ന താളിൽ നിന്നും തിരിച്ചുവിട്ടതു പ്രകാരം)

കേരളത്തിലെ തൃശൂർ ജില്ലയിൽ മാള ബ്ലോക്ക് പഞ്ചായത്തിലെ കുഴൂർ ഗ്രാമപഞ്ചായത്തിന്റെ ആസ്ഥാനം സ്ഥിതിചെയ്യുന്ന ഗ്രാമമാണ് കുഴൂർ. തൃശ്ശൂർ നഗരത്തിൽനീന്ന്, ഏകദേശം 40 കിലോമിറ്റർ ദൂരത്തിലും എറണാകുളം നഗരത്തിൽനിന്ന്, ഏകദേശം 35 കിലോമീറ്റർ ദൂരത്തിലുമായാണ് കുഴൂർ സ്ഥിതിചെയ്യുന്നത്. ഭാരതസർക്കാർ, പത്മഭൂഷൺ നൽകി ആദരിച്ച പഞ്ചവാദ്യകുലപതി കുഴൂർ നാരായണ മാരാർ ജനിച്ചതും വളർന്നതും ഈ ഗ്രാമത്തിലാണ്. കേരളത്തിൽനിന്ന് അന്താരാഷ്ട്രപ്രശസ്തിയാർജ്ജിച്ച കരിന്തലക്കൂട്ടം എന്ന മ്യൂസിക് ബാൻഡ് പിറവിയെടുത്തത് ഈ ഗ്രാമത്തിൽനിന്നാണ്.[1]

ഐതിഹ്യം[തിരുത്തുക]

കുഴൂർ എന്ന സ്ഥലനാമത്തിനുപിന്നിൽ ചരിത്രവും ഐതിഹ്യവും കൂടിക്കലർന്ന നിഗമനങ്ങൾ നിലവിലുണ്ട്. പണ്ട്, ചാലക്കുടിപ്പുഴ പൂവ്വത്തുശ്ശേരിയിൽവച്ചു പടിഞ്ഞാറോട്ടു തിരിഞ്ഞ് ഐരാണിക്കുളംവഴി ഒഴുകിയാണ്, അറബിക്കടലിൽപ്പതിച്ചിരുന്നതെന്നത്. പിന്നീട്, പുഴ ഗതിമാറി, പൂവ്വത്തുശ്ശേരിയിൽവച്ചു തെക്കോട്ടുതിരിഞ്ഞ്, ഒഴുകിമാറിപ്പോന്ന സ്ഥലമാകാം ഇന്നത്തെ തിരിപ്പറമ്പ്. ആ ഗതിമാറ്റംമൂലം ആറാട്ടുകടവിൽ രൂപംകൊണ്ട അഗാധമായ ചുഴിയിൽനിന്നുയർന്നുവന്ന ഊര് ചുഴിയൂർ ആയെന്നും അതല്ല കുഴിയിൽനിന്നു രൂപപ്പെട്ട ഊര് കുഴിയൂർ ആയിയെന്നും കാലക്രമത്തിൽ ഇതു കുഴൂരായിമാറിയെന്നുമാണ് ഐതിഹ്യം. കുഴൂർ പഞ്ചായത്തിലെ ഐരാണിക്കുളം വളരെ പ്രസിദ്ധമാണ്. 32 മൂലഗ്രാമങ്ങളിലൊന്നായി കേരളോൽപത്തിയിൽ ഐരാണിക്കുളം പരാമർശിക്കപ്പെടുന്നുണ്ട്. 1500 വർഷത്തിലേറെ പഴക്കമുള്ള ഐരാണിക്കുളം ക്ഷേത്രംതന്നെ ഈ നദീതടത്തിലെ മനുഷ്യസംസ്കാരത്തിന്റെ പഴമയാണു കാണിക്കുന്നത്. [2]

വെള്ളപ്പൊക്കം[തിരുത്തുക]

