ഹിന്ദു മിഷൻ ഹോസ്പിറ്റൽ, ചെന്നൈ

ഹിന്ദു മിഷൻ ഹോസ്പിറ്റൽ, ചെന്നൈ
പ്രധാന വ്യക്തി	Srinivasan K. Swamy, President ; D. K. Srinivasan, Founder Secretary ; D. K. Sriram, Medical Director
വെബ്സൈറ്റ്	hindumissionhospital.in

Hindu Mission Hospital
Hindu Mission Hospital
Geography
Location	India
History
Opened	1982

ഇംഗ്ലീഷ് വിലാസം

https://ml.wikipedia.org/wiki/Hindu_Mission_Hospital,_Chennai

ഇന്ത്യയിലെ തമിഴ്‌നാട്ടിൽ ചെന്നൈയിലുള്ള, 220 കിടക്കകളുള്ള മൾട്ടി ഡിസിപ്ലിനറി ചികിത്സാകേന്ദ്രമാണ് ഹിന്ദു മിഷൻ ഹോസ്പിറ്റൽ. 74,000 ചതുരശ്ര അടി വിസ്തൃതിയിൽ വ്യാപിച്ചുകിടക്കുന്ന, ISO 9001:2000 സർട്ടിഫിക്കേഷനുള്ള ഈ ആശുപത്രി തമിഴ്‌നാട്ടിലെ സൊസൈറ്റി ആക്ട് പ്രകാരം രജിസ്റ്റർ ചെയ്തിട്ടുള്ളതാണ്.

സ്ഥാനം

താംബരത്ത് ജിഎസ്ടി റോഡിൽ, താംബരം റെയിൽവേ സ്റ്റേഷന് എതിർവശത്തായാണ് ആശുപത്രി സ്ഥിതി ചെയ്യുന്നത്.

