കുറുമർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Kudumbi എന്ന താളിൽ നിന്നും തിരിച്ചുവിട്ടതു പ്രകാരം)
ഒരു കുറുമ്പ്ര കുടുംബം

കേരളത്തിലെ പാലക്കാട്, കണ്ണൂർ, കോഴിക്കോട് ജില്ലകളുടെ വനപ്രദേശങ്ങളിൽ വസിക്കുന്ന ഗിരിവർഗ്ഗ ജനവിഭാഗമാണു കുറുമർ. ആദ്യകാല ചേരരാജാക്കന്മാരിൽ ചിലർ കുറുമരായിരുന്നു എന്ന് സംഘകാല കൃതികളിൽ സൂചനകൾ ഉണ്ട്. വേട രാജാക്കന്മാരിൽ പ്രസിദ്ധനായ തിണ്ണൻ (ചേക്കിഴാർ പുരാണം) കുറുമരുടെ പൂർവികനായിരുന്നു. വയനാട്ടിൽ മുള്ളവക്കുറുമർ, തേൻകുറുമർ (കാട്ടുനായ്ക്കർ), ഊരാളിക്കുറുമർ (വെട്ടുവക്കുറുമർ) എന്നിങ്ങനെ മൂന്നു വിഭാഗം കുറുമരുണ്ട്.[1] നീലഗിരിമലകളിലും വയനാട്ടിലും ഇവർ അധിവസിക്കുന്നുണ്ട്.

ചരിത്രം[തിരുത്തുക]

1891 ലെ മൈസൂർ ജനസംഖ്യ റിപ്പോർട്ട് പറയുന്നത് കടു, കുറുബ, അല്ലെങ്കിൽ കുറുംബ ഒരേ ഗോത്രവംശക്കാരാണെന്നാണ്.  ഡബ്ല്യു. ആർ. കിങ്ങ്. ( അബോറിജിനൽ ട്രൈബ്സ് ഓഫ് ദ നീലഗിരി ഹിൽസ്)  കുറുംബർ കുറുബരിൽ നിന്നും കടുവിൽ നിന്നും വ്യത്യസ്തരാണെന്ന് അഭിപ്രായപ്പെടുന്നു. ജി . ഓപ്പെർട്ടിന്റെ ( ഒറിജിനൽ ഇൻഹാബിറ്റന്റ് ഒഫ് ഇന്ത്യ) അഭിപ്രായത്തിൽ കുറുബരും കുറുംബരും വ്യത്യസ്തരും ദ്രവിഡിയൻ കുടുംബത്തിൽ ചിതറിക്കിടക്കുന്നവരുമാണ്. [2]

വിഭാഗങ്ങൾ[തിരുത്തുക]

വയനാട്ടിൽ മൂന്നു വിഭാഗം കുറുമരുള്ളതായി കാണുന്നു. മുള്ള കുറുമർ, തേൻ കുറുമർ ഊരാളി കുറുമർ എന്നീ വിഭാഗങ്ങൾ ആണവ. മൈസൂരിലെ കാടുകാറ്കുറുംബർക്ക് രണ്ട് വിഭാഗങ്ങൾ ഉണ്ട്. ബെട്ടാഡ എന്നു ജേണു എന്നുമാണ് ഈ വിഭാഗങ്ങൾ അറിയപ്പെടുന്നത്. ബെട്ടാഡർ നാരാളി എന്നും മസ്തമ്മ എന്നുമുള്ള കുലദേവതമാരെ ആരാധിക്കുന്നു. ഇവർ മാംസം ഭക്ഷിക്കുക്കയും മദ്യപിക്കുകയും ചെയ്യും. റാഗി യാണ് പ്രധാനമായും ഉപയോഗിച്ചിരിക്കുന്നത്.

കാടു കുറുംബർക്ക് ജാതിയിൽ അവരേക്കാൾ ഉയർന്നവർ ഭക്ഷണം പാകം ചെയ്ത് കൊടുത്താലേ ഭക്ഷിക്കാനാകുമായിരുന്നുള്ളു. തീണ്ടാരിയാകുന്ന അവസ്ഥയിൽ പെണ്ണുങ്ങൾ പ്രത്യേകം നിർമ്മിച്ച കുടിലുകളിൽ 3 ദിവസം ചിലവഴിക്കുന്നു. പ്രസവ വേളയിലും ഈ കുടിലുകളിൽ വയറ്റട്ടിയൊഴികെ ആർക്കും പ്രവേശനവും അനുവദിക്കാറില്ല

കുറുമരുടെ ഭാഷക്ക് കന്നടയുമായി ചെറിയ സാമ്യമുണ്ട്. താഴെ കൊടുത്ത പദങ്ങൾ ശ്രദ്ധിക്കുക:

അജ്ജി-അമ്മൂമ്മ, അജ്ജൻ-അപ്പൂപ്പൻ, പൊണമകെ-ഭാര്യ, കുട്നന്നിവള്-ഭർത്താവ്, അക്കൻ-ചേച്ചി, അണ്ണു-ചേട്ടൻ

ആരാധന[1][തിരുത്തുക]

കരിയാത്തൻ, പാക്കദൈവം, പൂതൻ, മുത്തപ്പൻ, കാളി ,അയ്യപ്പൻ, മാരിയമ്മ എന്നിവരാണ് കുറുമരുടെ പ്രധാന ആരാധനാ മൂർത്തികൾ. പ്രാചീന ഗോത്രവർഗ്ഗ രീതിയിൽ, മരച്ചുവട്ടിൽ കല്ലുകൾ ചാരിവച്ച് ആണ് ആരാധന. തേൻകുറുമരുടെ ആരാധന നടത്തുന്ന സ്ഥലം മണ്ടാഗ എന്നാണ് അറിയപ്പെടുന്നത്. ഗുളികൻ, ഉടയന്മാർ, കരിയാത്തൻ, കുട്ടിച്ചാത്തൻ, കരിങ്കാളിയമ്മ എന്നിവരാണു തേൻകുറുമരുടെ കുലദൈവങ്ങൾ.

അവലംബം[തിരുത്തുക]

  1. 1.0 1.1 "അരികുവൽക്കരിക്കപ്പെട്ട ആദിവാസി സമൂഹത്തിലെ സ്ത്രീ ജീവിതങ്ങൾ". https://www.keralawomen.gov.in/. {{cite web}}: External link in |website= (help)
  2. Thurston, Edgar, Rangachari, K. (1855–1935). Castes and tribes of southern India. Madras : Government Press.{{cite book}}: CS1 maint: date format (link) CS1 maint: multiple names: authors list (link)
"https://ml.wikipedia.org/w/index.php?title=കുറുമർ&oldid=3429700" എന്ന താളിൽനിന്ന് ശേഖരിച്ചത്