2018 ആഗസ്റ്റ് മാസത്തിലുണ്ടായ മഹാമാരി കുഴൂർഗ്രാമത്തെ വെള്ളത്തിലാക്കി. ചാലക്കുടിപ്പുഴ കരകവിഞ്ഞൊഴുകി, മിക്ക പ്രദേശങ്ങളും വെള്ളതിനടിയിലായി. പ്രളയസമയത്തെ പെരുന്നാൾദിനത്തിൽ, കൊച്ചുകടവ് മഹല്ലിൽപ്പെട്ട ഇസ്ലാംവിശ്വാസികൾ പെരുന്നാൾ നമസ്കാരംനടത്തിയത് എരവത്തൂർ പുറപ്പിള്ളിക്കാവ് ക്ഷേത്രത്തിൻ്റെ ഓഡിറ്റോറിയത്തിലായിരുന്നുവെന്നത് ഈ ഗ്രാമത്തിലെ ജനങ്ങളുടെ സാമൂഹികൈത്തിനുദാഹരണമാണ്.

Kerala flooding, An image from Kuzhur Village 1

കുഴൂർ മേരി ഇമ്മാക്കുലേറ്റ് പള്ളിയുടെ പാരിഷ് ഹാളിൽ പ്രവർത്തിച്ചിരുന്ന ദുരിതാശ്വാസക്യാമ്പ് Kuzhur Mary Immaculate parish hall 2018 August 17 കാർഷികഗ്രാമമായ കുഴൂർ പൂർണ്ണമായും നശിച്ചനിലയിലായിരുന്നു. കന്നുകാലികൾ, ക്യഷി എന്നിവ പൂർണ്ണമായും നഷ്ടപ്പെട്ടു.

[3]

വിദ്യാലയങ്ങൾ[തിരുത്തുക]

സ്ഥാപനങ്ങൾ[തിരുത്തുക]

  • കുഴൂർ ഗ്രാമീണ വായനശാല.1936-ൽ സ്ഥാപിക്കപ്പെട്ട കുഴൂർ ഗ്രാമീണവായനശാല, ഇവിടുത്തെ സാംസ്കാരിക പ്രവർത്തനങ്ങളുടെ കേന്ദ്രമാണ്.[4]
  • ഗ്രാമപഞ്ചായാത്ത് ഓഫീസ് - കുഴൂർ ഗ്രാമപഞ്ചായത്തിന്റെ ഓഫീസും സർക്കാർ ഹൈസ്കൂളും ഒരു ക്യാമ്പസിൽത്തന്നെ സ്ഥിതിചെയ്യുന്നു.
  • കാക്കുളിശ്ശേരി വില്ലേജ് ഓഫീസ് ആസ്ഥാനവും ഇവിടെയാണ്.

പ്രധാനവ്യക്തികൾ[തിരുത്തുക]

ഭാരതസർക്കാർ, 2010ൽ പത്മഭൂഷൺനൽകിയാദരിച്ച പഞ്ചവാദ്യകുലപതിയാണ്, കുഴൂർ നാരായണമാരാർ.

മലയാളചലച്ചിത്രനിരൂപകനും മുതിർന്ന മാദ്ധ്യമപ്രവർത്തകനുമായ ഗോപി കുഴൂർ കുഴൂർനിവാസിയാണ്.

പ്രശസ്തനായ ന്യൂറോളജിസ്റ്റും വേദപണ്ഡിതനുമായിരുന്ന ഡോ. ടി. ഐ. രാധാകൃഷ്ണന്റെ ജന്മദേശമാണു കുഴൂർ. കേരളകലാമണ്ഡലം ചെയർമാൻ, വൈലോപ്പിള്ളി സ്മാരക സമതി ചെയർമാൻതുടങ്ങി നിരവധി സാംസ്കാരിക സ്ഥാപനങ്ങളുടെ നേതൃത്വസ്ഥാനത്ത് അദ്ദേഹം പ്രവർത്തിച്ചിരുന്നു.

കവിയും സാഹിത്യത്തിനുള്ള കേരളസംസ്ഥാന യൂത്ത് ഐക്കൺ പുരസ്ക്കാരജേതാവുമായ കുഴൂർ വിൽസൺ ജനിച്ചതും വളർന്നതും കുഴൂരിലാണ്.

പ്രശസ്തനായ മലയാളചലച്ചിത്രനടൻ ജോജു ജോർജ്ജും കുഴൂർ സ്വദേശിയാണ്.

