കോട്ടയം പുഷ്പനാഥ്

ഇംഗ്ലീഷ് വിലാസം

https://ml.wikipedia.org/wiki/Kottayam_Pushpanath

കോട്ടയം പുഷ്പനാഥ്
ജനനം	(1937-05-14)14 മേയ് 1937 കോട്ടയം, കേരള, ഇന്ത്യ
മരണം	2 മേയ് 2018(2018-05-02) (80 വയസ്സ്) കോട്ടയം
തൂലികാ നാമം	കോട്ടയം പുഷ്പനാഥ്
തൊഴിൽ	നോവലിസ്റ്റ്
ദേശീയത	ഇന്ത്യൻ
Genre	അപസർപ്പക നോവൽ
ശ്രദ്ധേയമായ രചന(കൾ)	ചുവന്ന മനുഷ്യൻ
പങ്കാളി	മറിയാമ്മ പുഷ്പനാഥ്
കുട്ടികൾ	സലിം പുഷ്പനാഥ്, സിനു പുഷ്പനാഥ്, ജമീല പുഷ്പനാഥ്
വെബ്സൈറ്റ്
www.kottayampushpanath.com

കോട്ടയം പുഷ്പനാഥ് മലയാളത്തിലെ ഡിറ്റക്ടീവ്, ക്രൈം, ഹൊറർ, മാന്ത്രികം തുടങ്ങിയ നോവൽ സാഹിത്യത്തിലെ അത്യപൂർവമായ വിഭാഗങ്ങൾ സമ്മാനിച്ച എഴുത്തുകാരനാണ്. മലയാള ഫിക്ഷന്റെ പിതാവ് എന്നും, ഇന്ത്യയിലെ ആർതർ കോനൻ ഡോയൽ എന്നും അദ്ദേഹം അറിയപ്പെടുന്നു. 1968-ൽ പ്രസിദ്ധീകരിച്ച സയന്റിഫിക് ത്രില്ലർ നോവൽ 'ചുവന്ന മനുഷ്യൻ' അദ്ദേഹത്തിന്റെ ആദ്യ കൃതിയാണ്. ഇത് നിരവധി സർവ്വകലാശാലകളിലെ ബിരുദപഠനത്തിനായി പാഠ്യപദ്ധതിയിൽ ഉൾപ്പെടുത്തിയിട്ടുണ്ട്. ഇവയിൽ ഏറെയും പുസ്തകരൂപത്തിൽ പുറത്തു വന്നവയാണെങ്കിലും ചിലതെല്ലാം വാരികകളിൽ പരമ്പരയായി പ്രസിദ്ധീകരിക്കപ്പെട്ടവയാണ്. യൂറോപ്യൻ പാശ്ചാത്തലമാണ് കൂടുതൽ രചനകൾക്കും നൽകിയിട്ടുള്ളത്. ഒരു സ്വകാര്യ കുറ്റാന്വേഷകനായ ഡിറ്റക്റ്റീവ് മാർക്സിനെ കേന്ദ്ര കഥാപാത്രമാക്കിയാണ് ആ പശ്ചാത്തലത്തിലുള്ള ഭൂരിഭാഗം കൃതികളും രചിച്ചിട്ടുള്ളത്. "കോട്ടിന്റെ പോക്കറ്റിൽ കയ്യിട്ട് സിഗാർ ലൈറ്റർ എടുത്തു ഡിറ്റക്ടീവ് മാർക്സിൻ ഒരു ഹാഫ് എ കോറോണയ്ക്ക് തീ കൊളുത്തി." എന്ന വാചകം വളരെ പ്രസിദ്ധമാണ്. ഇന്ത്യൻ സാഹചര്യങ്ങൾ പശ്ചാത്തലമാക്കി രചിച്ച ഭൂരിഭാഗം നോവലുകളിലും  ഡിറ്റക്ടീവ് പുഷ്പരാജ് ആയിരുന്നു പ്രധാന കഥാപാത്രം.

