കപിലവസ്തു

ഇംഗ്ലീഷ് വിലാസം

https://ml.wikipedia.org/wiki/Kapilavastu

Procession of king Suddhodana from Kapilavastu, proceeding to meet his son the Buddha walking in mid-air (head raised at the bottom of the panel), and to give him a Banyan tree (bottom left corner). The dream of Maya at the top of the panel is a sure marker of Kapilavastu. Sanchi.

Maya's dream of an elephant during her conception of the Buddha, an identifier of the city of Kapilavastu.

ഇന്ത്യൻ ഉപഭൂഖണ്ഡത്തിലെലെ ഒരു പുരാതന നഗരവും ശാക്യവംശത്തിന്റെ രാജ്യതലസ്ഥാനവുമായിരുന്നു കപിലവസ്തു. ഇപ്പോൾ നേപ്പാളിലാണിത് സ്ഥിതി ചെയ്യുന്നത്. ശുദ്ധോദന രാജാവും മായാദേവിയും, വീടുവിട്ടിറങ്ങുന്നതുവരെ അവരുടെ മകനായ സിദ്ധാർത്ഥ രാജകുമരനും ഇവിടെയാണ് ജീവിച്ചിരുന്നത് എന്നു കരുതുന്നു. ശ്രീബുദ്ധന്റെ ജന്മസ്ഥലമായ ലുംബിനിക്കടുത്ത് സ്ഥിതി ചെയ്യുന്ന ഈ സ്ഥലം ബുദ്ധമത തീർത്ഥാടനകേന്ദ്രമാണ്. കപിലവസ്തു രാജ്യത്തിന്റെ വലിയ ഒരു ഭാഗം ഇന്ന് നേപ്പാളിലും ബാക്കി ഇന്ത്യയിലും സ്ഥിതി ചെയ്യുന്നു.

ശാക്യരുടെ തലസ്ഥാനവും ഗൗതമ ബുദ്ധന്റെ പിതാവ് രാജഭരണം നടത്തിയിരുന്ന സ്ഥലവും ആയതിനാൽ, കപിലവസ്തു ഗൗതമ ബുദ്ധന്റെ ബാല്യകാല വസതിയായിരുന്നുവെന്ന് തിപിടകം പോലുള്ള ബുദ്ധമത പ്രാമാണിക ഗ്രന്ഥങ്ങൾ അവകാശപ്പെടുന്നു. സിദ്ധാർത്ഥ ഗൗതമൻ തന്റെ ജീവിതത്തിന്റെ 29 വർഷം ചെലവഴിച്ച സ്ഥലമാണ് കപിലവസ്തു. ബുദ്ധമത ഗ്രന്ഥങ്ങൾ പ്രകാരം വേദമുനി കപിലന്റെ പേരിലാണ് ഈ നഗരം അറിയപ്പെടുന്നത്.

യുനെസ്കോ ലുംബിനിക്കൊപ്പം കപിലവസ്തുവിനേയും ലോക പൈതൃകകേന്ദ്രമായി പ്രഖ്യാപിച്ചിട്ടുണ്ട്.

കപിലവസ്തുവിനായി നടത്തിയ പര്യവേഷണങ്ങൾ

ഇവിടെ തീർത്ഥാടനം നടത്തിയ ചൈനീസ് ബുദ്ധ സന്യാസിമാരായ ഫാഹിയനും പിന്നീട് ഷ്വാൻ ത്സാങ്ങും എഴുതിയ വിവരണങ്ങളെ ആശ്രയിച്ചാണ് പത്തൊൻപതാം നൂറ്റാണ്ടിൽ കപിലവാസ്തു എന്ന ചരിത്രപ്രധാനമായ സ്ഥലത്തിനായുള്ള തിരച്ചിൽ നടത്തിയത്.

ഒരു വിഭാഗം പുരാവസ്തുശാസ്ത്രജ്ഞരുടെ അഭിപ്രായത്തിൽ ഈ സ്ഥാനം നേപ്പാളിലെ ഇന്നത്തെ തിലൗറകോട്ടിലും മറ്റുചില പുരാവസ്തുശാസ്ത്രജ്ഞരുടെ അഭിപ്രായത്തിൽ ഈ സ്ഥാനം ഇന്നത്തെ ഇന്ത്യയിലെ പിപ്രാവയിലുമാണ്: ഈ രണ്ടു സ്ഥലങ്ങളും പുരാതന കപിലവസ്തു രാജ്യത്തിന്റെ ഭാഗമായിരുന്നു. ഇവിടെ രണ്ടു സ്ഥലത്തുനിന്നും പുരാവസ്തു അവശിഷ്ടങ്ങൾ ലഭിക്കുകയും ചെയ്തിട്ടുണ്ട്.