ഗവൺമെൻ്റ് മെഡിക്കൽ കോളേജ്, മിറാജ്

ഇംഗ്ലീഷ് വിലാസം

https://ml.wikipedia.org/wiki/Government_Medical_College,_Miraj

ഗവൺമെൻ്റ് മെഡിക്കൽ കോളേജ്, മിറാജ്

തരം	മെഡിക്കൽ കോളേജ് ആശുപത്രി
സ്ഥാപിതം	1962
മേൽവിലാസം	സാംഗ്ലീ, മഹാരാഷ്ട്ര, ഇന്ത്യ
അഫിലിയേഷനുകൾ	മഹാരാഷ്ട്ര യൂണിവേഴ്സിറ്റി ഓഫ് ഹെൽത്ത് സയൻസസ്
വെബ്‌സൈറ്റ്	http://www.gmcmiraj.edu.in/

ഗവൺമെന്റ് മെഡിക്കൽ കോളേജ്, മിറാജ് അല്ലെങ്കിൽ ജിഎംസി മിറാജ് മഹാരാഷ്ട്രയിലെ സാംഗ്ലിയിൽ സ്ഥിതി ചെയ്യുന്ന ഒരു മെഡിക്കൽ കോളേജാണ്. ഇത് മഹാരാഷ്ട്ര യൂണിവേഴ്സിറ്റി ഓഫ് ഹെൽത്ത് സയൻസസ്, മെഡിക്കൽ കൗൺസിൽ ഒഫ് ഇന്ത്യ എന്നിവ അംഗീകരിച്ചിട്ടുണ്ട്,

ഇത് സ്ഥാപിതമായത് 1962 ൽ ആണ്. എംബിബിഎസ് കോഴ്സിന് ഇവിടെ 200 സീറ്റുകളാണുള്ളത്.

ആകെ 47 പിജി സീറ്റുകളിൽ എംഡി മെഡിസിൻ- 7, എംഎസ് സർജറി-7, എംഎസ് ഒഫ്താൽമോളജി-3, ഡിപ്ലോമ ഇൻ ചൈൽഡ് ഹെൽത്ത്-2 എന്നിങ്ങനെയാണ് സീറ്റുകൾ.

ചരിത്രം

മിറാജിലെ ആദ്യത്തെ ഇന്ത്യൻ ഡോക്ടർ ഡോ.ഗോപാൽറാവു ഗോവിന്ദറാവു വാട്‌വെ ആയിരുന്നു, അദ്ദേഹത്തിന്റെ സഹായത്തോടെ ശ്രീമന്ത് പട്‌വർദ്ധൻ 1864-ൽ മിറാജിൽ ആദ്യത്തെ സർക്കാർ ആശുപത്രി ആരംഭിച്ചു. 1892-ൽ സർ വില്യം വാൻലെസ് സ്ഥാപിച്ചതാണ് മിറാജിലെ വിവിധ ആരോഗ്യ സംരക്ഷണ സ്ഥാപനങ്ങൾ. 1961-ൽ, ശ്രീ.വസന്തറാവു പാട്ടീലിന്റെ നേതൃത്വത്തിൽ, തെക്കൻ മഹാരാഷ്ട്രയിലെ പുതിയ സർക്കാർ മെഡിക്കൽ കോളേജ് വികസനത്തോടൊപ്പം സാംഗ്ലിയിൽ ഒരു താൽക്കാലിക മെഡിക്കൽ കോളേജ് കമ്മിറ്റി രൂപീകരിച്ചു. ഈ പുതിയ സർക്കാർ മെഡിക്കൽ കോളേജിന് ടീച്ചിംഗ് ഹോസ്പിറ്റലായി പ്രവർത്തിക്കാൻ ഒരു സ്വകാര്യ ക്രിസ്ത്യൻ ആശുപത്രിയായ മിറാജിലെ വാൻലെസ് ഹോസ്പിറ്റലിന്റെ അതോറിറ്റിയെ ഇവർ സമീപിച്ചു. ഔദ്യോഗികമായി, 1962 ലാണ് മിറാജിലെ സർക്കാർ മെഡിക്കൽ കോളേജ് സ്ഥാപിതമായത്.

പുറം കണ്ണികൾ

• ഔദ്യോഗിക വെബ്സൈറ്റ്