പുഷ്പനാഥ് മലയാളത്തിൽ മാത്രമല്ല, ഇതര ഭാഷാ സാഹിത്യത്തിലും പ്രതിഭ തെളിയിച്ച എഴുത്തുകാരനാണ്. അദ്ദേഹത്തിന്റെ രചനകൾ തമിഴ്, തെലുങ്ക്, കന്നഡ, ഹിന്ദി, ഗുജറാത്തി, ബംഗാളി ഭാഷകളിലേക്ക് പരിഭാഷ ചെയ്യപ്പെട്ടുണ്ട്. ഇതിലൂടെ അദ്ദേഹം ഭാരതീയ സാഹിത്യത്തിന്റെ മഹത്തായ പ്രതിനിധിയായി മാറി. പുഷ്പനാഥിന്റെ കഥകൾ ആ ഭാഷകളിലെ വായനക്കാരെ ആകർഷിക്കുകയും സസ്‌പെൻസ് നിറഞ്ഞ അനുഭവങ്ങൾ നൽകുകയും ചെയ്തു. ഇത് മലയാള സാഹിത്യത്തെ ദേശീയ തലത്തിൽ പരിചയപ്പെടുത്താനും, മറ്റു ഭാഷ, കൃതികളുമായി ബന്ധിപ്പിക്കാനും സഹായിച്ചു.

അദ്ദേഹം ബ്രാം സ്റ്റോക്കറുടെ 'ഡ്രാക്കുള', സർ ആർതർ കോനൻ ഡോയലിന്റെ 'ഹൗണ്ട് ഓഫ് ദി ബാസ്‌കർവിൽസ്', 'ദി ലോസ്റ്റ് വേൾഡ്' എന്നിവ മലയാളത്തിലേക്ക് പരിഭാഷ ചെയ്തു. പുഷ്പനാഥിന്റെ ഈ പരിഭാഷകൾ ലോക സാഹിത്യത്തെ ഇന്ത്യൻ വായനക്കാർക്ക് സമീപം കൊണ്ടുവന്ന് ആഗോള കഥാരചനയുടെ സൗന്ദര്യം ആസ്വദിക്കാനുള്ള അവസരങ്ങൾ ഒരുക്കി. ഡ്രാക്കുളയുടെ പരിഭാഷ, നോവലിന്റെ ഭയാനകമായ അന്തരീക്ഷം നിലനിർത്തുകയും, പ്രാദേശിക പ്രേക്ഷകർക്ക് പ്രാപ്യവും അപ്രാപ്യവുമായ അനുഭവങ്ങൾ നൽകുകയും ചെയ്തു. അദ്ദേഹത്തിന്റെ മറ്റ് പ്രശസ്ത കൃതികളായ 'സൗപർണ്ണിക' തമിഴിൽ പരമ്പരയാക്കി. 'ബ്രഹ്മരക്ഷസ്സ്', 'ചുവന്ന അങ്കി' തുടങ്ങിയ നോവലുകൾ ഇതര ഭാഷകളിൽ ചലച്ചിത്രങ്ങളാക്കി, പിന്നീട്, ടെലിവിഷൻ സീരിയലുകൾ, കോമിക് ബുക്കുകൾ പോലുള്ള വിവിധ മാധ്യമങ്ങളിലേക്കും വ്യാപിച്ചു.

സാധാരണക്കാരായ വായനക്കാരെ ആകർഷിക്കുന്ന തരത്തിലുള്ള വാചകങ്ങളാണ് കോട്ടയം പുഷ്പനാഥ് നോവലുകളുടെ പ്രത്യേകത. എല്ലാത്തരം ആളുകളും വായിക്കുകയെന്ന ഉദ്ദേശത്തോടെ നോവൽ എഴുതിയിരുന്നത് കൊണ്ട് ആർക്കും എളുപ്പം മനസ്സിലാവുന്ന തരത്തിലുള്ളതായിരുന്നു നോവലിൻ്റെ ഘടനയും ഭാഷയും. നോവലുകൾ വായിച്ചു തുടങ്ങുന്നവർക്കും ആഴ്ചപ്പതിപ്പുകളുടെ വരിക്കാർക്കും കോട്ടയം പുഷ്പനാഥ് നോവലുകൾ പ്രിയപ്പെട്ടതായിരുന്നു. എഴുത്തുകാരനൊപ്പംതന്നെ കഥാപാത്രങ്ങൾക്കും ആരാധകരുണ്ടായി എന്നതാണ് പ്രത്യേകതയുള്ള ഒരു  കാര്യം. അക്കാലത്ത് മാർക്സിനും പുഷ്പരാജും വായനക്കാരുടെ ഇഷ്ടവും ആവേശവുമായിരുന്ന കഥാപാത്രങ്ങളാണ്.

