ഗിരീഷ് പുത്തഞ്ചേരി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Gireesh Puthenchery എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ഗിരീഷ് പുത്തഞ്ചേരി
Gireesh Puthenchery.jpg
ജനനം(1961-05-01)മേയ് 1, 1961{{അവലംബം[1]}}
പുത്തഞ്ചേരി (കോഴിക്കോട്), കേരളം
മരണംഫെബ്രുവരി 10, 2010(2010-02-10) (aged 48)
കോഴിക്കോട്, കേരളം
മരണകാരണം
മസ്തിഷ്ക രക്തസ്രാവം
തൊഴിൽഗാനരചയിതാവ്, തിരക്കഥാകൃത്ത്,കവി,കഥാകൃത്ത്‌
സജീവം1989 – 2010
ജീവിത പങ്കാളി(കൾ)ബീന
കുട്ടി(കൾ)ജിതിൻ പുത്തഞ്ചേരി, ദിനനാഥ്‌ പുത്തഞ്ചേരി
വടകര സ്വദേശി ശ്രീ രജീഷ് ptk വരച്ച ശ്രീ ഗിരീഷ് പുത്തഞ്ചേരിയുടെ ചിത്രം.

മലയാളത്തിലെ ജനപ്രിയ ചലച്ചിത്രഗാന രചയിതാവും, കവിയും, തിരക്കഥാകൃത്തുമായിരുന്നു ഗിരീഷ് പുത്തഞ്ചേരി (1961 — 2010 ഫെബ്രുവരി 10[2][3]).

ജീവിത രേഖ[തിരുത്തുക]

പരേതരായ പുളിക്കൂൽ കൃഷ്ണപ്പണിക്കരുടേയും മീനാക്ഷിയമ്മയുടേയും മകനായി 1961 മേയ് 1-ന് കോഴിക്കോട് ജില്ലയിലെ കൊയിലാണ്ടിക്കടുത്തുള്ള പുത്തഞ്ചേരിയിൽ ജനനം. പുത്തഞ്ചേരി സർക്കാർ എൽ.പി.സ്കൂൾ, മൊടക്കല്ലൂർ എ.യു.പി.സ്കൂൾ, പാലോറ സെക്കൻ‍ഡറി സ്കൂൾ, ഗവ:ആർട്സ് ആൻഡ് സയൻസ് കോളേജ് കോഴിക്കോട് എന്നിവിടങ്ങളിൽ പഠനം. പഠനകാലത്ത് കോഴിക്കോട് ആകാശവാണിക്ക് വേണ്ടി ലളിത ഗാനങ്ങൾ എഴുതിക്കൊണ്ടാണ്‌ ഈ രംഗത്തേക്കുള്ള ചുവടു വെപ്പ്. കാസറ്റ് കമ്പനികൾക്ക് വേണ്ടി നിരവധി ഗാനങ്ങൾ എഴുതിയിട്ടുണ്ട്. "എങ്ക്വയറി" എന്ന ചിത്രത്തിലെ ഗാനങ്ങൾ എഴുതിയാണ്‌ ചലച്ചിത്രഗാനരചനാരംഗത്തേക്ക് വരുന്നത്[3]. 344 ചിത്രങ്ങളിലായി 1599-ലേറെ ഗാനങ്ങൾ രചിച്ചു. 7 തവണ സംസ്ഥാന സർക്കാറിന്റെ ഏറ്റവും മികച്ച ചലച്ചിത്ര ഗാനരചയിതാവിനുള്ള അവാർഡ് കരസ്ഥമാക്കി . "മേലേ പറമ്പിൽ ആൺ‌വീട്" ഇക്കരെയാണെന്റെ മാനസം, പല്ലാവൂർ ദേവനാരായണൻ, വടക്കുംനാഥൻ, അടിവാരം, ഓരോ വിളിയും കാതോർത്ത്, കേരളാ ഹൗസ് ഉടൻ വിൽപ്പനക്ക് എന്നീ ചിത്രത്തിന്‌ കഥയും, "വടക്കുനാഥൻ","പല്ലാവൂർ ദേവനാരായണൻ", "കിന്നരിപ്പുഴയോരം" ,ബ്രഹ്മരക്ഷസ്സ് എന്നീ ചിത്രങ്ങൾക്ക് തിരക്കഥയും രചിച്ചു. അവസാന കാലത്ത് സ്വന്തം തിരക്കഥയിൽ രാമൻ പോലിസ് എന്ന പേരിൽ മോഹൻലാലിനെ നായകനാക്കി ഒരു ചിത്രം സം‌വിധാനം ചെയ്യാനുള്ള ഒരുക്കത്തിലായിരുന്നു ഗിരീഷ്[4].

