ഗംഗാവതി നദി
(Gangavathi River എന്ന താളിൽ നിന്നും തിരിച്ചുവിട്ടതു പ്രകാരം)
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
സമുദ്രനിരപ്പിൽ നിന്നും 701 മീറ്റർ ഉയരത്തിൽ ധാർവാഡ്-ഹൂബ്ലി നഗരങ്ങൾക്കു ചുറ്റുമുള്ള മലകളിൽ നിന്നും ഉത്ഭവിച്ച് അറബിക്കടലിൽ ചേരുന്ന ഒരു നദിയാണ് ഗംഗാവതി നദി. ഉത്ഭവസ്ഥാനത്തിൽ നിന്നും ഏകദേശം 30 കിലോമീറ്റർ താഴെയായി ഷാത്മാല എന്ന പോഷകനദി ചേരുന്ന ഈ നദിയുടെ നീളം 152 കിലോമീറ്ററാണ്. ഏകദേശം 72 കിലോമീറ്റർ ദൂരം ചരിവുകുറഞ്ഞ പ്രദേശത്തുകൂടി ഒഴുകുന്ന ഈ നദിയിൽ 183 മീറ്റർ താഴ്ചയുള്ള മഗാഡ് ജലപാതം സ്ഥിതിചെയ്യുന്നു. ഈ ജലപാതത്തിനു താഴെ ഈ നദിയിൽ ചേരുന്ന പോഷകനദിയാണ് സൗദ. 4925 ദശലക്ഷം ക്യു.മീറ്റർ വാർഷികജലപാതമുള്ള ഈ നദി കാർവാർ ജില്ലയിൽ അംഗോല നഗരത്തിൽ നിന്നും 11 കിലോമീറ്റർ അകലത്തിലായി ഗംഗാവതി എന്ന ഗ്രാമത്തിനുസമീപം അറബിക്കടലിൽ പതിക്കുന്നു.