2018 മേയ് 2 നു ബുധനാഴ്ച വാർധക്യസഹജമായ രോഗങ്ങളാൽ കോട്ടയത്തെ സ്വവസതിയിൽ വച്ച് കോട്ടയം പുഷ്പനാഥ് അന്തരിച്ചു. മൃതദേഹം ചാലുകുന്ന് സിഎസ്‌ഐ പള്ളി സെമിത്തേരിയിൽ സംസ്കരിച്ചു.

ജീവിതരേഖ

കേരളത്തിലെ കോട്ടയം ജില്ലയിൽ ജനിച്ച അദ്ദേഹം കേരള യൂണിവേഴ്സിറ്റിയിൽ നിന്നും ചരിത്രത്തിൽ ബിരുദം നേടി. കോട്ടയം കേബ്രിഡ്ജ്  നിക്കോൾസൺ ഇൻസ്റ്റിറ്റ്യൂട്ട് (CNI) ടീച്ചേർസ് ട്രെയിനിംഗ് ഇൻസ്റ്റിറ്റ്യൂട്ടിൽ നിന്നും ടി ടി സി പൂർത്തിയാക്കി കോഴിക്കോട് കൊടിയത്തൂർ സ്‌കൂളിൽ അദ്ധ്യാപകനായി ഔദ്യോഗിക ജീവിതം ആരംഭിച്ചു. പിന്നീട് ഗവ. ഹൈസ്‌കൂൾ ദേവികുളം, ഗവ. ഹൈസ്‌കൂൾ കല്ലാർകുട്ടി, കോട്ടയം മെഡിക്കൽ കോളേജ് ഗവ. ഹൈസ്‌കൂൾ, ഗവ. ഹൈസ്‌കൂൾ നാട്ടകം, ഗവ. ഹൈസ്‌കൂൾ കാരാപ്പുഴ എന്നിവിടങ്ങളിൽ ചരിത്രാദ്ധ്യാപകനായി സേവനമനുഷ്ഠിച്ചു. കുട്ടിക്കാലത്ത് കോട്ടയം എം. ടി സെമിനാരി സ്‌കൂളിൽ പഠിക്കുമ്പോൾ സ്കൂൾ മാഗസിനിൽ  'തിരമാല' എന്ന ചെറുകഥ രചിച്ചുകൊണ്ട് എഴുത്തിലേക്ക് കടന്നു. പിന്നീട് അര നൂറ്റാണ്ടിലേറെ നീണ്ട ശ്രദ്ധേയമായ സാഹിത്യജീവിതത്തിൽ 350-ലധികം കൃതികൾ രചിച്ചു. മറിയാമ്മയാണ് ഭാര്യ. പരേതനായ ഫോട്ടോഗ്രാഫർ സലിം പുഷ്പനാഥ്, സീനു പുഷ്പനാഥ്, ജമീല പുഷ്പനാഥ് എന്നിവരാണ് മക്കൾ.

കൃതികൾ

മുന്നൂറ്റമ്പതോളം നോവലുകൾ ഇദ്ദേഹം എഴുതിയിട്ടുണ്ട്. പല കൃതികൾക്കും റീപ്രിന്റ് ഉണ്ടായിട്ടുണ്ട്. തമിഴ്, തെലുങ്ക്, കന്നഡ എന്നീ ഭാഷകളിലേയ്ക്ക് പല നോവലുകളും തർജ്ജമ ചെയ്തിട്ടുണ്ട്. ബ്രഹ്മരക്ഷസ്സ്, ചുവന്ന അങ്കി എന്നീ കൃതികൾ ചലച്ചിത്രമാക്കപ്പെട്ടിട്ടുണ്ട്. പുഷ്പനാഥിന്റെ എല്ലാ സൃഷ്ടികളുടെയും റോയൽറ്റി, കോട്ടയം പുഷ്പനാഥ് പബ്ലിക്കേഷൻസിന്റെ നിലവിലെ സാരഥിയായ അദ്ദേഹത്തിന്റെ കൊച്ചുമകൻ റയാൻ പുഷ്പനാഥിനാണുള്ളത്.