ചരിത്രം

ബിസിനസുകാരനും സാമൂഹികപ്രവർത്തകനുമായ ഡി. കെ. ശ്രീനിവാസനും കുഷ്ഠരോഗ വിദഗ്ധനായ സി. എസ്. ഗംഗാധര ശർമ്മയും ചേർന്ന് 1982 ഡിസംബർ 5-നാണ് ഒരു ഔട്ട്പേഷ്യന്റ് ക്ലിനിക്കായി ഈ ആശുപത്രി ആരംഭിച്ചത്.^[1] 1985 ഏപ്രിൽ 14-ന്, 10,000 ചതുരശ്ര അടി വിസ്തീർണ്ണമുള്ള 3 നിലകളുള്ള ശ്രീരാമനാമ ബ്ലോക്ക് അന്നത്തെ ഇന്ത്യൻ ഉപരാഷ്ട്രപതി ആർ. വെങ്കിട്ടരാമനാണ് ഉദ്ഘാടനം ചെയ്തത്. അതേ വർഷം തന്നെ ഇഎൻടി, ഗൈനക്കോളജി, സൈക്യാട്രി എന്നിവയിൽ കൺസൾട്ടേഷനും നേത്രശസ്ത്രക്രിയയ്ക്കുള്ള പ്രതിവാര ക്യാമ്പുകളും ആരംഭിച്ചു. 1988 ജൂണിൽ തൊട്ടടുത്തുള്ള 1.7 ഏക്കർ സ്ഥലത്തേക്ക് ആശുപത്രി വികസിക്കാൻ തുടങ്ങി. 1988 സെപ്റ്റംബർ 14-ന് 20 കിടക്കകളുള്ള ഇൻ-പേഷ്യന്റ് വിഭാഗവും ഒരു പ്രധാന ഓപ്പറേഷൻ തിയേറ്ററും തുറക്കുകയും പൊതു ശസ്ത്രക്രിയകൾ നടത്തിത്തുടങ്ങുകയും ചെയ്തു. 1992 ഒക്ടോബർ 11-ന് 30,000 ചതുരശ്ര അടി വിസ്തീർണ്ണമുള്ള, 100 കിടക്കകളുള്ള കെട്ടിടം തുറന്നു. 1993 മെയ് മാസത്തിൽ പ്രസവ, ശിശുസംരക്ഷണ സേവനങ്ങൾ ആരംഭിച്ചു. 1995 ജനുവരിയിൽ ഒഫ്താൽമിക്, ജെറിയാട്രിക് ബ്ലോക്കുകൾ തുറക്കുകയും മുഴുവൻസമയ ലബോറട്ടറി പ്രവർത്തനക്ഷമമാവുകയും ചെയ്തു. 1997 നവംബർ 1-ന് ഫാക്കോ എമൽസിഫിക്കേഷൻ യൂണിറ്റ് ആരംഭിച്ചു. 1998-ൽ എലിസ റീഡർ, വെന്റിലേറ്റർ സൗകര്യങ്ങൾ കൂട്ടിച്ചേർത്തു. 1999 ഫെബ്രുവരി 12-ന് ഹീമോഡയാലിസിസ് യൂണിറ്റും സ്പീച്ച് തെറാപ്പി, ഓഡിയോഗ്രാം സൗകര്യങ്ങളും തുറന്നു. 2000 മാർച്ച് 3-ന് രക്തബാങ്ക് തുറന്നു. 2001-ൽ മാമോഗ്രഫി, 300 എംഎ എക്സ്-റേ യൂണിറ്റ്, ഓട്ടോമാറ്റിക് ഫിലിം പ്രൊസസർ, സി'ആർം ടേബിൾ, ഓപ്പറേറ്റിംഗ് മൈക്രോസ്കോപ്പ്, യാഗ് ലേസർ തുടങ്ങിയ വിവിധ സൗകര്യങ്ങൾ കൂട്ടിച്ചേർത്തു. ഒരു ടെമ്പോ ട്രാവലർ ഉൾപ്പെടുത്തിയതിനു പുറമേ രക്തബാങ്കും നവീകരിച്ചു. 2004-ൽ ക്രിട്ടിക്കൽ കെയർ ബ്ലോക്ക് ഉദ്ഘാടനം ചെയ്തു. 2007-ൽ കളർ ഡോപ്ലർ അൾട്രാസൗണ്ട് സ്കാനറും സ്ട്രെസ് ടെസ്റ്റ് സംവിധാനവും ആശുപത്രിയിലെ സൗകര്യങ്ങളോടു ചേർത്തു. 2008-ൽ പ്രൊഫ. എസ്. ആർ. എസ്. വരദൻ ബ്ലോക്ക്, ടി. എസ്. സന്താനം ബ്ലോക്ക്, കാർഡിയോ-തൊറാസിക് ബ്ലോക്ക് എന്നിവ കൂട്ടിച്ചേർത്തു.^[2]

1993 മെയ് മാസത്തിൽ രണ്ട് വാനുകളുമായാണ് ആദ്യത്തെ ആംബുലൻസ് സർവീസ് ആരംഭിച്ചത്. 1997 ഓഗസ്റ്റ് 14-ന് എൽഐസി ഓഫ് ഇന്ത്യ മൂന്നാമത്തെ വാഹനം സംഭാവന ചെയ്തു.^[2]

ആശുപത്രി

74,000 അടി വിസ്തൃതിയിലാണ് ആശുപത്രി വ്യാപിച്ചുകിടക്കുന്നത്. ഇവിടെ 220 കിടക്കകളും 9 ഓപ്പറേഷൻ തിയേറ്ററുകളും ഉണ്ട്. ആശുപത്രിക്ക് 7 ആംബുലൻസുകളുണ്ട്. ഐസിസിയു അപകട-ട്രോമ ബ്ലോക്കോടു കൂടിയ തീവ്രപരിചരണ വിഭാഗം, കാർഡിയോ-തൊറാസിക് ബ്ലോക്ക്, ഡയാലിസിസ് വിഭാഗം എന്നിവ ആശുപത്രിയിലെ പ്രത്യേക വിഭാഗങ്ങളിൽ ഉൾപ്പെടുന്നു. പ്രതിദിനം 450-ഓളം ഔട്ട്‌പേഷ്യന്റുകൾക്ക് ആശുപത്രി സേവനം നൽകുന്നു.