ആരാധനാലയങ്ങൾ[തിരുത്തുക]

സമീപപ്രദേശങ്ങൾ[തിരുത്തുക]

എത്തിച്ചേരാനുള്ള വഴി[തിരുത്തുക]

  • ഏറ്റവുമടുത്ത ബസ്സ്സ്റ്റേഷനുകൾ

ചാലക്കുടി -18 കിലോമീറ്റർ അങ്കമാലി -13 കിലോമീറ്റർ

തൃശ്ശൂർ - 40 കിലോമീറ്റർ

ഇരിങ്ങാലക്കുട - 27 കിലോമീറ്റർ

ആലുവ - 18 കിലോമീറ്റർ

  • ഏറ്റവുമടുത്ത റെയിൽ‌വേസ്റ്റേഷനുകൾ

അങ്കമാലി 13 കിലോമീറ്റർ

ചാലക്കുടി - 18 കിലോമീറ്റർ,

തൃശ്ശൂർ - 40 കിലോമീറ്റർ

ഇരിങ്ങാലക്കുട - 27 കിലോമീറ്റർ

ആലുവ - 18 കിലോമീറ്റർ

  • ഏറ്റവുമടുത്ത വിമാനത്താവളം

കൊച്ചി അന്താരാഷ്ട്ര വിമാനത്താവളം - 16 കിലോമീറ്റർ

അവലംബം[തിരുത്തുക]

  1. https://www.thehindu.com/news/national/kerala/18-feet-of-holy-distance/article8007086.ece
  2. https://www.facebook.com/%E0%B4%AA%E0%B5%81%E0%B4%A4%E0%B4%BF%E0%B4%AF-%E0%B4%95%E0%B5%81%E0%B4%B4%E0%B5%82%E0%B5%BC-%E0%B4%AA%E0%B5%8D%E0%B4%B0%E0%B4%B3%E0%B4%AF%E0%B4%BE%E0%B4%A8%E0%B4%A8%E0%B5%8D%E0%B4%A4%E0%B4%B0-%E0%B4%AA%E0%B5%81%E0%B4%A8%E0%B5%BC%E0%B4%A8%E0%B4%BF%E0%B5%BC%E0%B4%AE%E0%B5%8D%E0%B4%AE%E0%B4%BE%E0%B4%A3-%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF-320384338729701/?__xts__[0]=68.ARBVcjqZv-yGVTncuDopQdFzAJ_uBJmC2DyKocP6ELE4PNyS6BinSiMleGtP8BQRbB4XPnlqERceAYcp_GLyej3Bj_PDpOgq2SrDKlt7d0AmXujW6fzEcLbJLOSb8v7Jo73xyI_BOep0cG9gdMolz8BkqH8xCP4-gILdVCoqljNU7jgekxv9&__xts__[1]=68.ARBUlLaJ7vpFG6C6dD--Ges-Uajrr6J-DJ6Ym3nVcf_L5Rh6Jx8UCR3yAZeBva4tnmsQEulTsPchIw68fp5c25yRCm0YxdgosVCYaX1BUuZ-8XfuZZH25d7c17Wwc6NhUfxgaz2Qa21EYYCA0xL4fCxcJ4sZpk1JTeS6dKVn7jTlb1pONAvB&hc_ref=ARTnQU5Lf7NpZzMP1cvcMp9cVGpzLCD0PVPMpLCkCEInqs7xAfx2cuezwEHtEgelO5A&fref=nf&__tn__=kC-R
  3. https://www.youtube.com/watch?v=hb1EbHige4s'ഇനി വീട്ടിൽ ബാക്കിയൊന്നുമില്ല; എല്ലാം ആദ്യംമുതൽ തുടങ്ങണം'-കണ്ണീരോടെ കുഴൂർനിവാസികൾ
  4. "ആർക്കൈവ് പകർപ്പ്". Archived from the original on 2021-09-20. Retrieved 2018-08-15.
"https://ml.wikipedia.org/w/index.php?title=കുഴൂർ&oldid=3930942" എന്ന താളിൽനിന്ന് ശേഖരിച്ചത്