• ചുവന്ന മനുഷ്യൻ
• കർദ്ദിനാളിന്റെ മരണം
• നെപ്പോളിയന്റെ പ്രതിമ
• യക്ഷിയമ്പലം
• രാജ്കോട്ടിലെ നിധി
• ലണ്ടൻ കൊട്ടാരത്തിലെ രഹസ്യങ്ങൾ
• ദി ബ്ലെയ്ഡ്
• ബ്രഹ്മരക്ഷസ്സ്
• ടൊർണാഡോ
• ഗന്ധർവ്വയാമം
• ദേവയക്ഷി
• ദി മർഡർ
• നീലക്കണ്ണുകൾ
• ട്രിപ്പിൾ എക്സ്
• സിംഹം
• മന്ത്രമോഹിനി
• മോണാലിസയുടെ ഘാതകൻ
• തുരങ്കത്തിലെ സുന്ദരി
• ഭീകരമനുഷ്യൻ
• ഓവർ ബ്രിഡ്ജ്
• നാഗച്ചിലങ്ക
• നാഗമാണിക്യം
• മർഡർ ഗാങ്ങ്
• ഡെവിൾ
• ഡ്രാക്കുളക്കോട്ട
• നിഴലില്ലാത്ത മനുഷ്യൻ
• ലേഡീസ് ഹോസ്റ്റലിലെ ഭീകരൻ
• ടെലിഫോണിൽ തൊടരുത്
• റെഡ് റോബ്
• ഡയൽ 0003
• ഡെവിൾസ് കോർണർ
• ഡൈനോസറസ്
• പാരലൽ റോഡ്
• ലെവൽ ക്രോസ്
• ഡ്രാക്കുളയുടെ അങ്കി
• ഹിറ്റ്ലറുടെ തലയോട്
• സന്ധ്യാരാഗം
• തിമൂറിന്റെ തലയോട്
• സർപ്പക്കാവിൽ പ്രേതം
• പേടകം
• ജന്തു
• ഡ്രാക്കുള ഏഷ്യയിൽ
• ബർമുഡ ട്രയാംഗിൾ
• മരണം പതിയിരിക്കുന്ന താഴ്വര
• ലൂസിഫർ
• ദേവദൂതിക
• ഫറവോന്റെ മരണമുറി
• ഫ്ലൈയിങ് സോസർ
• പ്ലൂട്ടോയുടെ കൊട്ടാരം
• ഹിറ്റ്‌ലർ വീണ്ടും വരുന്നു
• ദി മർഡർ
• മരണമില്ലാത്തവൻ
• ഒളിമ്പസ്സിലെ രക്തരക്ഷസ്സ്
• ചോരയ്ക്ക് ചോര
• താണ്ഡവം
• സൂക്ഷിക്കുക അവൻ പിന്നിലുണ്ട്
• ഡെത്ത് റെയ്‌സ്
• ഡയമണ്ട് ഗേൾ
• പ്രൊജെക്ട് 90
• ഡത്ത് സർക്കിൾ
• രുദ്ര താണ്ഡവം
• കമ്പ്യൂട്ടർ ഗേൾ \
• രാജ്‌കോട്ടിലെ നിധി
• ഡെവിൾസ് ഐലന്റ്
• ഡിറ്റക്ടീവ് മാർക്സിനും ഭീകരസത്വവും
• ദേവഗന്ധർവൻ
• ഡ്രാക്കുളയുടെ നിഴലിൽ
• അവൻ വരുന്നു
• ഡ്രാക്കുളയുടെ മകൾ
• ഡ്രാക്കുള ഉണരുന്നു
• നാലാം വളവിലെ നാഗസുന്ദരി
• മത്സ്യമനുഷ്യൻ
• പടകാളിമുറ്റം
• സൂര്യരഥം
• ഡ്രാക്കുളയുടെ രക്തം
• പിശാചിന്റെ രക്തം
• ഡ്രഗ്‌സ്
• തൈമൂറിൻറെ തലയോട്
• സി. ബി. ഐ
• റിട്ടേൺ ഓഫ് ഡ്രാക്കുള
