ക്ഷേത്രഗണിതജ്ഞ നിശാശലഭം

ഇംഗ്ലീഷ് വിലാസം

https://ml.wikipedia.org/wiki/Geometer_moth

Geometridae
Idaea biselata (Sterrhinae: Sterrhini)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
(unranked):	Macrolepidoptera
Superfamily:	Geometroidea
Family:	Geometridae Leach, 1815
Subfamilies
Alsophilinae (disputed) Archiearinae Desmobathrinae (disputed) Ennominae Geometrinae Larentiinae (but see text) Oenochrominae Orthostixinae Sterrhinae

ലെപിഡോപ്റ്റെറ നിരയിൽപ്പെടുന്ന ഒരു കുടുംബമാണ് ക്ഷേത്രഗണിതജ്ഞ നിശാശലഭം അല്ലെങ്കിൽ ജിയോമെട്രിഡെ. വളരെ വലിയ കുടുംബമായ ഇതിൽപ്പെടുന്ന 35,000-ലധികം സ്പീഷിസുകളെ ഇതിനകം കണ്ടെത്തിയിട്ടുണ്ട്. നിരവധി ജനിതകശാസ്ത്ര പഠനങ്ങൾക്ക് വിധേയമാക്കപ്പെട്ടിട്ടുള്ള പെപ്പേർഡ് നിശാശലഭം ഈ കുടുംബത്തിലെ ഒരു ഇനമാണ്. ഇതിലെ മറ്റ് പല ഇനങ്ങളും കുപ്രസിദ്ധങ്ങളായ കീടങ്ങളാണ്.

ചിറക് വിടർത്തിയിരിക്കുമ്പോൾ പൊതുവെ 3 സെന്റീമീറ്റർ നീളമുള്ളവയാണ് കൂടുതൽ ഇനങ്ങളും. 1 മുതൽ 5 സെന്റീമീറ്റർ വരെ നീളമുള്ളവയും ഉണ്ട്. ഉദരത്തിനു താഴെയായി ജോഡിയായി കാണപ്പെടുന്ന, ശ്രവണത്തിനായുള്ള റ്റിമ്പാനൽ അവയവം ഇവയുടെ സവിശേഷതകളിലൊന്നാണ്.

ഇവയുടെ ശലഭപ്പുഴു ഇഴയുന്ന രീതി, സഞ്ചാരദൈർഘ്യം അളന്നുകൊണ്ടുള്ളതായി തോന്നിപ്പിക്കുന്നതിനാലാണ് ക്ഷേത്രഗണിതജ്ഞ നിശാശലഭം എന്ന പേര് ലഭിച്ചത്.