ശ്രദ്ധേയമായ ചില ചലച്ചിത്ര ഗാനങ്ങൾ[തിരുത്തുക]

  • സൂര്യകിരീടം വീണുടഞ്ഞു (ദേവാസുരം)
  • പിന്നെയും പിന്നെയും ആരോ (കൃഷ്ണഗുഡിയിൽ ഒരു പ്രണയകാലത്ത് - 1997)
  • ആരോ വിരൽ മീട്ടി... (പ്രണയവർണ്ണങ്ങൾ - 1998)
  • കണ്ണുംനട്ട് കാത്തിരുന്നിട്ടും...(കഥാവശേഷൻ (2004)
  • ആകാശദീപങ്ങൾ സാക്ഷി.. (രാവണപ്രഭു - 2001)
  • ഇന്നലെ എന്റെ നെഞ്ചിലെ.. (ബാലേട്ടൻ - 2003)
  • കനകമുന്തിരികൾ.. (പുനരധിവാസം - 1999‌)[5]
  • നിലാവിന്റെ നീലഭസ്മക്കുറിയണിഞ്ഞവളേ... (അഗ്നിദേവൻ - 1995)
  • ഒരു രാത്രികൂടി വിടവാങ്ങവേ..(സമ്മർ ഇൻ ബെത്‌ലഹേം)[6]
  • അമ്മ മഴക്കാറിന്... (മാടമ്പി 2008‌)
  • രാത്തിങ്കൾ പൂത്താലിചാർത്തി... (ഈ പുഴയും കടന്ന് - 1996)
  • ഏതോ വേനൽ കിനാവിൻ..
  • കൈക്കുടന്ന നിറയെ...(മായാമയൂരം)
  • മേലെ മേലേ മാനം..
  • നിലാവേ മായുമോ... (മിന്നാരം)
  • പുലർവെയിലും പകൽമുകിലും... (അങ്ങനെ ഒരവധിക്കാലത്ത് 1999)
  • നീയുറങ്ങിയോ നിലാവേ... (ഹിറ്റ്ലർ - 1996)
  • കളഭം തരാം... (വടക്കുംനാഥൻ - 2006)
  • ഹരിമുരളീരവം... (ആറാം തമ്പുരാൻ - 1997)
  • ശാന്തമീ രാത്രിയിൽ (ജോണിവാക്കർ)

കവിതാ സമാഹാരങ്ങൾ[തിരുത്തുക]

  • ഷഡ്ജം
  • തനിച്ചല്ല[7]
  • എന്റെ പ്രിയപ്പെട്ട പാട്ടുകൾ [8]

പുരസ്കാരങ്ങൾ[തിരുത്തുക]

കേരള സംസ്ഥാന ചലച്ചിത്ര പുരസ്കാരം:

ഏഷ്യാനെറ്റ് ചലച്ചിത്ര പുരസ്കാരം

മരണം[തിരുത്തുക]