പൊതുജന സേവനങ്ങൾ

"നാരായണ സേവ", "ഭക്തജന സേവ", "അന്നലക്ഷ്മി", സൗജന്യ കൃത്രിമ അവയവ കേന്ദ്രം, കിഡ്‌നി കെയർ എൻഡോവ്‌മെന്റ് തുടങ്ങിയ പദ്ധതികൾ ആശുപത്രിയുടെ സേവനങ്ങളിൽ ഉൾപ്പെടുന്നു. നാരായണ സേവയുടെ കീഴിൽ ഗ്രാമപ്രദേശങ്ങൾക്കായി എല്ലാ ഞായറാഴ്ചയും വിവിധ ഗ്രാമങ്ങളിൽ സൗജന്യ തീവ്ര മെഡിക്കൽ ക്യാമ്പുകൾ നടത്തുന്നു; പാരാമെഡിക്കൽ ജീവനക്കാർ നേരത്തേ പരിശോധിച്ച രോഗികൾക്ക് ഇവിടെ ചികിത്സ നൽകുന്നു. താംബരത്തിന് ചുറ്റുമുള്ള ചേരികളിലും ഗ്രാമങ്ങളിലും പ്രചാരമുള്ള സൗജന്യ ഗ്രാമീണ മൊബൈൽ ക്ലിനിക്കുകളാണ് ഭക്തജന സേവ. ഡയറ്റീഷ്യന്റെ മേൽനോട്ടത്തിൽ രോഗികൾക്ക് സമീകൃതാഹാരം നൽകുന്നതാണ് അന്നലക്ഷ്മി പദ്ധതി. ആശുപത്രിയിലെ സൗജന്യ കൃത്രിമ അവയവ കേന്ദ്രം എല്ലാ ബുധൻ, ശനി ദിവസങ്ങളിലും ക്യാമ്പുകൾ നടത്തുന്നു. താംബരം പ്രദേശത്തെ സ്‌കൂളുകളിൽ വിദ്യാർഥികൾക്കായി മെഡിക്കൽ ക്യാമ്പുകളും നടത്തുന്നുണ്ട്.

ധനസഹായം

കോർപ്പറേറ്റ് മേഖലയിലെ വിവിധ സ്ഥാപനങ്ങളാണ് ഈ മിഷന് ധനസഹായം നൽകുന്നത്. കോർപ്പറേറ്റ് സ്പോൺസർമാരിൽ ആദ്യത്തേത് സുന്ദരം ഫിനാൻസ് ഗ്രൂപ്പും TAFE ഗ്രൂപ്പുമാണ്. ആശുപത്രിയുടെ സുവർണ ജൂബിലി ആഘോഷങ്ങളുടെ ഭാഗമായി, ആശുപത്രി വളപ്പിൽ ഉപകരണങ്ങളോടു കൂടിയ ക്രിട്ടിക്കൽ കെയർ ബ്ലോക്ക് നിർമ്മിക്കുന്നതിനായി സുന്ദരം ഫിനാൻസ് ഗ്രൂപ്പ് 5 ദശലക്ഷം നൽകി.

ഇതും കാണുക

കവാടം:India

ചെന്നൈയിലെ ആരോഗ്യപരിപാലനം

അവലംബം

↑ "'I dedicate the award to my family, doctors and staff'". 30 January 2016. Retrieved 15 August 2016.
1 2 "Milestones". Hindu Mission Hospital. Archived from the original on 2013-05-22. Retrieved 5 Apr 2013.

പുറംകണ്ണികൾ

ഹിന്ദു മിഷൻ ആശുപത്രിയുടെ ഔദ്യോഗിക വെബ്‌പേജ് Archived 2014-01-30 at the Wayback Machine

[‘I_dedicate_the_award_to_my_family,_doctors_and_staff’-1] "'I dedicate the award to my family, doctors and staff'". 30 January 2016. Retrieved 15 August 2016.

[HMH_Milestones-2] 1 2 "Milestones". Hindu Mission Hospital. Archived from the original on 2013-05-22. Retrieved 5 Apr 2013.

[1]

[2]