• ലൂസിഫറുടെ മകൻ
• ജരാസന്ധൻ
• കാർട്രിജ്
• നീലരക്തം
• യുവതികളെ വിൽക്കുന്ന കൊലയാളി
• ദി ബോംബ്
• രഹസ്യം
• ഗരുഡൻ
• ബ്ലാക്ക് ഡ്രാഗൺ
• ഡെഡ് ലോക്ക്
• 50 ലക്ഷം
• ചുവന്ന നീരാളി
• ഹോം നഴ്‌സിന്റെ മരണം
• റിവഞ്ച്
• ആറുവിരൽ
• കഴുകൻ
• കിങ് കോബ്രാ
• ആൾമാറാട്ടം
• രാത്രിയിൽ വരുന്ന അതിഥി
• രാജസ്ഥാനിലെ കൊലപാതകം
• ദി ഡെവിൾസ്  
• മർഡർ ഗാങ്
• ഡഡ്‌ലി ഹാർട്ട്
• പിശാചിൻറെ കോട്ട
• ബംഗ്ലാവ് വിൽക്കാനുണ്ട്
• ചുവന്ന അങ്കി
• യക്ഷിമന  
• മരണഗോളം
• ലേഡീസ് ഹോസ്റ്റലിലെ മരണം
• കഴുകൻറെ നിഴൽ
• അപ്സരസ്സ്
• ദി ജീപ്പ്
• ഡിറ്റക്ടീവ് മാർക്സിൻ
• തിരമാലകൾ അണയാത്ത തീരങ്ങൾ
• ഒരു താരത്തിൻറെ രഹസ്യം
• അഗ്നി
• മഫിയ സീക്രട്ട്
• ദുർഗ്ഗാക്ഷേത്രം
• സ്കൈ ലാബ്
• ഗില്ലറ്റിൻ
• പാഞ്ചാലി
• ഡെത്ത് ഹൌസ്
• രക്തംപുരണ്ട രാത്രികൾ
• വാർഡ് നമ്പർ 9
• ഓപ്പറേഷൻ സ്പെയ്സ് റോക്കറ്റ്
• ഡ്രാക്കുള ബ്രസീലിൽ
• കടൽകഴുകൻ
• അഗ്നിമനുഷ്യൻ
• ബെർമുഡ ട്രയാംഗിൾ
• കരിനാഗം
• മരണമാളിക
• അഡ്വക്കേറ്റ് അറസ്റ്റിൽ
• ഡെവിൾസ് ട്രാപ്പ്
• ദ ബ്ലെയ്ഡ്
• മോഹജ്വാലകൾ
• ദേവകിടീച്ചർ
• രണ്ടാമതൊരാൾ
• പ്രതികാരദാഹി
• ചുവന്ന നക്ഷത്രം
• ചുവന്ന കൈകൾ
• അഗ്നിപേടകം
• സൂര്യ സംഹാരം
• രാജേന്ദ്രൻ കൊലക്കേസ്
• ഡെത്ത് സർക്കിൾ
• പോലീസ് ജീപ്പ് (1986, പൗരദ്ധ്വനി വാരികയിൽ)
• ഡിറ്റക്റ്റീവ് മാർക്സിനും ഭീകരസത്വവും
• മോഹജ്വാലകൾ
• മരണമാളിക
• വീണ്ടും ഗായത്രി
• പ്രസവവാർഡ്
• സാത്താൻ ഉറങ്ങുന്നില്ല
• എഴുന്നള്ളത്ത്

പുറത്തേക്കുള്ള കണ്ണികൾ

• പുഴ.കോം താൾ Archived 2007-08-18 at the Wayback Machine
• ഡിറ്റക്റ്റീവ് പുഷ്പനാഥ് സ്പീക്കിങ്ങ് - ദേശാഭിമാനി വാരാന്തപ്പതിപ്പ്
• https://www.facebook.com/kottayampushpanath.official