ഏറെക്കാലമായി പ്രമേഹവും രക്താതിമർദ്ദവും [2][9]. അനുഭവിച്ചിരുന്ന ഗിരീഷിനെ 2010 ഫെബ്രുവരി 6-ന് മസ്തിഷ്കാഘാതം അനുഭവപ്പെട്ടതിനെ തുടർന്ന് കോഴിക്കോട്ടെ മിംസ് (മലബാർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്) ആശുപത്രിയിൽ പ്രവേശിപ്പിച്ചു. ഫെബ്രുവരി 2-ന് അന്തരിച്ച നടൻ കൊച്ചിൻ ഹനീഫയെക്കുറിച്ച് അനുസ്മരണ കുറിപ്പ് എഴുതുന്നതിനിടയിൽ പെട്ടെന്ന് അദ്ദേഹത്തിന് കടുത്ത തലവേദന അനുഭവപ്പെടുകയായിരുന്നു. ആശുപത്രിയിലെത്തിയ ഉടനെ അദ്ദേഹം അബോധാവസ്ഥയിലായി. രണ്ടു തവണ ശസ്ത്രക്രിയ നടത്തിയെങ്കിലും അദ്ദേഹത്തിന്റെ ആരോഗ്യ നിലയിൽ പുരോഗതി ഉണ്ടായില്ല. ഒടുവിൽ ഫെബ്രുവരി 10-ന് രാത്രി എട്ടേമുക്കാലോടെ അദ്ദേഹം തന്റെ 49-ആമത്തെ വയസ്സിൽ ഇഹലോകവാസം വെടിഞ്ഞു. മൃതദേഹം പൂർണ്ണ ഔദ്യോഗിക ബഹുമതികളോടെ മാവൂർ റോഡ് ശ്മശാനത്തിൽ സംസ്കരിച്ചു.[2][10].ബീനയാണ് ഭാര്യ. ജിതിൻ, ദിനനാഥ് എന്നിങ്ങനെ രണ്ട് ആണ്മക്കളുണ്ട്. ഇളയ മകനായ ദിനനാഥ് പിന്നീട് അച്ഛന്റെ പാത പിന്തുടർന്ന് ഗാനരചയിതാവായി.

അവലംബം[തിരുത്തുക]

  1. ഗിരീഷ് പുത്തഞ്ചേരിയുടെ പിറന്നാൾ. Manorama Online. Malayala Manorama http://www.manoramaonline.com/music/music-news/gireesh-puthenchery-birthday-exclusive-story.html. ശേഖരിച്ചത്: 2015 സെപ്റ്റംബർ 23. Missing or empty |title= (help)
  2. 2.0 2.1 2.2 "Popular film lyricist Girish Puthenchery dead". Press Trust of India. ശേഖരിച്ചത്: 2010 February 10.
  3. 3.0 3.1 മാതൃഭൂമി: ഗിരീഷ് പുത്തഞ്ചേരി അന്തരിച്ചു, ഫെബ്രുവരി 11, 2010
  4. വെബ് ദുനിയ മലയാളം
  5. "പാട്ടോർമ്മ". മാധ്യമം ആഴ്ചപ്പതിപ്പ് ലക്കം 709. 2011 സെപ്റ്റംബർ 26. ശേഖരിച്ചത്: 2013 മാർച്ച് 24.
  6. "പാട്ടോർമ്മ". മാധ്യമം ആഴ്ചപ്പതിപ്പ് ലക്കം 706. 2011 സെപ്റ്റംബർ 05. ശേഖരിച്ചത്: 2013 മാർച്ച് 24. Check date values in: |date= (help)
  7. ദാറ്റ്സ് മലയാളം
  8. "ഗിരീഷ് പുത്തഞ്ചേരി അന്തരിച്ചു". Manoramaonline. ശേഖരിച്ചത്: 2010 February 11.
  9. "-". Mathrubhumi. ശേഖരിച്ചത്: 2010 February 10.
  10. "ഗിരീഷ് പുത്തഞ്ചേരി അന്തരിച്ചു". Mathrubhumi. ശേഖരിച്ചത്: 2010 February 10.

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=ഗിരീഷ്_പുത്തഞ്ചേരി&oldid=3120689" എന്ന താളിൽനിന്ന് ശേഖരിച്ചത്